La 111:4 - BAIBLO ALOO NGMAMI KLƆUKLƆU Ɔ

⁴ Yawɛ haa nɛ a kaiɔ e nyakpɛ ní tsumi ɔmɛ. E mi mi jɔ, nɛ e naa mɔbɔ.

La 111:4 ပူးပေါင်းရင်းမြစ်များ

Yesaya 63:7

Ma gba Yawɛ suɔmi nɛ ngɛ daa a he sane. Ní kpakpahi tsuo nɛ e ha wɔ ɔ he ɔ, ma je e yi. E gbaa Israel ma a babauu; ejakaa Yawɛ mɔbɔ nami, kɛ e suɔmi be nyagbe.

La 103:8

Yawɛ naa mɔbɔ; e mi mi hi. E muklii mi fu we mla, se e mɔbɔ nami ɔ mohu hiɛ babauu.

La 86:5

Nyɔmtsɛ, o hi, nɛ o kɛ yayami paa nɔ. Nɔ tsuaa nɔ nɛ faa kue kɛ haa mo ɔ, o naa lɛ mɔbɔ.

La 145:8

Dloolɔ kɛ mɔbɔ nalɔ ji Yawɛ; e mi mi fu we mla, nɛ e suɔmi hiɛ babauu.

La 112:4

La kpɛɔ ngɛ diblii mi kɛ haa nimli kpakpahi, nihi nɛ peeɔ nɔ nɛ da, nihi nɛ naa mɔbɔ, kɛ nihi nɛ a mi mi jɔ.

La 78:38

Se akɛnɛ mɔbɔ nalɔ ji Mawu he je ɔ, e ngɔ a he yayami ɔ ngɔ pa mɛ, nɛ e kpataa we a hɛ mi. Behi fuu ke e mi mi miɔ nɛ e ma fu, kɛkɛ e tsi nya amlɔ.

La 86:15

Se mo Nyɔmtsɛ ɔ, Mawu mɔbɔ nalɔ, kɛ Mawu nɛ suɔ nɔ ji mo. O toɔ o tsui si ha wɔ; o dlooɔ nɔ, nɛ o yeɔ nɔ anɔkuale daa.

1 Timoteo 1:14

Se wa Nyɔmtsɛ ɔ dloomi babauu ɔ nya a, suɔmi, kɛ hemi kɛ yemi nɛ Mawu haa nihi tsuo nɛ ngɛ Kristo Yesu mi ɔ, imi hu i ná.

Mose V, 4:9

Nyɛɛ hyɛ saminya! Nyɛ hɛ nɛ hi nyɛ he nɔ ngɛ níhi nɛ nyɛ na kɛ nyɛ nitsɛmɛ nyɛ hɛngmɛ ɔ a he. Nyɛ hɛ ko je nɔ ligbi ko ligbi ko nyɛ wami be tsuo. Nyɛɛ tsɔɔ nyɛ bimɛ, kɛ nyɛ bibimɛ nɛ a le,

Kronika II, 30:9

Ke nyɛ kpale kɛ ba Yawɛ ngɔ ɔ, nyɛ nyɛmimɛ ɔmɛ, kɛ nyɛ bimɛ ɔmɛ a ní maa pee nihi nɛ ba nuu mɛ nyɔguɛ kɛ ho ɔ mɔbɔ. A maa ngmɛɛ a he, nɛ a maa kpale kɛ ba we ekohu. Yawɛ, nyɛ Mawu ɔ mi mi jɔ, nɛ e naa mɔbɔ. Ke nyɛ kpale kɛ ba e ngɔ ɔ, e ma he nyɛ atuu.”