La 112:5 - BAIBLO ALOO NGMAMI KLƆUKLƆU Ɔ

⁵ Nɔmlɔ nɛ e mi mi jɔ, nɔ nɛ paa nɔ nɔ́, nɛ e yeɔ anɔkuale ngɛ e ní tsumi mi ɔ, á gbaa lɛ.

La 112:5 ပူးပေါင်းရင်းမြစ်များ

La 37:21

Ke nɔmlɔ yayami pa sika a, e wui hiɔ; dalɔ lɛɛ e naa mɔbɔ, nɛ e haa nɔ nɔ́.

Efesobi 5:15

Lɔ ɔ he ɔ, nyɛɛ hyɛ nyɛ je mi bami nɛ hi! Nyɛ ko hi si kaa nihi nɛ li nɔ́ ko nɔ́ ko, se mohu kaa ní leli.

Abɛ Womi 2:20

Lɔ ɔ he ɔ, moo kase nimli kpakpahi a ní peepee, konɛ o pee nɔ́ nɛ da.

Filipibi 1:9

I ngɛ Mawu pɛɛ kpae kaa suɔmi nɛ nyɛ ngɛ kɛ ha nyɛ sibi ɔ mi nɛ wa, nɛ nyɛ ná nile nɛ ma ha nyɛ nɔ́ se kɔmi mumi,

Yohane 6:12

Benɛ mɛ tsuo a ye nɛ a tɔ ɔ, Yesu de kaseli ɔmɛ ke, “Nyɛ bua bibliwi nɛ piɛ ɔ nya nɛ eko kó dã.”

Romabi 12:11

Nyɛ ko pee hejɔ, mohu nyɛɛ kɛ hɛdɔ nɛ tsu ní. Nyɛ sɔmɔ Nyɔmtsɛ ɔ kɛ nyɛ tsui tsuo.

Romabi 5:7

Ejakaa e maa wa kaa nɔ ko maa suɔ nɛ e gbo ngɛ nɔ nɛ yeɔ mlaa nɔ ɔ he; pohu nɔmlɔ kpakpa he ɔ, e maa ba mi kaa nɔ ko ma si gugue kaa e ma gbo.

Luka 23:50

Nyumu ko hi si. E biɛ ji Yosef, nɛ e je Yudea ma ko nɛ a tsɛɛ Arimatia a. Nɔmlɔ kpakpa, kɛ Mawu jalɔ ji lɛ. Daa nɛ ɔ, lɛɛ e ngɛ Mawu matsɛ yemi ɔ blɔ hyɛe. Kpe nguaa a mi no ji lɛ mohu, se yi mi nɛ a to, kɛ nɔ́ nɛ a pee ɔ, lɛɛ e kplɛɛ we.

Luka 6:35

Dɛbi! Nyɛɛ suɔ nyɛ he nyɛli, nɛ nyɛɛ pee mɛ kpakpa; nyɛɛ pa sika ha nɔ, nɛ nyɛ ko hyɛ blɔ kaa e ma ba wo hiɔ. Kɛkɛ ɔ, nyɛ hiɔwo maa hiɛ, nɛ nyɛ maa pee Hiɔwe No ɔ bimɛ; ejakaa lɛɛ e naa otlumuhi, kɛ yiwutsotsɛmɛ tsuo mɔbɔ.

Abɛ Womi 17:18

Nɔ nɛ be juɛmi lɛ woɔ si nɛ e daa nɔ se kaa e maa wo e hiɔhi ha lɛ.

Abɛ Womi 12:2

Yawɛ náá nɔmlɔ kpakpa he bua jɔmi. Se nɔ nɛ toɔ ga yaya lɛɛ e buɔ lɛ fɔ.

Kolosebi 4:5

Be tsuaa be nɛ nyɛɛ kɛ nihi nɛ he we Kristo yi ma bua a, nyɛɛ ba nyɛ je mi saminya, konɛ a na kaa nyɛɛ lɛɛ nyɛ le Kristo.

Ni Tsumi 11:24

Barnaba a, nɔmlɔ kpakpa nɛ heɔ Mawu yeɔ saminya ji lɛ, nɛ Mumi Klɔuklɔu hyi lɛ tɔ. Enɛ ɔ ha nɛ a na nihi babauu kɛ ha Nyɔmtsɛ ɔ.

Abɛ Womi 24:27

Ke o maa po we ɔ, hu o ngmɔ ɔ kekle, nɛ o na nɔ́ ko kɛ je mi kɛ to, loko o po we ɔ.

Abɛ Womi 18:9

Hejɔtsɛ kɛ nɔ́ puɛlɔ ɔ, nyɛmimɛ ji mɛ.

Nehemia 4:13

Lɔ ɔ he ɔ, i ngɔ nihi nɛ hɛɛ klaatehi, akplɔhi, kɛ kɛ̃ɛ̃hi ngɔ to gbogbo ɔmɛ a se hehi nɛ a gbi a fiami nya lolo ɔ. I ha buli nɛ ɔmɛ ya da si weku nya weku nya.