La 109:22 - BAIBLO ALOO NGMAMI KLƆUKLƆU Ɔ

²² Ohiatsɛ ji mi; ye ní ngɛ mɔbɔ, nɛ ye tsui ngɛ mi yee ngɛ ye mi mi tɔɔ.

La 109:22 ပူးပေါင်းရင်းမြစ်များ

La 86:1

Yawɛ, moo bu ye kue fami ɔ tue, nɛ o pee ye hiami ní ɔmɛ ha mi; ejakaa ye yi fi wawɛɛ nitsɛ.

La 102:4

I pee kaa nga gbigbli nɛ a gbee nɔ, nɛ niye ní pa jlo we mi hu.

La 40:17

E fi mi, nɛ ye ní ngɛ mɔbɔ; se Nyɔmtsɛ ɔ hɛ ngɛ ye nɔ. Ye Mawu, mo ji ye he piɛlɔ; mo ji ye kpɔlɔ. Moo ba ye ngɔ esɔ, koo to tsle!

La 22:6

Se imi lɛɛ, pi nɔmlɔ ji mi hu; i ngɛ kaa gɔgɔ. Nihi tsuo pɛpɛɛpɛ hiee mi, nɛ a bɔɔ mi ahlua.

2 Korintobi 8:9

Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.

Yohane 12:27

Yesu de ke, “Jehanɛ lɛɛ ye mumi ngɛ haoe ngɛ ye mi, nɛ i li nɔ nɛ ma de. Anɛ ma de Tsaatsɛ nɛ e tsi amanehlu nɛ ɔ nya nɛ e ko ba ye nɔ lo? Dɛbi! Lɔ ɔ nɔuu he nɛ i ba, konɛ ma ba gblee be nɛ ɔ kɛ e mi nɔ́ nami kpetekpleenyɛ ɔ mi.

Luka 22:44

E kɛ he hiami sɔle wawɛɛ pe kekle ɔ po, nɛ e he latsa ngɛ tslee kɛ ngɛ si puee kaa muɔloku.]

Mateo 8:20

Yesu de lɛ ke, “Kɔkɔbohi ngɛ muɔ, nɛ lohwe pɛlitsɛmɛ ngɛ tsu, se Nɔmlɔ Bi ɔ lɛɛ e be he ko nɛ e kɛ e yi fɔɔ.”

Yesaya 53:3

Wa gbe e he guɛ, nɛ wa kua lɛ. E na nɔ́, nɛ e pi wawɛɛ nitsɛ. Nɔ ko nɔ ko plɛ we nɛ e hyɛ lɛ; wa gbe e he guɛ, nɛ wa bui lɛ saasaa.

La 109:16

Jamɛ a nɔmlɔ ɔ nlɛ hyɛ kaa e maa na nɔ ko mɔbɔ, se ohiatɛmɛ, dɛgutsɛmɛ, kɛ ni nɛmɛ nɛ a ní ngɛ mɔbɔ ɔ, e wa mɛ yi mi hluu kɛ ya si a gbenɔ mi po.

Hiob 6:4

Mawu Ope ɔ tsɛ̃ mi kɛ̃ɛ̃, nɛ duɔ ɔ ngɛ nyɛɛe ngɛ ye he womi mi tsuo. Mawu ní gbeyegbeye ɔmɛ gba ta kɛ wo mi.

Matsɛmɛ II, 4:27

se benɛ e ba su Mawu nɔmlɔ ɔ ngɔ ngɛ yo ɔ nɔ ɔ, e nu Mawu nɔmlɔ ɔ nane. Nɛ jinɛ Gehazi ka kaa e ma tsitsɛɛ lɛ kɛ je lejɛ ɔ, se Elisha de lɛ ke, “Moo ngmɛɛ e he; o nɛ kaa nɔ́ ko ngɛ lɛ haoe lo? Nɛ Yawɛ kɛ nɔ́ nɛ ɔ laa mi, nɛ e de we mi.”

La 25:16

Yawɛ, ba nɛ o ba na mi mɔbɔ; ejakaa nɔ ko be mi, nɛ ye ní ngɛ mɔbɔ.