141 Imi lɛɛ nɔ wayoo nɛ a bui ha nɔ́ ko nɔ́ ko ji mi, se ye hɛ ji o mlaa amɛ a nɔ.
Se imi lɛɛ, pi nɔmlɔ ji mi hu; i ngɛ kaa gɔgɔ. Nihi tsuo pɛpɛɛpɛ hiee mi, nɛ a bɔɔ mi ahlua.
Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.
Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.
Se Yesu de lɛ ke, “Kɔkɔbohi ngɛ muɔhi, nɛ lohwe pɛlitsɛmɛ hu ngɛ tsuhi; se Nɔmlɔ Bi ɔ lɛɛ e be he ko nɛ e kɛ e yi fɔɔ.”
Yesu plɛ e hɛ mi ngɔ kpee e kaseli ɔmɛ, nɛ e de mɛ ke, “A gbaa nyɛ, ohiatsɛmɛ, ejakaa nyɛ nɔ́ ji Mawu matsɛ yemi ɔ nɛ!
E hi kaa o maa ye anɔkuale nɛ o nine nɛ su nɔ́ bɔbɔyoo nɔ, pe kaa o maa ye amimi kɛ na ní babauu.
Nɔ́ ko bɔbɔyoo nɛ Yawɛ gbeye yemi piɛ he ɔ, e hi hluu pe weto ní babauu kɛ e mi haomi gidiglɛmɛɛ.
Ye bi, níhi nɛ i tsɔɔ mo ɔ, o hɛ ko je a nɔ; o hɛ nɛ hi mlaahi nɛ i wo mo ɔ a nɔ be tsuaa be.
I dla ye he kɛ to ha gbenɔ be tsuaa be, se kɛ̃ ɔ, i je we ye hɛ kɛ ji o mlaa a he.
E fi mi, nɛ ye ní ngɛ mɔbɔ; se Nyɔmtsɛ ɔ hɛ ngɛ ye nɔ. Ye Mawu, mo ji ye he piɛlɔ; mo ji ye kpɔlɔ. Moo ba ye ngɔ esɔ, koo to tsle!
Wa gbe e he guɛ, nɛ wa kua lɛ. E na nɔ́, nɛ e pi wawɛɛ nitsɛ. Nɔ ko nɔ ko plɛ we nɛ e hyɛ lɛ; wa gbe e he guɛ, nɛ wa bui lɛ saasaa.
Ohiatsɛ nɛ yeɔ anɔkuale ɔ, e hi pe kuasia nɛ yeɔ lakpa.
I ngɛ lalaalo woe kaa to nɛ laa; mo hla imi, o tsɔlɔ ɔ koo! Ejakaa i je we ye hɛ ngɛ o mlaa amɛ a nɔ.
Ye bua jɔɔ o mlaa amɛ a he; ye hɛ be o munyu ɔmɛ a nɔ jee.