La 110:4 - BAIBLO ALOO NGMAMI KLƆUKLƆU Ɔ

⁴ Yawɛ ka kita nɛ ɔ, nɛ e be e nya se kpalee, “Osɔfo ji mo kɛ yaa neneene kaa Melkizedek pɛ.”

La 110:4 ပူးပေါင်းရင်းမြစ်များ

Mose I, 14:18

Salem matsɛ, Melkizedek, nɛ lɛ kɛ̃ ji Mawu Hiɔwe No ɔ we osɔfo ɔ, ngɔ abolo kɛ wai ba ha Abram,

La 132:11

Yawɛ, kita nɛ o ka David nɛ o be o nya se kpalee ji, “Ma wo o bimɛ ɔmɛ a ti nɔ kake matsɛ, nɛ e maa ye tsɛ ngɛ o se.

Zakaria 6:13

Lɛ nɛ e maa ma Yawɛ we ɔ. Osɔfo ko maa piɛ e he kɛ tsu ní ɔ. Tue mi jɔmi maa hi a kpɛti, nɛ a maa nu a sibi sisi saminya.’

Mose IV, 23:19

Mawu ɔ, pi nɔmlɔ ji lɛ nɛ e ngɔɔ nya, pi nɔmlɔ ji lɛ nɛ e tsakeɔ e yi mi tomi. Anɛ ke e de nɔ́ ko ɔ, e pee we lo? Aloo e woɔ si nɛ e yi nɔ lo?

Hebribi 5:6

Mawu de ngɛ ngmami ɔ he kpa hu ke, “Osɔfo ji mo kɛ yaa neneene kaa Melkizedek pɛ.”

Hebribi 6:20

Wa he ɔ, Yesu sɛ wa hɛ mi kɛ ho lejɛ ɔ ya, nɛ e ya pee osɔfo nɔkɔtɔma pe kulaa kɛ yaa neneene kaa Melkizedek pɛ.

Hebribi 7:11

Kaa Levi, nɛ e yi nɔ a wo mlaa a, e nina nɛ yeɔ osɔfo ɔ tsu ní bɔ nɛ sa a, jinɛ e he be hiae kaa osɔfo kpa ko kaa Melkizedek nɛ pi Aaron nina ji lɛ kulaa a nɛ ba.

Hebribi 7:17

Ejakaa ngmami ɔ deɔ ke, “Osɔfo ji mo kɛ yaa neneene kaa Melkizedek pɛ.”

Hebribi 7:21

Se Yesu lɛɛ, Mawu ka kita nɛ e kɛ wo lɛ osɔfo. Mawu de lɛ ke, “I ngɛ mo kita kae, nɛ i be ye nya se kpalee. ‘Osɔfo ji mo kɛ yaa neneene.’ ”

Hebribi 7:28

Mose mlaa a nya a, nihi nɛ a wo mɛ osɔfo nɔkɔtɔma pe kulaa a, sé ngɛ a he. Se si nɛ Mawu wo nɛ e ka kita ngɔ fɔ nɔ ngɛ Mose mlaa a se ɔ, lɔ ɔ a kɛ wo Mawu Bi ɔ nɛ hi kɛ pi si kɛ yaa neneene ɔ osɔfo nɔkɔtɔma pe kulaa.

Kpojemi 1:6

e to matsɛ yemi sisi ha wɔ, nɛ e pee wɔ osɔfohi, konɛ wa sɔmɔ e Tsɛ Mawu ɔ, nyɛ ha waa wo e hɛ mi nyami, nɛ e ye matsɛ kɛ ya neneene kɛ neneene. Amen.