La 115:4 - BAIBLO ALOO NGMAMI KLƆUKLƆU Ɔ

⁴ Se ni ɔmɛ a we amaga amɛ lɛɛ sika hiɔ, kɛ sika tsu ji mɛ, níhi nɛ nimli adesahi ngɔ a nine kɛ pee kɛkɛ.

La 115:4 ပူးပေါင်းရင်းမြစ်များ

Mose V, 4:28

Nyɛ ma ya sɔmɔ mawuhi nɛ a kɛ nɔmlɔ adesa nine pee ngɛ lejɛ ɔ, mawuhi nɛ a kɛ tso pee, mawuhi nɛ a kɛ tɛ pee, mawuhi nɛ hyɛ we nɔ́, nɛ a nui nɔ́, kɛ mawuhi nɛ a yi ní, nɛ a nui nɔ́ he fu.

Yesaya 44:10

Mɛnɔ lɛ puɛɔ amaga nɛ he be se nami, nɛ e jaa lɛ?

Ni Tsumi 19:26

Jehanɛ ɔ, nyɛ nitsɛmɛ nyɛ nu, nɛ nyɛ na níhi nɛ kikɛmɛ a Paulo nɛ ɔ ngɛ pee. E deɔ ke mawuhi nɛ nɔmlɔ adesa kɛ e nine pee ɔ pi mawu. Amlɔ nɛ ɔ, e plɛ nihi babauu a yi mi ngɛ Efeso hiɛmɛ nɛ ɔ, kɛ Asia kpokpa tsuo nɔ.

Yesaya 37:19

nɛ a sã a mawu ɔmɛ. A kpata a hɛ mi, ejakaa tsa pi mawu nitsɛnitsɛhi ji mɛ; nimli a nine nya ní tsumihi, kɛ tsohi, kɛ tɛhi kɛkɛ ji mɛ.

Ni Tsumi 19:35

Nyagbe ɔ, ma womi ngmalɔ ɔ ha ni ɔmɛ pee dii, nɛ e de mɛ ke, “Ye nyɛmimɛ Efeso bi, nɔ tsuaa nɔ le kaa yo mawu Artemi nguaa a jami he, kɛ tɛ nɛ kple si kɛ je hiɔwe ɔ, Efeso ma nɛ ɔ mi ji he nɛ a ngɛ.

Hosea 8:6

Ga ní tsulɔ ko lɛ puɛ amaga a, pi mawu ji lɛ! Sika tsu amaga a nɛ ngɛ Samaria a, ma ku e mi dukuduku!

La 97:7

Amaga jali, kɛ nihi tsuo nɛ fĩaa kɛ fɔɔ yakayaka wɔhi a nɔ, nyɛ hɛ mi pue si pɛ! Nyɛ mawuhi tsuo, nyɛ kpla si ngɛ Yawɛ hɛ mi.

Yesaya 44:20

E ní pee mɔbɔ kaa nɔ nɛ ngɛ la zu yee; a mlɔɔ lɛ, nɛ e laa blɔ; lɔ ɔ he ɔ, e be nyɛe ma he lɛ nitsɛ e yi wami, loo nɛ e ma de ke, “Anɛ pi yaka nɔ́ nɔ nɛ i ngɔ ye hɛ ngɔ fɔ nɛ ɔ?”

Yesaya 42:17

Se nihi nɛ ngɔɔ a hɛ ngɔ fɔɔ amagahi a nɔ, amagahi nɛ a kpɛ́, loo a puɛ, nɛ a kpale deɔ ke a mawuhi ji mɛ ɔ, a maa ba mɛ si, nɛ zo maa gbe mɛ.”

Matsɛmɛ II, 19:18

nɛ a sã a mawu ɔmɛ. A kpata a hɛ mi, ejakaa tsa pi mawu nitsɛnitsɛhi ji mɛ; nimlihi a nine nya ní tsumihi, kɛ tsohi kɛ tɛhi kɛkɛ ji mɛ.

Matsɛmɛ I, 18:26

A nu na ku ɔ nɛ a ha mɛ ɔ, nɛ a pee lɛ kaa bɔ nɛ Eliya de mɛ ɔ; a fa kue ha Baal kɛ je mɔtu kɛ ya si piani. A kpa huhui ke, “Baal lee, moo bu wɔ tue oo!” Jamɛ a be ɔ mi ɔ, a ngɛ hlue kɛ ngɛ bɔ sami la tɛ ɔ nɛ a puɛ ɔ bɔlee. Se nɔ ko he we nɔ.

Matsɛmɛ I, 18:29

A hɛɛ mi kikɛ nɛ ɔ kɛ munyu tumi basabasa hluu kɛ ya si pu plɛplɛ; se heto ko bɛ, nɛ gbi ko hu pɛ́.

Kronika II, 32:19

Tsɔli nɛ ɔmɛ tu Yerusalem Mawu ɔ he munyu kaa nɔ́ nɛ je ma amɛ a mawu ɔmɛ nɛ nimli kɛ a nine pee ɔ eko ji lɛ.

Yesaya 44:9

Amaga puɛli ɔmɛ tsuo ji nimli guhi, nɛ amaga amɛ nɛ a buu kaa nɔ́ ko ɔ, a he be se nami ko kulaa. Nihi nɛ jaa kikɛmɛ a ní nɛ ɔmɛ ɔ, a hɛngmɛ yu; a li nɔ́ ko fɛɛ; zo maa gbe mɛ.

Daniel 3:5

Be tsuaa be nɛ nyɛ maa nu nɛ titimatihi, bɛhi, saku slɔɔtoslɔɔtohi, kɛ miɛ slɔɔtoslɔɔtohi ngɛ pɛe ɔ, nyɛ kpla si nɛ nyɛ ja sika tsu amaga a nɛ Matsɛ Nebukadnezar puɛ ngɔ ma si ɔ.

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.