La 119:57 - BAIBLO ALOO NGMAMI KLƆUKLƆU Ɔ

⁵⁷ Yawɛ, mo pɛ i suɔ; i ngɛ si woe ke ma ye o mlaa amɛ a nɔ.

La 119:57 ပူးပေါင်းရင်းမြစ်များ

Kɔmɔ Yemi 3:24

Yawɛ ji ye nɔ́ tsuaa nɔ́; lɔ ɔ he ɔ, i ngɔ ye hɛ kɛ fɔ e nɔ.

La 16:5

Yawɛ ji ye nɔ́ tsuaa nɔ́; lɛ nɛ e haa mi nɔ́ tsuaa nɔ́ nɛ hia mi. Nɔ́ nɛ maa ba ye nɔ hwɔɔ se hu, Yawɛ dɛ mi lɛ e ngɛ.

La 142:5

Yawɛ, mo i ngɛ tsɛe ɔ nɛ. I ngɛ dee ke mo pɛ ji ye wesa he ngɛ je ɔ mi.

Yeremia 10:16

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

La 73:26

Ke ye nɔmlɔ tso ɔ gbɔjɔ, nɛ ye tsui ta a, Yawɛ maa wo mi he wami, ejakaa lɛ ji ye nɔ́ fɛɛ nɔ́, nɛ e kɛ mi maa hi si daa.

La 119:115

Nyɛ yayami peeli, nyɛɛ je ye nɔ kɛ ya se! Ye Mawu ɔ mlaa amɛ a nɔ ma ye.

Yoshua 24:21

Ma a de Yoshua ke, “Dɛbi! Wa ma sɔmɔ Yawɛ.”

Yoshua 24:18

Yawɛ fie je ma amɛ, kɛ Amor bi ɔmɛ tsuo nɛ ngɛ zugba a nɔ ɔ kɛ je wa blɔ mi. Lɔ ɔ he ɔ, wɔ hu Yawɛ lɛ wa ma sɔmɔ; lɛ ji wa Mawu.”

Yoshua 24:15

Ke nyɛ sume kaa nyɛ ma sɔmɔ lɛ ɔ, nyɛɛ tsɔɔ mwɔnɛ nɛ ɔ nɔ nɛ nyɛ ma sɔmɔ; ke mawu ɔmɛ nɛ nyɛ nɛmɛ ɔmɛ ja ngɛ Mesopotamia a jio, loo Amor bi ɔmɛ nɛ nyɛ ngɛ a zugba a nɔ ɔ a mawu ɔmɛ jio. Se imi kɛ ye we ɔ lɛɛ, wa ma sɔmɔ Yawɛ.”

La 119:106

O mlaa amɛ da saminya, lɔ ɔ he ɔ, imi hu i ngɛ mo si woe veveeve ke ma ye a nɔ sisiisi.

La 66:14

Níhi nɛ je ye nya nɛ i de be nɛ e fi mi ɔ, ma pee.

Mose V, 18:2

A be zugba nae kaa a weto ní kaa bɔ nɛ wɛtso kpa amɛ na a; a blɔ nya ji kaa a pee Yawɛ we osɔfohi kaa bɔ nɛ Yawɛ wo si ɔ.

La 119:2

A gbaa nihi nɛ yeɔ e mlaa amɛ a nɔ, ni nɛmɛ nɛ kɛ a tsui tsuo hlaa e se blɔ,