La 115:9 - BAIBLO ALOO NGMAMI KLƆUKLƆU Ɔ

⁹ Israel ma, nyɛɛ ngɔ nyɛ hɛ kɛ fɔ Yawɛ nɔ. Lɛ ji nyɛ he piɛlɔ, kɛ nyɛ yi baalɔ.

La 115:9 ပူးပေါင်းရင်းမြစ်များ

La 62:8

Be tsuaa be ɔ, nyɛɛ ngɔ nyɛ hɛ kɛ fɔ Mawu nɔ kɛ nyɛ tsui tsuo. Mawu ji wɔ tsuo wa wesa he.

La 37:3

Ngɔɔ o hɛ ngɔ fɔ Yawɛ nɔ nɛ o pee kpakpa, konɛ o hi zugba a nɔ ngɛ he jɔmi mi.

Abɛ Womi 30:5

“Ke Mawu wo si ɔ, e yeɔ nɔ. Mawu ngɛ kaa tsɛ̃i kɛ ha nihi tsuo nɛ hlaa e se blɔ.

Mose V, 33:29

A gbaa nyɛ, Israel ma. Ma ko ma ko be kaa nyɛ ma nɛ Yawɛ he nyɛ yi wami. Yawɛ ji nyɛ tsɛ̃i kɛ klaate. Lɛ ji nɔ nɛ faa nyɛ he. Lɛ ji nɔ nɛ haa nyɛ yeɔ kunimi. Nyɛ he nyɛli ɔmɛ ma ba kpa nyɛ pɛɛ ke nyɛɛ na mɛ mɔbɔ; se nyɛɛ lɛɛ nyɛ maa naa a nɔ.”

Efesobi 1:12

Lɔ ɔ he ɔ, wɔ nɛ wa ji kekleekle nihi nɛ wa ngɔ wa hɛ ngɔ fɔ Kristo nɔ ɔ, nyɛ ha wa je Mawu yi kaa e hɛ mi ngɛ nyami.

La 130:7

Israel, ngɔɔ o hɛ kɛ fɔ Yawɛ nɔ, ejakaa Yawɛ suɔmi ɔ be nyagbe; lɛ nɛ e heɔ wa yi wami.

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

Mose II, 19:5

Lɔ ɔ he ɔ, ke nyɛ maa bu ye gbi tue, nɛ nyɛ maa ye ye somi ɔ nɔ ɔ, lɛɛ nyɛ maa pee imi nitsɛ ye ma titli pe ma amɛ kulaa; ejakaa je ɔ tsuo ye nɔ́ ji mɛ.

La 125:1

Nihi nɛ ngɔɔ a hɛ kɛ fɔɔ Yawɛ nɔ ɔ, a ngɛ kaa Zion yo ɔ. E maa si kpɛii kɛ yaa neneene, nɛ nɔ́ ko nɔ́ ko be nyɛe ma mimiɛ lɛ.

Yeremia 10:15

Amaga amɛ ɔ, se nami ko be a he, muɔ ní kɛkɛ ji mɛ. Be mi nɛ Yawɛ ma ba gbla ma a tue ɔ, a we amaga amɛ hu a maa ku mɛ dukuduku.