La 108:6 - BAIBLO ALOO NGMAMI KLƆUKLƆU Ɔ

⁶ Ngɔɔ o he wami kpetekpleenyɛ ɔ kɛ he wa yi wami. Bu wa kue fami ɔ tue, ejakaa mo nitsɛ o ma nɛ o suɔ lɛ ji wɔ.

La 108:6 ပူးပေါင်းရင်းမြစ်များ

Kolosebi 3:12

Mawu nihi nɛ e hla, nɛ e suɔ ji nyɛ, nɛ nyɛ ngɛ klɔuklɔu. Lɔ ɔ he ɔ, nyɛ ha nɛ a na subai nɛ ɔmɛ ngɛ nyɛ he kaa tade nɛ nyɛ wo: mi mi jɔmi, mɔbɔ nami, he si bami, kpoo peemi, kɛ tsui si tomi.

Mose V, 33:12

Bɔ nɛ Mose gbaa Benyamin wɛtso ɔ ji nɛ ɔ nɛ: “Yawɛ suɔ Benyamin bi ɔmɛ a sane, nɛ e baa a yi. E buu a he daa ligbi, nɛ e kɛ mɛ ngɛ.”

Efesobi 1:6

E sa kaa wa je Mawu yi kaa e gu e dloomi nɛ hɛ mi ngɛ nyami ɔ nɔ ngɔ e bi nɛ e suɔ ɔ ngɔ ke wɔ yaka gu!

Romabi 1:7

I ngɛ womi nɛ ɔ ngmae ha nyɛ tsuo nɛ nyɛ ngɛ Roma nɛ Mawu suɔ nyɛ, nɛ e tsɛ nyɛ kɛ ba pee lɛ nitsɛ e ni klɔuklɔuhi ɔ. Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ!

Mateo 17:5

Benɛ e ngɛ munyu ɔ tue kɛ mwɔɔ ɔ, bɔku hleii ko ba ha a nɔ, nɛ gbi je bɔku ɔ mi de ke, “Ye Bi nɛ i suɔ lɛ, nɛ i naa e he tsui ji nɛ ɔ nɛ! Nyɛɛ bu lɛ tue.”

Mateo 3:17

Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

Yeremia 33:3

“Tsɛ mi, nɛ ma he mo nɔ; ma sɛɛ mo ní nguanguahi a he sane, kɛ nyakpɛ níhi nɛ o li.

Yesaya 65:24

Loko a ma tsɛ mi ɔ, i he nɔ momo; benɛ a ngɛ kue fae ha mi nɛ a gbi nya lolo ɔ, i nu momo.

La 54:1

Mawu, ngɔɔ o he wami ɔ kɛ kpɔ mi. Ngɔɔ o he wami kpetekpleenyɛ ɔ kɛ wo mi nguɔ!

Matsɛmɛ I, 18:29

A hɛɛ mi kikɛ nɛ ɔ kɛ munyu tumi basabasa hluu kɛ ya si pu plɛplɛ; se heto ko bɛ, nɛ gbi ko hu pɛ́.

Matsɛmɛ I, 18:24

Lɔ ɔ se ɔ, Baal gbali ɔmɛ nɛ a fa kue ha a mawu ɔ, konɛ imi hu ma fa kue ha Yawɛ, nɛ mawu nɛ ma ha la maa ba a, lɛ ji Mawu.” Ma a tsuo he nɔ ke, “Saminya!”

Samuel II, 12:25

nɛ e fa gbalɔ Natan ke e ya wo jokuɛ ɔ biɛ ke Yedidia; e sisi ji, “Nɔ nɛ Yawɛ suɔ lɛ.”

Mose II, 15:6

“Yawɛ, o hiɔ nine he wami ɔ ngɛ gbeye; o hiɔ nine ɔ tsɔtslɔɔ he nyɛli ɔmɛ a mi.

Matsɛmɛ I, 18:26

A nu na ku ɔ nɛ a ha mɛ ɔ, nɛ a pee lɛ kaa bɔ nɛ Eliya de mɛ ɔ; a fa kue ha Baal kɛ je mɔtu kɛ ya si piani. A kpa huhui ke, “Baal lee, moo bu wɔ tue oo!” Jamɛ a be ɔ mi ɔ, a ngɛ hlue kɛ ngɛ bɔ sami la tɛ ɔ nɛ a puɛ ɔ bɔlee. Se nɔ ko he we nɔ.

La 57:6

Ye he nyɛli ɔmɛ tsɔ mi klama; nɛ ye ní pee mɔbɔ kulaa. A tsua muɔ ngɛ ye blɔ ɔ mi, se mɛ nitsɛmɛ mohu a ya nɔ mi.