La 109:4 - BAIBLO ALOO NGMAMI KLƆUKLƆU Ɔ

⁴ I suɔ mɛ, nɛ i faa kue kɛ haa mɛ, se mɛɛ lɛɛ a poɔ ye nya yaka gu.

La 109:4 ပူးပေါင်းရင်းမြစ်များ

La 38:20

Nihi nɛ ngɔɔ yayami kɛ toɔ kpakpa nane mi ɔ, jamɛatsɛmɛ ɔmɛ ba pee ye he nyɛli; ejakaa imi lɛɛ i hlaa kaa ma pee nɔ́ nɛ da.

Luka 23:34

Nɛ Yesu de ke, “Tsaatsɛ, kɛ pa mɛ! A li nɔ́ nɛ a ngɛ pee ɔ.” Kɛkɛ nɛ a fɔ sɔ kɛ dla e tade ɔmɛ.]

La 35:7

Ejakaa a tsɔ mi klama, nɛ a tsua muɔ ngɔ to ha mi yaka gu.

2 Korintobi 12:15

Ma suɔ kaa ma ngɔ níhi tsuo nɛ i ngɛ ɔ, kɛ ye nɔmlɔ tso ɔ tete ngɔ ha nɛ ma kɛ ye bua nyɛ. Ke i suɔ nyɛ babauu kikɛ nɛ ɔ, e sɛ kaa nyɛ hu nyɛɛ suɔ mi jã lo?

Yohane 10:32

Se Yesu de mɛ ke, “I pee ní kpakpahi babauu nɛ nyɛ na. Níhi nɛ i pee ɔ, Tsɛ ɔ nɛ tsɔɔ mi. Te nɔ́ nɛ he nɛ nyɛ ngɛ hlae nɛ nyɛɛ fia mi tɛ ɔ.”

La 35:12

A peeɔ mi yayami kɛ toɔ kpakpa nane mi, nɛ a woɔ mi ka, konɛ a gbe mi.

Daniel 6:10

Benɛ Daniel nu kaa matsɛ ɔ ngɔ e nine kɛ wo mlaa a sisi ɔ, e je kɛ ho e we mi ya. Daniel ngɛ hiɔwe tsu ko ngɛ e we ɔ mi, nɛ o ma nyɛ maa hyɛ Yerusalem kɛ gu saflɛ ɔmɛ a mi ngɛ lejɛ ɔ. Kɛkɛ nɛ Daniel kpla si ngɛ e nakutso nya, ngɛ saflɛ nɛ bli kɛ fɔɔ si ɔ nya, nɛ e sɔle nɛ e na e Mawu ɔ si si etɛ kaa bɔ nɛ e peeɔ daa a.

Samuel II, 13:39

Se benɛ kɔɔhiɔ fia Amnon gbenɔ ɔ mi bɔɔ ɔ, David hɛ ja ngɛ Absalom he; nɛ e ná nɛ e na lɛ ekohu.

Kronika I, 19:4

Enɛ ɔ he je ɔ, Hanun nuu David tsɔli ɔmɛ, nɛ e sɛ a kpɛni nɛ e hia a tade ɔmɛ a mi ngɛ kpɛti kɛ ba su a mlɛ mi, nɛ e ngmɛɛ a he nɛ a ho.

Abɛ Womi 17:13

Nɔ nɛ ngɔɔ yayami kɛ toɔ kpakpa nane mi ɔ, yayami be e we mi tae gblegbleegble.