La 11:7 - BAIBLO ALOO NGMAMI KLƆUKLƆU Ɔ

⁷ Ejakaa Yawɛ ɔ, dalɔ ji lɛ; e suɔ kaa a pee níhi nɛ da. Dali maa na e hɛ mi.

La 11:7 ပူးပေါင်းရင်းမြစ်များ

Hiob 36:7

Mawu hɛngmɛ ngɛ dali a he be tsuaa be. E hyɛɛ a nɔ kaa matsɛmɛ, nɛ e woɔ a hɛ mi nyami daa.

La 146:8

Yawɛ bliɔ hɛ yuyuili a hɛngmɛ; Yawɛ woɔ ni nɛmɛ nɛ nɔ si a nɔ; Yawɛ suɔ ni nɛmɛ nɛ peeɔ nɔ́ nɛ da.

La 17:15

Se imi lɛɛ ma na o hɛ mi, ejakaa i pee we yayami ko. Nɛ ke ye hɛ tsɛ ɔ, ma ná bua jɔmi babauu kaa i na mo hɛ mi kɛ hɛ mi.

La 21:6

Niinɛ, o gbaa lɛ saminya kɛ yaa neneene; o haa nɛ e naa bua jɔmi ngɛ o hɛ mi.

La 33:18

Nihi nɛ yeɔ Yawɛ gbeye; nihi nɛ ngɔɔ a hɛ ngɔ fɔɔ e nɔ kaa e na mɛ mɔbɔ ɔ, Yawɛ buu a he.

La 33:5

Yawɛ suɔ nɔ́ nɛ da; e yeɔ dami sane. E suɔmi nɛ be nyagbe ɔ hyi zugba a nɔ tɔ.

La 34:15

Yawɛ hɛngmɛ ngɛ dali a he, nɛ e buɔ a kue fami tue.

La 37:28

ejakaa Yawɛ suɔ nɔ́ nɛ da; nihi nɛ yeɔ lɛ anɔkuale ɔ, e kua we mɛ. Yawɛ maa bu dali a he daa; se yayami peeli a nina lɛɛ a hɛ mi ma kpata.

La 42:5

Mɛni he je i pee vii kikɛ nɛ ɔ? Mɛni he je i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ, nɛ ma je e yi ekohu; lɛ ji ye kpɔlɔ; lɛ ji ye Mawu.

La 45:7

O suɔ nɔ́ nɛ da, se yayami lɛɛ o hĩɔ; enɛ ɔ he je ɔ, o Mawu ɔ wo mo matsɛ, nɛ e ha mo bua jɔmi pe matsɛmɛ ɔmɛ tsuo.

La 45:8

O tadehi a mi jeɔ via liliili kɛ tsopa kɛ e he via: mire, aloe, kɛ kasia. Kpa sakuhi a fiaa kɛ haa o bua jɔɔ o he ngɛ o mɔ ɔmɛ a mi; suɔ wu a kɛ ma mɔ nɛ ɔmɛ tsuo.

La 5:12

Yawɛ, o gbaa nihi nɛ peeɔ nɔ́ nɛ da, nɛ o kɛ o suɔmi ɔ buu a he kaa tsɛ̃i.

La 7:11

Mawu ji kojolɔ nɛ yeɔ dami sane; daa nɛ ɔ, e mi mi fu yayami peeli.

La 7:9

Mawu nɛ yeɔ dami sane ji mo; o le nimli a tsui mi, kɛ a juɛmi mi. Ha nɛ nimli yayamihi nɛ jɔɔ yayami peemi, konɛ nimli kpakpahi lɛɛ o pee mɛ bɔ nɛ sa.

La 99:4

Matsɛ kpetekpleenyɛ, mo nɛ o suɔ nɔ́ nɛ da! O to anɔkuale, kɛ dami sane yemi si ngɛ Israel.

Abɛ Womi 15:9

Yayami peelɔ je mi bami sɛ Yawɛ hɛ mi kulaa; se nɔ nɛ peeɔ nɔ nɛ da a, Yawɛ suɔ lɛ.

Yesaya 61:8

Yawɛ de Yerusalem bi ɔmɛ ke, “I suɔ kaa a ye dami sane; i sume ojo fiami, kɛ yi mi wami; ma pee ye ma a kpakpa bɔ nɛ sa mɛ, nɛ i kɛ mɛ maa so somi ko nɛ maa hi si kɛ maa ya neneene.

1 Petro 3:12

Ejakaa Nyɔmtsɛ ɔ buu dali a he, nɛ ke a fa kue ha lɛ ɔ, e nuɔ. Se ni nɛmɛ nɛ peeɔ yayami lɛɛ Nyɔmtsɛ ɔ kɛ mɛ yi.”

1 Yohane 3:2

Ye nyɛmimɛ nɛ i suɔ, amlɔ nɛ ɔ, Mawu bimɛ ji wɔ, se bɔ nɛ wa ma plɛ hwɔɔ se ɔ, lɔ ɔ lɛɛ wa li lolo. Nɔ́ nɛ wa le kɛkɛ ji kaa ke Kristo je e he kpo ɔ, wa maa hi kaa lɛ; ejakaa wa maa na lɛ paa kaa bɔ nɛ e ngɛ ɔ tutuutu.

Kpojemi 22:4

A maa na e hɛ mi, nɛ a maa ngma e biɛ ngɛ a hɛ nya.