La 113:6 - BAIBLO ALOO NGMAMI KLƆUKLƆU Ɔ

⁶ nɛ e ma e yi si kɛ ngɛ hiɔwe, kɛ zugba tsuo hyɛe ɔ.

La 113:6 ပူးပေါင်းရင်းမြစ်များ

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

La 138:6

Yawɛ ngɛ hiɔwe lokoo mohu, se nɔ nɛ baa e he si ɔ, e hɛ hii e nɔ; nɔ nɛ woɔ e he nɔ ɔ lɛɛ e he sane ko pi Yawɛ sane.

La 11:4

Yawɛ ngɛ e we klɔuklɔu ɔ; e matsɛ sɛ ɔ, hiɔwe lɛ e ngɛ. E hɛngmɛ ngɛ nimli adesahi hyɛe ngɛ he tsuaa he; e le níhi nɛ a ngɛ pee.

Yesaya 66:2

Ye nine nya níhi ji ni nɛ ɔmɛ tsuo, lɔ ɔ he ɔ, ye níhi ji mɛ tsuo. Nihi nɛ baa a he si, nɛ a naa a he yayami nɛ a tsakeɔ a tsui, nihi nɛ yeɔ mi gbeye, nɛ a buɔ mi tue ɔ, mɛ ji nihi nɛ i suɔ.

Yesaya 6:2

Serafhi bɔle lɛ. A ti nɔ tsuaa nɔ ngɛ pɛli ekpa. Eko tsuaa eko ngɔ pɛli enyɔ ngɔ ha e hɛ mi, nɛ e ngɔ enyɔ hu ngɔ ha e he, nɛ enyɔ nɛ piɛ ɔ, e kɛ te.

Hiob 15:15

Hyɛ, Mawu bɔfo klɔuklɔu ɔmɛ po e kɛ e hɛ fɔ we a nɔ; mɛ nitsɛmɛ tete po a he tsɔ we ngɛ e hɛ mi.

Hiob 4:18

Mawu tsɔli ɔmɛ ngɛ hiɔwe tete po Mawu he we mɛ yi. E bɔfo ɔmɛ nitsɛnitsɛmɛ po, e naa tɔmi ngɛ a he.

Hiob 28:24

Ejakaa lɛɛ e hɛngmɛ hyɛɛ nɔ́ kɛ yaa je mi nyagbe he ɔmɛ tɔɔ; e naa níhi tsuo nɛ ngɛ hiɔwe sisi.

La 33:14

Yawɛ hyɛɛ nɔ tsuaa nɔ ngɛ zugba a nɔ kɛ jeɔ he nɛ e kojoɔ ngɛ ɔ.