La 115:14 - BAIBLO ALOO NGMAMI KLƆUKLƆU Ɔ

¹⁴ Yawɛ nɛ ha nyɛɛ bɔ saminya, nyɛɛ kɛ nyɛ bimɛ tsuo.

La 115:14 ပူးပေါင်းရင်းမြစ်များ

Mose V, 1:11

Yawɛ, nyɛ nɛmɛ a Mawu ɔ ma ha nyɛ maa hiɛ pe bɔ nɛ nyɛ ngɛ nɛ ɔ si akpe abɔ; nɛ e maa gbaa nyɛ kaa bɔ nɛ e wo si ɔ.

Ni Tsumi 2:39

Ejakaa si nɛ Mawu wo ɔ, nyɛɛ kɛ nyɛ bimɛ, kɛ nihi abɔ tsuo nɛ ngɛ se lokoo nɛ Nyɔmtsɛ, wa Mawu ɔ ma tsɛ kɛ ba e ngɔ ɔ nyɛ he ngɛ mi.”

Ni Tsumi 3:25

Si nɛ Mawu wo kɛ gu gbali ɔmɛ a nɔ ɔ, nyɛ nɔ́, nɛ somi nɛ Mawu kɛ nyɛ nɛmɛ ɔmɛ so ɔ, nyɛ piɛ he. Bɔ nɛ e de Abraham ji, ‘Ma gu o nina nɔ nɛ ma gbaa nimli tsuo ngɛ zugba a nɔ.’

Mose I, 17:7

“Si nɛ i wo mo nɛ ɔ maa pee neneene somi; ma ye nɔ ha mo kɛ yaa si yi nɔhi nɛ maa ba ngɛ o se ɔ a nɔ. Ma pee o Mawu kɛ o nina hu a Mawu.

Yeremia 33:22

Ma ha nɛ ye tsɔlɔ David nina, kɛ osɔfohi nɛ je Levi wɛtso ɔ mi ɔ a he maa hiɛ babauu kaa hiɔwe dodoehi, loo wo nya zia; nɔ ko nɔ ko be nyɛe maa kane mɛ.”

Samuel II, 24:3

Yoab bi matsɛ ɔ ke, “Ke Yawɛ, o Mawu ɔ maa ngɔ nimli kaa ma a hiɛmi totoe lafa ngɔ piɛ ma a he, nɛ ye nyɔmtsɛ matsɛ maa na nɔ́ nɛ ɔ kɛ lɛ nitsɛ e hɛngmɛ po, mɛni bua jɔmi nɔ́ nɛ ɔ ma ha mo?”

Mose I, 13:16

Ma ha nɛ o nina maa hiɛ babauu kaa tabo zu, nɛ e be hie kanemi; ke nɔ ko nyɛ kane tabo zu ɔ, lɛɛ e ma nyɛ kane o nina.

Kpojemi 7:9

Enɛ ɔ se nɛ ma hyɛ ɔ, nimli asafo nɛ nɔ ko be nyɛe maa kane ji nɛ. A je je ma amɛ tsuo a mi, wɛtso munomuno, nimli munomuno, kɛ gbi munomuno. A daa si ngɛ matsɛ sɛ ɔ, kɛ To bi ɔ hɛ mi kɛ a he tade hiɔ klɔiiklɔii; nɛ nɔ tsuaa nɔ hɛɛ tã kũɔmi ngɛ e dɛ.

Kpojemi 7:4

Nɛ a de mi ke nihi nɛ a ngɔ Mawu nɔ́ nya sɔumi nɔ́ ɔ kɛ kadi a hɛ nya a, a yibɔ ji 144,000. A je Israel wɛtso nyɔngma kɛ enyɔ ɔmɛ a mi;

Yeremia 30:19

Ni nɛmɛ nɛ ngɛ lejɛ ɔ ma la yi jemi la, nɛ a ma hwɔ lele. Ma gbaa mɛ; a maa hiɛ babauu, nɛ ma wo a hɛ mi nyami.

Zakaria 10:8

“Ma kpee ye ma a; nɛ ma bua mɛ tsuo a nya; ejakaa imi nɛ i kpɔ mɛ. Ma he a yi wami, nɛ ma ha a he maa hiɛ babauu kaa bɔ nɛ a he hiɛ sa a.

Hosea 1:10

Israel bi a he ma ba hiɛ babauu kaa wo nya zia, nɛ nɔ ko be nyɛe maa kane mɛ; nɔ ko nɔ ko be nyɛe maa kale a yibɔ. Amlɔ nɛ ɔ, Mawu ngɛ mɛ dee ke, “Pi ye ma ji nyɛ”; se be ma nɛ e ma de mɛ ke, “Imi Mawu hɛ ngmengmletsɛ ɔ, ye bimɛ ji nyɛ!”

Yesaya 27:6

Hwɔɔ se ko ɔ, Israel ma nɛ ji Yakob nina a maa ma si kpɛii kaa tso nɛ sipoku sɛ zu mi; a ma gba mɔmɔ, nɛ a ma plɔke. A yiblii ma hyi je ɔ tɔ.

Yesaya 56:8

Nyɔmtsɛ Yawɛ nɛ ngɛ e ma Israel nya buae kɛ je ma se kɛ ma we ɔ, bɔ nɛ e ngɛ dee ji, “Ma bua ni kpahi a nya kɛ piɛ nihi nɛ a bua a nya momo ɔ a he.”