La 115:1 - BAIBLO ALOO NGMAMI KLƆUKLƆU Ɔ

¹ Yawɛ, pi wɔ oo, pi wɔ, se mo nɛ o sa hɛ mi nyami; ejakaa o suɔmi ngɛ daa, nɛ o we anɔkuale yemi hu be nyagbe.

La 115:1 ပူးပေါင်းရင်းမြစ်များ

Yesaya 48:11

Imi nitsɛ ye he i pee ha; ee, imi nitsɛ ye he ma pee ha. Ejakaa mɛni he je e sa kaa a puɛ ye biɛ? I be ye hɛ mi nyami ngɔe kɛ ha nɔ kpa ko.”

Ezekiel 20:14

Se i ha we nɛ e ba mi ja, ejakaa je ma amɛ nɛ na bɔ nɛ i kpaka ye ma a kɛ je Egipt ɔ, ye biɛ he guɛ ma gbo ngɛ a hɛ mi.

La 96:8

Nyɛ je Yawɛ biɛ klɔuklɔu ɔ yi; nyɛɛ ngɔ nike ní kɛ ba e we ɔ.

Ezekiel 36:32

Israel, i ngɛ hae nɛ nyɛɛ le kaa tsa pi nyɛ he nɛ ma tsu ní nɛ ɔmɛ tsuo. Pe i suɔ kaa zo nɛ gbe nyɛ, nɛ nyɛ hɛ mi nɛ pue si ngɛ nyɛ je mi bami yaya a he. Imi, Nyɔmtsɛ Yawɛ lɛ i de.”

Efesobi 1:6

E sa kaa wa je Mawu yi kaa e gu e dloomi nɛ hɛ mi ngɛ nyami ɔ nɔ ngɔ e bi nɛ e suɔ ɔ ngɔ ke wɔ yaka gu!

Ezekiel 36:22

“Lɔ ɔ he ɔ, de Israel bi ɔmɛ ke bɔ nɛ imi Nyɔmtsɛ Yawɛ i ngɛ dee ji nɛ ɔ nɛ: Nɔ́ nɛ i yaa pee nɛ ɔ, pi nyɛ Israel bi ɔmɛ nyɛ he, se mohu ye biɛ klɔuklɔu ɔ nɛ nyɛ ble ngɛ ma amɛ a mi he nɛ nyɛ ya a, lɔ ɔ he je.

Daniel 9:19

Nyɔmtsɛ, bu wɔ tue! Nyɔmtsɛ, ngɔɔ kɛ pa wɔ! Nyɔmtsɛ, moo bu wɔ tue, nɛ o pee he nɔ́ ko ha wɔ! Koo to tsle, bɔ nɛ pee nɛ nɔ tsuaa nɔ nɛ le kaa Mawu ji mo! O ma a kɛ e mi bi ɔmɛ ɔ, o níhi ji mɛ.”

La 61:7

Ha nɛ e ye tsɛ ngɛ mo Mawu ɔ o hɛ mi daa. Ngɔɔ o suɔmi nɛ be nyagbe ɔ, kɛ o we anɔkuale ɔ kɛ bu e he daa.

Yoshua 7:9

Kanaan bi ɔmɛ, kɛ zugba a nɔ bi ɔmɛ tsuo maa nu he. A ma ba sa wa yi, nɛ a ma kpata wa hɛ mi pɛsɛpɛsɛ. O biɛ kpetekpleenyɛ ɔ, o maa hi hyɛe nɛ e puɛ lo?”

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Mika 7:20

Wɔ o ma, Abraham kɛ Yakob a nina a, o maa gbaa wɔ, nɛ o maa na wɔ mɔbɔ daa kaa bɔ nɛ o wo wa nɛmɛ ɔmɛ si blema lokoo ɔ.

La 74:22

Mawu, wo o he nɔ nɛ o kɛ wa he nyɛli ɔmɛ nɛ to ní. Mo kai kaa nihi nɛ li mo Mawu ɔ, a yeɔ o he fɛu daa nɛ.

La 138:2

I ngɔ ye hɛ mi kɛ bu si kɛ kpee sɔlemi we klɔuklɔu ɔ; nɛ i ngɛ mo si nae kaa o suɔmi ɔ ngɛ daa, nɛ o yeɔ anɔkuale jã kɛ̃. Jehanɛ hu o ha nɛ a na kaa o biɛ kle pe biɛ tsuaa biɛ, nɛ o munyu hu he jua wa pe nɔ́ tsuaa nɔ́.