La 112:3 - BAIBLO ALOO NGMAMI KLƆUKLƆU Ɔ

³ E we ɔ maa pee niatsɛ we he nɛ kplɔkɔtɔ ngɛ, nɛ e maa bɔ kɛ maa ya neneene.

La 112:3 ပူးပေါင်းရင်းမြစ်များ

Abɛ Womi 15:6

Nɔmlɔ kpakpa naa e ní he se babauu. Yiwutsotsɛ lɛɛ haomi ji nɔ́ nɛ e ní nɛ e na a kɛ baa e nɔ.

Abɛ Womi 3:16

Nile haa nɔ wami se kɛɔ ngɛ je mi; e haa nɔ naa ní, nɛ e haa nɔ hɛ mi baa nyami.

Mateo 6:33

Se nyɛ hla Mawu matsɛ yemi ɔ, kɛ níhi nɛ da ngɛ e hɛ mi ɔ kekle, nɛ a kɛ ní nɛ ɔmɛ tsuo maa piɛ he ngɔ ha nyɛ.

Yesaya 33:6

nɛ ma a maa ya nɔ saminya. E buu e ma a he be tsuaa be; nɛ e haa ma mi bi ɔmɛ juɛmi kɛ nile. Yawɛ gbeye yemi ji nɔ́ ko nɛ he jua wa saminya kaa juetli agbo ha mɛ.

La 112:9

E keɔ ohiatsɛmɛ ní kɛ jeɔ e tsui mi faa. E naa mɔbɔ daa. E hɛ mi maa ba nyami, nɛ a maa bu lɛ.

2 Korintobi 6:10

A naa wɔ kaa kɔmɔ yeli, se daa nɛ ɔ, wa bua jɔ; wa ngɛ kaa ohiatsɛmɛ, se wa haa nɛ nihi babauu peeɔ niatsɛmɛ; wa ngɛ kaa dɛgutsɛmɛ, se wa ngɛ nɔ́ tsuaa nɔ́.

La 111:10

Ke o ngɛ hlae nɛ o na nile ɔ, ye Yawɛ gbeye. Nihi tsuo nɛ peeɔ ja a, a nuɔ nɔ́ sisi saminya. A je Yawɛ yi daa!

La 111:3

E tsuɔ ní kɛ hɛ mi nyami kɛ agboje. E yeɔ dami sane daa.

Yesaya 51:8

Ejakaa a hɛ mi ma kpata pɛsɛpɛsɛ kaa bo nɛ wɔyewɔye ye, loo kuutu nɛ gɔgɔ ye. Ma ye dami sane ha nyɛ daa, nɛ ma he nyɛ yi wami be tsuaa be; ma ye kunimi ha nyɛ kɛ maa ya neneene.”

Yesaya 32:17

Dami sane nɛ ɔ kɛ tue mi jɔmi maa ba, nɛ a ma na he jɔmi kɛ maa ya neneene.

Hiob 5:24

O maa hi si ngɛ o bo tsu ɔ mi ngɛ tue mi jɔmi mi. Ke o hyɛ o to tsu ɔ mi ɔ, o maa na kaa nɔ́ tsuaa nɔ́ ngɛ pɛpɛɛpɛ.

La 34:10

Jata bihi po e fiɔ mɛ nɛ hwɔ yee mɛ. Se nihi nɛ hlaa Yawɛ se blɔ ɔ, nɔ́ ko nɔ́ ko hia we mɛ.

La 34:11

Ye bimɛ, nyɛɛ ba nɛ nyɛ ba bu mi tue, nɛ ma tsɔɔ nyɛ nɛ nyɛɛ ye Yawɛ gbeye.

Abɛ Womi 21:20

Ní lelɔ buaa níhi nɛ a he jua wa nya ngɔ toɔ; kuasia lɛɛ e kpataa ní ɔmɛ a hɛ mi mohu.