La 110:2 - BAIBLO ALOO NGMAMI KLƆUKLƆU Ɔ

² Yawɛ ma ha mo he wami kpetekpleenyɛ kɛ je Zion. E ma de mo ke, “Ye o he nyɛli ɔmɛ a nɔ.”

La 110:2 ပူးပေါင်းရင်းမြစ်များ

Yeremia 48:17

“Nyɛ nihi tsuo nɛ nyɛ bɔle Moab, nyɛ ni nɛmɛ tsuo nɛ nyɛ nu bɔ nɛ e biɛ pɛɛ be ko ɔ, nyɛɛ ye lɛ kɔmɔ. Nyɛ de ke, ‘E nɔ yemi kpetekpleenyɛ ɔ se po; e hɛ mi nyami, kɛ e he wami ɔ ta.’

Romabi 1:16

Sane kpakpa a he pee we mi zo, ejakaa e ji Mawu he wami nɛ haa nɔ tsuaa nɔ nɛ heɔ yeɔ ɔ yi naa wami, Yuda bi kekle, lɔ ɔ se ɔ, ma je li hulɔ.

1 Petro 1:12

Mawu je tsɔɔ gbali nɛ ɔmɛ kaa ní tsumi nɛ a ngɛ tsue ɔ, pi mɛ nitsɛmɛ nɛ a ma na he se, se nyɛ mohu. Amlɔ nɛ ɔ, a fiɛ sane kpakpa ngɔ ha nyɛ tsuo. Mumi Klɔuklɔu ɔ nɛ a tsɔ kɛ je hiɔwe, nɛ e kɛ mɛ tu munyu ɔ, lɛ nɔuu e he wami a kɛ fiɛ ha nyɛ. Ní nɛ ɔmɛ ji níhi nɛ bɔfo ɔmɛ tete ko suɔ kaa a maa nu sisi.

1 Tesalonikabi 2:13

Nɔ́ kake he hu nɛ wa naa Mawu si ngɛ daa ji nɛ ɔ nɛ. Benɛ wa ngɔ Mawu munyu ɔ ba ha nyɛ ɔ, nyɛ bu tue, nɛ nyɛ he lɛ atuu, pi kaa nɔmlɔ adesa sɛ gbi, se mohu kaa Mawu munyu kaa bɔ nɛ e ngɛ anɔkuale mi ɔ. Niinɛ nyɛ nihi nɛ nyɛ heɔ yeɔ ɔ, Mawu munyu ɔ ngɛ ní tsue ngɛ nyɛ mi.

Mika 4:2

nɛ a ma de a sibi ke, “Nyɛ ha waa kuɔ Yawɛ ɔ kɛ ya Israel Mawu ɔ we ɔ. E maa tsɔɔ wɔ nɔ́ nɛ e suɔ kaa waa pee, nɛ wa maa nyɛɛ e blɔ ɔmɛ a nɔ. Ejakaa Yawɛ mlaa a maa je Zion; e kɛ e ma a maa tu munyu kɛ je Yerusalem.”

Ezekiel 47:1

Nyumu ɔ ngɔ mi kɛ ba Yawɛ we ɔ agbo ɔ nya ekohu. Nyu hia kɛ je kpoku ɔ sisi, nɛ e be kɛ yaa beleku je, he nɛ Yawɛ we ɔ plɛ e hɛ mi kɛ kpee ɔ. Nyu ɔ hia kɛ je we ɔ leneyi je kɛ ya be ngɛ bɔ sami la tɛ ɔ leneyi je.

Ezekiel 19:14

La ba sɛ tso kɔni ɔmɛ a mi; e sã kɔni ɔmɛ, kɛ e yiblii ɔmɛ tsuo. La a sã tso nɛ he wa a hulɔ. Tso kpakpa nɛ maa si kaa tso nɛ a kɛ peeɔ matsɛ tso ɔ be hu. Kɔmɔ yemi la nɛ a pɔɔ lami ji nɛ ɔ nɛ.

Yesaya 2:3

nɛ a ma de ke, “Nyɛ ha wa ya kuɔ Yawɛ yo ɔ kɛ ya Israel Mawu ɔ sɔlemi we ɔ. E maa tsɔɔ wɔ nɔ́ nɛ e suɔ kaa waa pee; nɛ wa maa pee bɔ nɛ e maa tsɔɔ wɔ ɔ pɛpɛɛpɛ. Ejakaa Yawɛ ní tsɔɔmi ɔ, Yerusalem e jee; e kɛ e ma a tuɔ munyu kɛ jeɔ Zion yo ɔ nɔ.”

La 72:8

É ye tsɛ kɛ je wo nya hiɛ kɛ ya su wo nya hiɛ, kɛ je Yufrate pa a nya kɛ ya su je ɔ nyagbe he ɔmɛ!

Mose II, 8:5

Yawɛ de Mose ke, “Mo de Aaron ke e wo e tso ɔ nɔ ngɛ pa amɛ, kɛ nyu dɔ ɔmɛ, kɛ taku ɔmɛ a nɔ, nɛ́ e ha ovɔnɔhi nɛ ba Egipt zugba a nɔ.”

Mika 7:14

Yawɛ, moo hyɛ o ma a nɛ o hla a nɔ kaa bɔ nɛ to hyɛlɔ tsɔɔ e tohi. E ngɛ mi kaa a gbɛ ngɔ fia nga a nɔ mohu, se zugba kpakpa nɛ baa ní bɔle mɛ. Ha nɛ a ya ye Bashan kɛ Gilead zugba kpakpa amɛ a nɔ ní kaa bɔ nɛ a pee blema a.

Mose II, 7:19

Yawɛ kpale de Mose ke, “De Aaron ke, ‘Ngɔɔ o tso ɔ, nɛ o kpã o nine mi ngɛ Egipt pa amɛ, nyu dɔ ɔmɛ, kɛ taku ɔmɛ tsuo a nɔ, nɛ a mi nyu ɔ kulaa ma plɛ pee muɔ. A maa na muɔ ngɛ he tsuaa he ngɛ Egipt, ngɛ tso buɛhi, kɛ tɛ buɛhi a mi.’ ”