La 109:16 - BAIBLO ALOO NGMAMI KLƆUKLƆU Ɔ

¹⁶ Jamɛ a nɔmlɔ ɔ nlɛ hyɛ kaa e maa na nɔ ko mɔbɔ, se ohiatɛmɛ, dɛgutsɛmɛ, kɛ ni nɛmɛ nɛ a ní ngɛ mɔbɔ ɔ, e wa mɛ yi mi hluu kɛ ya si a gbenɔ mi po.

La 109:16 ပူးပေါင်းရင်းမြစ်များ

La 34:18

Nihi nɛ a kɔni mi jɔ̃, kɛ nihi nɛ a be hɛ nɔ kami ɔ, Yawɛ hii a kasa nya, konɛ e wo mɛ he wami.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

La 37:14

Yayami peeli hiaa klaate, nɛ a dɔɔ a kɛ̃ɛ̃ ɔmɛ, konɛ a gbe ohiatsɛmɛ, kɛ dɛgutsɛmɛ; konɛ a kpata nihi nɛ peeɔ nɔ́ nɛ da a a hɛ mi.

Mateo 5:7

“A gbaa ni nɛmɛ nɛ naa mɔbɔ, ejakaa a maa na mɛ mɔbɔ.

La 37:32

Yayami peelɔ hii nɔmlɔ kpakpa dae, nɛ e hlaa kaa e maa gbe lɛ.

La 10:14

Se moo lɛɛ o ngɛ nɔ́ tsuaa nɔ́ hyɛe. Niinɛ, o ngɛ haomi ɔ, kɛ aywilɛho ɔ hyɛe, nɛ o maa pee he nɔ́ ko kɛ̃. Nɔ nɛ e fi lɛ ɔ, o nɔ lɛ e ngɔɔ e hɛ kɛ fɔɔ. Mo ji awusahi a he piɛlɔ.

La 10:2

Yayami peeli ngɛ a he nɔ woe, nɛ a ngɛ ohiatsɛmɛ yi mi wae. Ha nɛ ga yayamihi nɛ a to ɔ nɛ kpa bu mɛ nitsɛmɛ a nɔ.

Mose I, 42:21

nɛ a de a sibi ke, “Niinɛ, nɔ́ nɛ wa pee wa nyɛmi ɔ be ko nɛ be ɔ, lɔ ɔ he nɔ́ wa ngɛ nae nɛ ɔ nɛ. Wa na bɔ nɛ e hao, nɛ e kpa wɔ pɛɛ ke waa na lɛ mɔbɔ; se wa pui mi. Enɛ ɔ he je nɛ kikɛmɛ a haomi nɛ ɔ ba wa nɔ ɔ nɛ.”