La 112:10 - BAIBLO ALOO NGMAMI KLƆUKLƆU Ɔ

¹⁰ Ke yiwutsotsɛ na kikɛ nɛ ɔ, e dɔɔ lɛ; e kpeɔ e lungu nya, nɛ e jeɔ lejɛ ɔ dii. Yiwutsotsɛ yi mi tomi peeɔ yaka.

La 112:10 ပူးပေါင်းရင်းမြစ်များ

Luka 13:28

Nyɛ maa wo yana, nɛ nyɛ ma kpe lungu nya, ke nyɛ na Abraham kɛ Isak, kɛ Yakob, kɛ gbali ɔmɛ tsuo ngɛ Mawu matsɛ yemi ɔ mi. Jamɛ a be ɔ, nyɛ nitsɛmɛ lɛɛ a tsi nyɛ blɔ!

Abɛ Womi 11:7

Ke nɔmlɔ yayami gbo pɛ kɛkɛ nɔ́ ko nɛ e ngɔ e hɛ ngɔ fɔ nɔ ɔ hu laa. Nɔmlɔ nɛ li Mawu ɔ, ke e ngɛ nɔ kpakpa ko blɔ hyɛe ɔ, e peeɔ yaka.

Abɛ Womi 10:28

Nihi nɛ peeɔ kpakpa a, a hɛ kɛ nɔ fɔmi ya peeɔ bua jɔmi. Se yayami peeli lɛɛ a hɛ kɛ nɔ fɔmi maa pee yaka.

La 86:17

Yawɛ, tsɔɔ mi o mɔbɔ nami ɔ he okadi ko, konɛ ye he nyɛli ɔmɛ nɛ a na, nɛ zo nɛ gbe mɛ kaa o piɛ ye he, nɛ o jɔɔ ye bua.

La 37:12

Yayami peelɔ soɔ kpakpa peelɔ yi nɔ; e hyɛɛ lɛ too kɛ ninyɛ hɛngmɛ.

Hiob 8:13

Nimlihi nɛ a hɛ je Mawu nɔ ɔ, a ngɛ kaa ngɔwu nɛ ɔmɛ pɛ. Ke o li Mawu ɔ, o be hɛ nɔ kami ko.

Mateo 22:13

Kɛkɛ nɛ matsɛ ɔ de e tsɔli ɔmɛ ke, ‘Nyɛɛ fi e nine, kɛ e nane ngɔ bla, nɛ nyɛ ya sake lɛ ngɔ fɔ tsu ɔ se ngɛ diblii ɔ mi tsitsaa. Lejɛ ɔ nɛ e maa wo ya, nɛ e ma kpe e lungu nya ngɛ.’ ”

Mateo 8:12

Se ni nɛmɛ mohu nɛ sa matsɛ yemi ɔ mi himi ɔ, a ma sake mɛ kɛ fɔ tsu ɔ se ngɛ diblii kpii ɔ mi; nɛ a maa wo ya, nɛ a ma kpe lungu nya ngɛ lejɛ ɔ.”

Nehemia 2:10

Se benɛ Sanbalat nɛ je Bet Horon, kɛ Tobia, ma ní tsulɔ ko nɛ je Amon zugba a nɔ ɔ nu kaa nɔ ko ba nɛ e ba ngɛ nɔ́ kpakpa hlae ha Israel bi ɔmɛ ɔ, e dɔ mɛ wawɛɛ nitsɛ.

Hiob 20:7

e hɛ mi ma kpata kɛ maa ya neneene kaa lɛ nitsɛ e fĩ. Nihi nɛ le lɛ ɔ ma bi ke, “Jije e ngɛ?”