La 119:144 - BAIBLO ALOO NGMAMI KLƆUKLƆU Ɔ

¹⁴⁴ O mlaa amɛ da kɛ yaa neneene. Ha mi juɛmi nɛ kɔɔ nɔ́ se, bɔ nɛ pee nɛ ye yi nɛ na wami.

La 119:144 ပူးပေါင်းရင်းမြစ်များ

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

Daniel 12:10

A maa tsukɔ nihi babauu a he, nɛ a he ma tsɔ. Yiwutsotsɛmɛ be sisi nue; a maa ya nɔ maa pee yayami. Ní leli ɔmɛ lɛɛ a maa nu sisi.

Yeremia 4:22

Yawɛ ke, “Ye ma mi bi ɔmɛ biɛ pɛ; ye ma mi bi ɔmɛ li mi. A ngɛ kaa jokuɛwi kuasiahi; a be juɛmi. A he sɔɔ kɛ peeɔ yayami, se kpakpa peemi lɛɛ a li.”

La 119:169

Yawɛ, ngmlaa nɛ i ngɛ kpae kɛ ngɛ mo tsɛe ɔ, bu tue koo! Ha nɛ ma nu nɔ́ sisi kaa bɔ nɛ o wo si ɔ!

Yesaya 27:11

Tso kɔni ɔmɛ gbli, nɛ a ku kɛ pueɔ si; yi ɔmɛ ya buaa nya kaa lɛ́ nɛ a ma slɛ, ejakaa ma a nui nɔ́ ko nɔ́ ko sisi. Mawu, a bɔlɔ ɔ mi mi be lɛ sãe ngɛ a he, nɛ e be mɛ mɔbɔ nae hulɔ.

Abɛ Womi 10:21

Nimli kpakpahi a nya mi munyu he baa se nami ha nihi babauu. Kuasiahi lɛɛ a hɛ mi kpataa, ejakaa a be juɛmi.

La 119:73

Mo nitsɛ lɛ o bɔ mi, nɛ o baa ye yi. Ha mi juɛmi nɛ kɔɔ nɔ́ se, konɛ ma kase o mlaa amɛ.

Mateo 13:19

Nihi nɛ nuɔ matsɛ yemi ɔ he sɛ gbi, se a nui sisi ɔ, a ngɛ kaa wu nɛ ya pue blɔ he ɔ. Nɔ yayami ɔ baa nɛ e ba saa nɔ́ nɛ a du ngɛ a mi ɔ kɛ jeɔ.

Mateo 5:18

Niinɛ, i ngɛ nyɛ dee ke, be abɔ nɛ hiɔwe kɛ zugba ngɛ nɛ ɔ, a be nɔ́ nyafii tslɛ po jee kɛ je mlaa a mi kɛ yaa si a maa gbe nɔ́ tsuaa nɔ́ nya.

La 119:152

I le kɛ je blema lokoo kaa o wo mlaa amɛ nɛ a hi si kɛ ya neneene.

La 119:138

Mlaa amɛ nɛ o wo ɔ, a da, anɔkuale sɔuu.

La 119:66

Ha mi juɛmi, kɛ nile; ejakaa i he o mlaa a ye.

La 19:9

Yawɛ gbeye yemi ɔ hi; e ngɛ kɛ yaa neneene. Ke Yawɛ kojo ɔ, anɔkuale sɔuu; niinɛ, e yeɔ dami sane be tsuaa be.

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Hosea 4:6

Ye ma a hɛ mi ma kpata, ejakaa a li nɔ. Ee, nyɛ osɔfo ɔmɛ, nyɛ kua nile, lɔ ɔ he ɔ, imi hu ma kua nyɛ. Akɛnɛ nyɛ hɛ je ye mlaa amɛ a nɔ he je ɔ, imi hu ye hɛ maa je nyɛ binyumu ɔmɛ a nɔ.

La 119:34

Ha nɛ ma nu mlaa a sisi, konɛ ma ye nɔ kɛ ye tsui tsuo.

La 119:17

O tsɔlɔ ji mi, naa mi mɔbɔ; ha nɛ ye yi nɛ na wami, konɛ ma ye o mlaa a nɔ.

La 119:151

Se Yawɛ, o ngɛ ye kasa nya haa, nɛ o mlaa amɛ tsuo maa si kpɛii.

Abɛ Womi 4:4

tsaatsɛ tsɔɔ mi ní. Nɔ́ nɛ e pɔɔ mi demi ji, “Mo kai níhi nɛ i de mo ɔ, nɛ o hɛ ko je a nɔ gblegbleegble. Moo ye mlaa nɛ i wo mo ɔ nɔ, konɛ o yi nɛ na wami.

Abɛ Womi 7:2

Mlaahi nɛ i wo mo ɔ, ye a nɔ, konɛ o yi nɛ na wami. Moo ye ye munyu ɔmɛ a nɔ fitsofitso kaa bɔ nɛ o baa mo nitsɛ o hɛngmɛ yi ɔ.