La 110:3 - BAIBLO ALOO NGMAMI KLƆUKLƆU Ɔ

³ Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

La 110:3 ပူးပေါင်းရင်းမြစ်များ

Kronika I, 16:29

Nyɛɛ ngɔ hɛ mi nyami nɛ sa Yawɛ biɛ ɔ kɛ ha lɛ; nyɛɛ hɛɛ nɔke nɔ́ ko kɛ ba e hɛ mi. Nyɛɛ pee nyɛ he klɔuklɔu; nyɛ bua nyɛ he nya, nɛ nyɛ ja Yawɛ.

Nehemia 11:2

Ni kpahi nɛ a si a gugue ke a maa hi Yerusalem ɔ, Israel ma a je a yi saminya.

La 29:2

Nyɛɛ wo Yawɛ hɛ mi nyami bɔ nɛ sa lɛ. Nyɛ ja Yawɛ ngɛ klɔuklɔu peemi mi.

La 96:9

Nyɛɛ pee klɔuklɔu nɛ nyɛ ja Yawɛ; nyɛ je ɔ tsuo, nyɛ he nɛ do blibliibli ngɛ e hɛ mi.

Ezekiel 43:12

Mlaa nɛ kɔɔ imi Yawɛ ye we ɔ he ji nɛ ɔ nɛ: yo ɔ yi mi tsuo kɛ bɔle si kɛ kpe ɔ maa pee he klɔuklɔu pe kulaa.”

Mika 5:6

A kɛ klaate maa ye Asiria bi ɔmɛ a nɔ kunimi, nɛ a ma je wɔ kɛ je Asiria bi ɔmɛ a dɛ mi, ke a ba tua wa zugba a.

Ni Tsumi 1:8

se ke Mumi Klɔuklɔu ɔ na ba nyɛ nɔ ɔ, nyɛ ma na he wami kɛ fiɛ, nɛ nyɛ maa ye odase ha mi ngɛ Yerusalem, Yudea, kɛ Samaria tsuo kɛ yaa su je ɔ nyagbe he tɔɔ.”

Ni Tsumi 19:20

Nyakpɛ ní nguanguahi nɛ a tsu nɛ ɔ ha nihi babauu ngɛ hehi fuu ba nu Nyɔmtsɛ ɔ munyu ɔ, nɛ a he ye.

Ni Tsumi 2:33

A wo e nɔ kɛ ho e Tsɛ Mawu ɔ hiɔ nɔ ya, nɛ e ná Mumi Klɔuklɔu nɛ a wo he si ɔ kɛ je e dɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ngɛ nue nɛ ɔ, Yesu lɛ ha nɛ e ba.

Ni Tsumi 2:41

Nihi babauu he e sɛ gbi ɔ ye, nɛ a sɔle mɛ. Jamɛ a ligbi ɔ, a na nimli maa pee akpe etɛ kɛ piɛ a he.

Ni Tsumi 21:20

Benɛ a bu lɛ tue kɛ ya si nyagbe ɔ, mɛ tsuo a je Mawu yi. Kɛkɛ nɛ a de lɛ ke, “Wa nyɛmi Paulo, hyɛ, Yuda bi akpe abɔ nɛ he ye nɛ ɔ, o le bɔ nɛ a fiɛ we Mose mlaa a he ha.

Ni Tsumi 4:4

Se nihi nɛ ba bu sɛ gbi ɔ tue ɔ, a ti nihi babauu nɛ maa su akpe enuɔ he ye.

2 Korintobi 13:4

E ngɛ mi kaa benɛ a sɛu Kristo ɔ, e gbɔjɔ lɛɛ, se Mawu he wami ɔ nya a, e ba wami mi ekohu. Wɔ hu akɛnɛ waa kɛ Kristo pee kake ɔ, waa gbɔjɔɔ, se Mawu he wami nya a, wa ma nyɛ ma tsu nɔ́ nɛ sa nɛ waa kɛ nyɛ nɛ tsu ɔ.

2 Korintobi 8:12

Ke o ha bɔ nɛ o ma nyɛ kɛ o tsui faa a, Mawu ma ná o nike ní ɔ he bua jɔmi. Mawu hyɛ we blɔ kaa o ha nɔ́ ko be mi nɛ nɔ́ ko be o dɛ.

2 Korintobi 8:16

Wa naa Mawu si kaa e ha Tito suɔmi kɛ gɛjɛmi nɛ e kɛ maa ye bua nyɛ kaa bɔ nɛ i ngɛ pee ɔ.

Efesobi 1:4

Benɛ a na we nɛ a bɔ je ɔ tete po ɔ, Mawu hla wɔ ngɔ pee lɛ nitsɛ e nihi momo ngɛ Kristo mi. E pee enɛ ɔ, konɛ wa he nɛ tsɔ, nɛ piami ko kó hi wa he ngɛ e hɛ mi. Mawu suɔ wɔ saminya, enɛ ɔ he ɔ,

Filipibi 2:13

Ejakaa be tsuaa be ɔ, Mawu ngɛ nyɛ he ní tsue, konɛ nyɛ na bua jɔmi nɛ nyɛ kɛ pee e suɔmi nya ní.

1 Tesalonikabi 4:7

Mawu tsɛ we wɔ nɛ wa ba tsu mu ní, se mohu bɔ nɛ pee nɛ wa he nɛ tsɔ.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Hebribi 13:21

e dla nyɛ kɛ pi si kɛ ní tsumi kpakpa sɔuu, konɛ nyɛɛ pee e sɔumi nya ní; nɛ kɛ gu Yesu Kristo nɔ ɔ, e ha nyɛ tsu níhi nɛ maa sa e hɛ mi, konɛ a wo e hɛ mi nyami kɛ je neneene kɛ ya neneene. Amen.

Kpojemi 7:9

Enɛ ɔ se nɛ ma hyɛ ɔ, nimli asafo nɛ nɔ ko be nyɛe maa kane ji nɛ. A je je ma amɛ tsuo a mi, wɛtso munomuno, nimli munomuno, kɛ gbi munomuno. A daa si ngɛ matsɛ sɛ ɔ, kɛ To bi ɔ hɛ mi kɛ a he tade hiɔ klɔiiklɔii; nɛ nɔ tsuaa nɔ hɛɛ tã kũɔmi ngɛ e dɛ.

Manyadali 5:2

Nyɛ je Yawɛ yi! Israel nikɔtɔma amɛ nyɛɛ ma a hɛ mi, nɛ ma a ngɔ a he ha kɛ bua jɔmi.

Manyadali 5:9

Israel tatsɛmɛ ɔmɛ nɛ ngɔ a he ngɔ ke ɔ, i ná a he bua jɔmi. Nyɛ je Yawɛ yi!