La 11:4 - BAIBLO ALOO NGMAMI KLƆUKLƆU Ɔ

⁴ Yawɛ ngɛ e we klɔuklɔu ɔ; e matsɛ sɛ ɔ, hiɔwe lɛ e ngɛ. E hɛngmɛ ngɛ nimli adesahi hyɛe ngɛ he tsuaa he; e le níhi nɛ a ngɛ pee.

La 11:4 ပူးပေါင်းရင်းမြစ်များ

Kronika I, 17:5

Kɛ je ligbi ɔ nɛ i ya kpɔ Israel ma a kɛ je Egipt kɛ ba si mwɔnɛ ligbi nɛ ɔ, i hí we ko mi hyɛ; bo tsu ji we nɛ i hii mi ngɛ he tsuaa he nɛ i yaa.

Kronika II, 16:9

Yawɛ hɛngmɛ ngɛ je ɔ tsuo he; nihi nɛ yeɔ lɛ anɔkuale ɔ, e woɔ mɛ he wami. O je kuasia. Lɔ ɔ he ɔ, kɛ je mwɔnɛ ɔ kɛ yaa a, ta maa nyɛɛ o se daa nɛ.”

Hiob 24:23

Mawu ma ha nɛ e maa hi si ngɛ tue mi jɔmi mi, se daa nɛ ɔ, e hɛngmɛ ngɛ e he.

La 103:19

Yawɛ ngɔ e matsɛ sɛ ɔ kɛ ma si ngɛ hiɔwe, nɛ e ngɛ tsɛ yee ngɛ je ɔ tsuo nɔ.

La 113:5

Nɔ ko be nɛ ngɛ kaa Yawɛ, wa Mawu ɔ nɛ hii si ngɛ hiɔwe,

La 139:23

Mawu, hyɛ ye tsui mi nɛ o le mi. Kaa mi nɛ o hyɛ, nɛ o na níhi nɛ ngɛ ye juɛmi mi.

La 14:2

Yawɛ hyɛɛ nimli adesahi ngɛ zugba kɛ jeɔ hiɔwe. E hyɛɛ kaa e maa na nɔ ko nɛ le nɔ́, nɛ hlaa lɛ Mawu ɔ se blɔ lo.

La 18:6

Ngɛ ye haomi be ɔ mi ɔ, i tsɛ Yawɛ. I tsɛ ye Mawu, nɛ i de lɛ ke e piɛ ye he. E nu ye gbi ngɛ e we klɔuklɔu ɔ, nɛ e bu ye kue fami ɔ tue.

La 2:4

Nɔ nɛ hii si ngɛ hiɔwe lokoo ɔ ngɛ mɛ muɔe. Ee, Yawɛ ngɛ a he fɛu yee.

La 33:13

Yawɛ jeɔ hiɔwe kɛ hyɛɛ nimli adesahi tsuo ngɛ zugba.

La 44:21

anɛ mo, Mawu ɔ, o ko nɛ lo? Ejakaa o le níhi tsuo nɛ nɔmlɔ ngɔɔ kɛ laa ngɛ e tsui mi.

La 66:7

E ngɛ tsɛ yee kɛ he wami kɛ yaa neneene. E hɛngmɛ ngɛ je ma amɛ a he; atuã tsɔli kó wo a he nɔ.

La 9:11

Nyɛ la kɛ je Yawɛ yi; Yawɛ nɛ ngɛ Zion ɔ, nyɛ je e yi. Nyɛɛ sɛɛ níhi nɛ e pee ɔ kɛ ha je ma amɛ tsuo.

Abɛ Womi 15:3

Yawɛ hɛngmɛ ngɛ he tsuaa he; e naa kpakpa peeli, kɛ yayami peeli tsuo.

Yesaya 66:1

Bɔ nɛ Yawɛ ngɛ dee ji nɛ ɔ nɛ: “Hiɔwe ji ye matsɛ sɛ, nɛ zugba ji nɔ́ nɛ i kɛ ye nane maa nɔ. Mɛni tsu nyɛ maa ma ha mi mɔ, nɛ jije ye he jɔɔmi he ngɛ?

Yeremia 17:10

Imi Yawɛ, i hlaa nimli a juɛmi, nɛ i kaa a tsui. I woɔ nɔ tsuaa nɔ hiɔ ngɛ e ní peepee, kɛ e je mi babɛ he.”

Yeremia 23:24

Anɛ nɔ ko ma nyɛ maa laa e he ngɛ he ko nɛ i be lɛ nae lo? Anɛ nyɛ li kaa i ngɛ he tsuaa he lo? I ngɛ hiɔwe kɛ zugba tsuo.

Mika 1:2

Nyɛ je mahi tsuo, nyɛɛ bu tue; nyɛ nihi tsuo nɛ ngɛ je ɔ mi, nyɛɛ bu tue! Nyɔmtsɛ Mawu po nyɛ nya. Nyɛɛ bu tue! E ngɛ munyu tue kɛ je e we klɔuklɔu ɔ.

Habakuk 2:20

Yawɛ ngɛ e we klɔuklɔu ɔ; nɔ tsuaa nɔ nɛ ngɛ je ɔ mi ɔ, e pee dii ngɛ e hɛ mi.

Zakaria 2:13

Nyɛ tsuo nyɛɛ pee dii ngɛ Yawɛ hɛ mi; ejakaa e je e hi he klɔuklɔu ɔ kɛ ma.

Mateo 23:21

Jã kɛ̃, ke nɔ ko kɛ sɔlemi we ɔ ka kita a, blɔɔ sɔlemi we ɔ, kɛ Mawu nɛ hii lejɛ ɔ e kɛ ka kita a nɛ.

Mateo 5:34

Se imi lɛɛ i ngɛ nyɛ dee ke nyɛ ko ka kita kulaa! Nyɛ ko ka hiɔwe, ejakaa Mawu matsɛ sɛ ji lɔ ɔ nɛ;

Ni Tsumi 7:49

E ke, ‘Hiɔwe ɔ, ye matsɛ sɛ, nɛ zugba a, nɔ́ nɛ i kɛ ye nane maa nɔ. Mɛni tsu nyɛ maa ma ha mi mɔ? Nɛ jije ma jɔɔ ye he ngɛ?

2 Tesalonikabi 2:4

E maa te si ngɔ wo nɔ́ tsuaa nɔ́ nɛ a tsɛɛ mawu, loo nɔ́ ko nɛ a jaa a, nɛ e ma wo e he nɔ ngɛ mɛ tsuo a nɔ. E ma ya hi Mawu sɔlemi we ɔ mi tete po, nɛ e ma de ke lɛ ji Mawu.

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.

Kpojemi 4:2

Amlɔ ɔ, mumi ɔ ba ye nɔ. Nɛ hyɛ, matsɛ sɛ ko ji nɛ ɔ ngɛ hiɔwe nɛ nɔ ko hii si ngɛ nɔ.