La 119:1 - BAIBLO ALOO NGMAMI KLƆUKLƆU Ɔ

¹ A gbaa ni nɛmɛ nɛ piami ko be a he ngɛ a si himi mi, nihi nɛ baa a je mi ngɛ Yawɛ mlaa a nya.

La 119:1 ပူးပေါင်းရင်းမြစ်များ

Luka 11:28

Se Yesu he nɔ ke, “A gbaa ni nɛmɛ nɛ nuɔ Mawu munyu ɔ, nɛ a yeɔ nɔ ɔ mohu!”

Ezekiel 11:20

bɔ nɛ pee nɛ a ye ye mlaa amɛ, kɛ ye blɔ nya tomi ɔmɛ a nɔ pɛpɛɛpɛ. Kɛkɛ ɔ, a ma plɛ pee ye ma, nɛ imi hu ma pee a Mawu.

Yakobo 1:25

Sane kpakpa a ji Mawu mlaa nɛ hi kɛ pi si, nɛ haa nɔ yeɔ e he. Ke nɔ ko kase sane kpakpa a mi tsɔɔmi ɔmɛ saminya, nɛ e mia e hɛ mi nɛ e hɛ ji nɔ́ nɛ e kase ɔ nɔ, se mohu e ye nɔ ɔ, a maa gbaa lɛ saminya ngɛ nɔ́ tsuaa nɔ́ nɛ e ngɛ tsue ɔ mi.

La 128:1

A gbaa nɔ tsuaa nɔ nɛ yee Yawɛ gbeye, nɛ́ e yeɔ e mlaa amɛ a nɔ.

Yohane 13:17

Amlɔ nɛ ɔ nɛ nyɛ na le anɔkuale ɔ, ke nyɛ tsu e nya ní ɔ, a gbaa nyɛ!

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

La 112:1

A je Yawɛ yi! A gbaa nɔ nɛ yeɔ Yawɛ gbeye, nɛ e naa e mlaa amɛ a he bua jɔmi saminya a.

Abɛ Womi 11:20

Nihi nɛ a juɛmi mi hyi tɔ kɛ yayami ɔ, Yawɛ sume mɛ saasaa; nihi nɛ e suɔ ji ni nɛmɛ nɛ peeɔ nɔ́ nɛ da.

Ni Tsumi 24:16

Lɔ ɔ he ɔ, i bɔɔ mɔde kaa daa nɛ ɔ ma pee nɔ́ nɛ maa sa Mawu, kɛ adesahi tsuo a hɛ mi, nɛ ye he nile be mi fɔ bue.

La 101:2

Ma ba ye je mi saminya, konɛ a ko na piami ko ngɛ ye he. Mɛni be po lɛ o maa ba ye ngɔ? Ma hi si ngɛ mumi mi he tsɔmi mi ngɛ ye we ɔ mi.

Hosea 14:9

Mɛnɔ ji ní lelɔ? Ha nɛ e nu ní nɛ ɔmɛ a sisi. Mɛnɔ lɛ nuɔ nɔ́ sisi? Ha nɛ e yɔse. Ejakaa Yawɛ blɔ ɔmɛ da tlɔmɔɔ, nɛ nihi nɛ peeɔ nɔ́ nɛ da a nyɛɛɔ nɔ tɛɛ. Se yayami peeli lɛɛ a tɛɔ nɔ́, nɛ a nɔɔ si.

Kpojemi 22:14

A gbaa nihi nɛ fɔ a tade ɔmɛ a he ɔ. Ee, a maa ye tso nɛ haa nɔ wami ɔ yiblii ɔ eko, nɛ a maa gu agbo ɔmɛ a mi kɛ ya ma a mi.

La 101:6

Nihi nɛ yeɔ Mawu anɔkuale ɔ, ma ná a he bua jɔmi, nɛ i kɛ mɛ maa hi si. Ni nɛmɛ nɛ peeɔ nɔ́ nɛ da a, mɛ lɛ a ma sɔmɔ mi.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

Yohane 1:47

Benɛ Yesu na Natanael nɛ ma e ngɔ ɔ, e de ke, “Israel no ngmingmiingmi ji nɛ ɔ nɛ; sé ko be e he.”

Hiob 1:8

Yawɛ bi lɛ ke, “Anɛ o to ye tsɔlɔ Hiob he hɛ kaa nɔ ko nɔ ko be je ɔ mi nɛ da, nɛ yeɔ anɔkuale kɛ lɛ sɔ lo? E jaa mi, nɛ e pee we nɔ́ nɛ dɛ blɔ kɔkɔɔkɔ.”

Hiob 1:1

Nyumu ko hi si ngɛ Uz zugba a nɔ; e biɛ ji Hiob. E jaa Mawu, nɛ e yeɔ lɛ anɔkuale. Nyumu nɛ ɔ, nɔmlɔ kpakpa ji lɛ; e pee we nɔ́ nɛ dɛ blɔ kɔkɔɔkɔ.

Matsɛmɛ II, 20:3

“Yawɛ lee, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.

Abɛ Womi 13:6

Nɔ nɛ peeɔ nɔ́ nɛ da a, a yeɔ dami sane ha lɛ. Se yayami peemi kpataa yiwutsotsɛ hɛ mi.

Samuel II, 22:22

I ye Yawɛ mlaa amɛ a nɔ; i ji ye Mawu ɔ se.

Abɛ Womi 29:18

Ma nɛ kɛ e hɛ fɔɛ Mawu nɔ ɔ, e níhi peeɔ basaa. Nɔ nɛ yeɔ mlaa a nɔ ɔ, a gbaa lɛ.