La 118:12 - BAIBLO ALOO NGMAMI KLƆUKLƆU Ɔ

¹² A buble mi kaa hwo; se a ngla kaa mio tso mi la. Yawɛ he wami nya a, i kpata a hɛ mi!

La 118:12 ပူးပေါင်းရင်းမြစ်များ

Mose V, 1:44

Kɛkɛ nɛ Amor bi ɔmɛ nɛ ngɛ Edom yo ɔmɛ a nɔ ɔ je kpo kɛ ba kaa hwo bihi, nɛ a kɛ nyɛ ba kpe. A fie nyɛ hluu kɛ ya su Horma, nɛ a ye nyɛ nɔ ngɛ lejɛ ɔ, ngɛ Edom yo zugba a nɔ.

Samuel I, 17:45

David de Filisti no ɔ ke, “Moo lɛɛ o kɛ klaate, akplɔ, kɛ kɛ̃ɛ̃ ma ye ngɔ; se imi lɛɛ i ma ngɛ Yawɛ Tabohiatsɛ, Israel tabo ɔmɛ a Mawu ɔ nɛ o ngɛ lɛ ahlua bɔe ɔ biɛ mi.

La 20:5

Ke o ye kunimi ɔ, wa ma hwɔ lele. Wa ma wo aflangaa nɔ ngɛ wa Mawu ɔ hɛ mi kɛ tsɔɔ kaa wa bua jɔ. Yawɛ nɛ ha mo níhi tsuo nɛ o fa a he kue ɔ.

Fiɛlɔ 7:6

Ke kuasia ngɛ muɔe ɔ, e ngɛ kaa mio nɛ ngɛ pɛe ngɛ la mi. Enɛ ɔ hu ji yaka nɔ́ ko.

La 20:1

Ke o ngɛ haomi mi, nɛ o tsɛ Yawɛ ɔ, Yawɛ nɛ bu mo tue. Yakob Mawu ɔ nɛ bu o he.

La 58:9

Loko a hɛ maa ba a he nɔ ɔ, a poo mɛ ngɔ pue he kaa nga. Mawu maa ngɔ e mi mi la a kɛ bɛɛ mɛ kɛ ho be mi nɛ a ngɛ hɛ ngmengmle.

La 8:9

Yawɛ, wa Nyɔmtsɛ! Hyɛ kaa o biɛ pɛɛ ngɛ je ɔ mi tsuo.

Samuel II, 23:6

Se yakayaka nimli ɔmɛ lɛɛ a ngɛ kaa mio nɛ a sake ngɔ fɔ he, nɛ nɔ ko kɛ e nine be nyɛe maa ta he.

Nahum 1:10

Kaa bɔ nɛ a buaa mio tsohi, kɛ go gbigbli nya nɛ a sãã a, jã e maa sã nyɛ butuu!

Yesaya 27:4

Ye wai ngmɔ ɔ he mi mi la ko be ye mi hu. Ke kaa miohi, kɛ mio pu kɛkɛ nɛ i kɛ gba ta a, jinɛ ma ya mɛ a he la, nɛ ma sã mɛ tsuo.

Yesaya 33:12

Nyɛ ta buli babauu ɔ maa sã ngɛ ta nga nɔ. A maa pee kaa la zu, loo mio tso nɛ a po kɛ pue si nɛ a mɛ he la.