La 11:1 - BAIBLO ALOO NGMAMI KLƆUKLƆU Ɔ

¹ I ba sa we ngɛ Yawɛ ngɔ. Mɛni he je lɛ nyɛ deɔ mi ke, “Tee kaa lohwe pɛlitsɛ kɛ ya yo ɔmɛ a nɔ.

La 11:1 ပူးပေါင်းရင်းမြစ်များ

Kronika II, 14:11

Asa fa kue ha Yawɛ e Mawu ɔ ke, “Yawɛ lee, mo nɛ o piɛɔ nihi nɛ a he wa, kɛ ni nɛmɛ nɛ a he wɛ tsuo a he! Yawɛ, wa Mawu, moo piɛ wa he koo! Ejakaa wa ngɔ wa hɛ ngɔ fɔ o nɔ. Wa ba ngɛ o biɛ mi, konɛ waa kɛ asafo babauu nɛ ɔ ba kpe. Yawɛ, mo ji wa Mawu; ko ha nɛ nɔmlɔ adesa nɛ ye o nɔ kunimi.”

Kronika II, 16:8

Tse Sudan bi ɔmɛ, kɛ Libia bi ɔmɛ ngɛ ta buli, ta zugba lɛhi, kɛ okpɔngɔ ta buli babauu? Se akɛnɛ nyɛ ngɔ nyɛ hɛ ngɔ fɔ Yawɛ nɔ he je ɔ, e ha nɛ nyɛ ye a nɔ kunimi.

Nehemia 6:11

I he nɔ ke, “Nɔmlɔ nɛ tuu fo ya laa e he ji mi lo? Imi nɛ ɔ, ma ya laa ye he ngɛ sɔlemi we ɔ kɛ he ye yi wami lo? Dɛbi, i be yae.”

La 16:1

Mawu, moo bu ye he, ejakaa i ngɔ ye hɛ kɛ fɔ o nɔ.

La 25:2

Ye Mawu, i ngɔ ye hɛ kɛ fɔ o nɔ. Ko ha nɛ ye hɛ mi nɛ pue si; ko ha nɛ ye he nyɛli nɛ ye ye hɛ fɛu.

La 31:14

Se imi lɛɛ i ngɔ ye hɛ kɛ fɔ mo, Yawɛ o nɔ. I de ke, “Mo pɛ ji ye Mawu”.

La 56:11

I ngɔ ye hɛ kɛ fɔ Mawu nɔ, lɔ ɔ he ɔ, i yi gbeye. Mɛni nɔmlɔ adesa ma nyɛ maa pee mi?

La 7:1

Yawɛ, ye Mawu! I ba sa we ngɛ o ngɔ. Mo kpɔ mi kɛ je nihi tsuo nɛ ngɛ mi yi mi wae ɔ a dɛ mi, nɛ o he ye yi wami.

La 7:2

Ke pi ja a, a maa gbla mi kɛ ya he nɛ nɔ ko be nɛ maa je ngmlaa ha mi. Lejɛ ɔ lɛ a ma ya tsɔtslɔɔ mi ngɛ kaa bɔ nɛ jata peeɔ ɔ.

La 9:10

Yawɛ, nihi nɛ le mo ɔ, a ngɔɔ a hɛ kɛ fɔɔ o nɔ. Ejakaa ni nɛmɛ nɛ hla o se blɔ ɔ, mo Yawɛ, o kua we mɛ.

Abɛ Womi 6:5

Je o he kɛ je sane nɛ ɔ mi esɔ kaa bɔ nɛ odabɔ, aloo lohwe pɛlitsɛ tuɔ detsɛ nya fo ɔ.

Yeremia 48:14

“Moab bi! Mɛni he je nyɛ deɔ ke, ‘Wɔɔ lɛɛ ta buli katsɛmɛ nɛ he biɛ ji wɔ ɔ?’

Luka 13:31

Jamɛ a be ɔ mi nɔuu ɔ, Farisi bi komɛ ba Yesu ngɔ ba de lɛ ke, “Jee hiɛ ɔ nɛ o ho; ejakaa Herode ngɛ mo hlae nɛ e gbe.”

Samuel I, 19:11

Jamɛ a nyɔ ɔ mi nɔuu ɔ, Saul tsɔ nihi kɛ ho David we ɔ mi ya nɛ́ a ya huɔ lɛ, konɛ mɔtu nɛ a gbe lɛ. Se David yo Mikal de lɛ ke, “Ke o ji hiɛ ɔ nyɔ nɛ ɔ mi nɛ o he o yi wami ɔ, hwɔɔ ɔ, a maa gbe mo.”

Samuel I, 22:3

David je lejɛ ɔ kɛ ho Mizpa ya ngɛ Moab, nɛ e ya de Moab matsɛ ɔ ke, “I kpa mo pɛɛ, ha nɛ tsaatsɛ kɛ maa nɛ a ba hi nyɛ ngɔ kɛ yaa si ma le nɔ́ nɛ Mawu maa pee ha mi.”

Samuel I, 23:14

David ya laa e he ngɛ tɛ puɔhi a mi ngɛ yoku ko nɔ, ngɛ Zif nga a nɔ. Daa ligbi ɔ, Saul hlaa David he blɔ; se Mawu je we lɛ ngɔ wui e dɛ mi.

Samuel I, 27:1

David de ngɛ e yi mi ke, “Saul maa gbe mi tlukaa ligbi kake, lɔ ɔ he ɔ, nɔ́ nɛ sa mi peemi ji ma tu fo kɛ ho Filisti bi ɔmɛ a zugba a nɔ ya. Saul nine mi maa je wu, nɛ e maa jɔɔ ye se nyɛɛmi ngɛ Israel huza amɛ a nɔ, nɛ ye yi ma na wami.”