La 119:2 - BAIBLO ALOO NGMAMI KLƆUKLƆU Ɔ

² A gbaa nihi nɛ yeɔ e mlaa amɛ a nɔ, ni nɛmɛ nɛ kɛ a tsui tsuo hlaa e se blɔ,

La 119:2 ပူးပေါင်းရင်းမြစ်များ

Yeremia 29:13

Nyɛ ma hla ye se blɔ, nɛ nyɛ maa na mi. Ke nyɛ ngɔ nyɛ tsui tsuo kɛ hla ye se blɔ ɔ,

La 119:10

I suɔ kaa ma nyɛɛ o se kɛ ye tsui tsuo, ko ha nɛ ma je o mlaa amɛ a he.

Mose V, 4:29

Nyɛ ma hla Yawɛ, nyɛ Mawu ɔ ngɛ lejɛ ɔ. Ke nyɛ hla lɛ kɛ nyɛ tsui tsuo ɔ, nyɛ maa na lɛ.

Yohane 14:23

Yesu he nɔ ke, “Ke nɔ ko suɔ mi ɔ, e maa ye ye munyu ɔmɛ a nɔ. Kɛkɛ ɔ, Tsaatsɛ maa suɔ lɛ, nɛ wa maa ba e ngɔ, nɛ waa kɛ lɛ ma ba hi si.

La 25:10

Nihi tsuo nɛ yeɔ Yawɛ somi ɔ, kɛ e mlaa amɛ a nɔ ɔ, Yawɛ naa mɛ mɔbɔ, nɛ e yeɔ mɛ anɔkuale.

Ezekiel 36:27

Ma ngɔ ye mumi ɔ kɛ wo nyɛ mi, konɛ nyɛɛ bu ye mlaa amɛ tsuo tue, nɛ nyɛɛ ye a nɔ pɛpɛɛpɛ.

Abɛ Womi 23:26

Ye bi, bu mi tue saminya; ha nɛ ye je mi bami nɛ pee nɔhyɛ nɔ́ ha mo!

Mose V, 6:17

Mlaa amɛ tsuo nɛ a ha nyɛ ɔ, nyɛɛ hyɛ nɛ nyɛɛ ye a nɔ pɛpɛɛpɛ.

Kronika II, 31:21

Hezekia ya nɔ saminya, ejakaa nɔ́ tsuaa nɔ́ nɛ e ngɛ pee ɔ, e peeɔ kɛ e tsui tsuo, kɛ Mawu gbeye yemi, Yawɛ we ɔ he ní tsumi jio, mlaa a nɔ yemi jio.

Matsɛmɛ I, 2:3

nɛ nɔ́ nɛ Yawɛ, o Mawu ɔ fa mo ke o pee ɔ, o pee. Ye e mlaa amɛ, kɛ e fami ɔmɛ tsuo a nɔ kaa bɔ nɛ a ngma ngɛ Mose mlaa a mi ɔ, bɔ nɛ pee nɛ he tsuaa he nɛ o maa gu ɔ, o nɔ́ tsuaa nɔ́ nɛ ya nɔ pɛpɛɛpɛ.

1 Yohane 3:20

Se ke wa he nile buɔ wɔ fɔ ɔ, wa le kaa Mawu kle pe wa he nile ɔ, nɛ e le nɔ́ tsuaa nɔ́ hulɔ.

La 105:45

E pee enɛ ɔ, konɛ a kai e mlaa amɛ, nɛ a ye nɔ. A je Yawɛ yi!

Mose V, 6:5

Nyɛɛ suɔ Yawɛ, nyɛ Mawu ɔ kɛ nyɛ tsui tsuo, kɛ nyɛ klaa tsuo, kɛ nyɛ he wami tsuo.

La 119:22

Mo je mi kɛ je a we ahlua bɔmi, kɛ he guɛ gbemi mi; ejakaa i ye o mlaa amɛ a nɔ.

La 119:146

Mo i ngɛ tsɛe ɔ nɛ; mo he ye yi wami, nɛ ma ye o mlaa amɛ a nɔ.

Kronika I, 22:19

Lɔ ɔ he ɔ, nyɛ sɔmɔ Yawɛ, nyɛ Mawu ɔ kɛ nyɛ tsui tsuo, kɛ nyɛ juɛmi tsuo. Nyɛɛ je Yawɛ we ɔ mami sisi, konɛ nyɛɛ ngɔ Yawɛ somi daka a, kɛ ní klɔuklɔu kpa amɛ tsuo nɛ a kɛ sɔmɔɔ lɛ ɔ kɛ ba ma mi.”

La 119:17

O tsɔlɔ ji mi, naa mi mɔbɔ; ha nɛ ye yi nɛ na wami, konɛ ma ye o mlaa a nɔ.

La 119:33

Yawɛ, tsɔɔ mi o mlaa amɛ a sisi, konɛ ma ye a nɔ sisiisi.

La 119:34

Ha nɛ ma nu mlaa a sisi, konɛ ma ye nɔ kɛ ye tsui tsuo.

La 119:57

Yawɛ, mo pɛ i suɔ; i ngɛ si woe ke ma ye o mlaa amɛ a nɔ.

La 119:69

Nihi nɛ woɔ a he nɔ ɔ tuɔ lakpa munyuhi kɛ siɔ mi; se imi lɛɛ i kɛ ye tsui tsuo yeɔ o mlaa amɛ a nɔ.

La 119:88

O naa mɔbɔ; he ye yi wami, konɛ ma ye o mlaa amɛ a nɔ.

La 119:101

I kpa je mi bami yayami ɔmɛ tsuo; ejakaa i suɔ kaa ma ye o mlaa amɛ a nɔ.

La 119:115

Nyɛ yayami peeli, nyɛɛ je ye nɔ kɛ ya se! Ye Mawu ɔ mlaa amɛ a nɔ ma ye.