La 107:4 - BAIBLO ALOO NGMAMI KLƆUKLƆU Ɔ

⁴ Ni komɛ wo lalaalo ngɛ nga kplanaa nɔ; a nɛ blɔ ko blɔ ko nɛ a kɛ ya ma a mi nɛ a ya hi lejɛ ɔ.

La 107:4 ပူးပေါင်းရင်းမြစ်များ

Mose V, 32:10

“E na lɛ ngɛ nga kplanaa a nɔ, he nɛ nɔ ko nɔ ko be. E bu e he, nɛ e hyɛ e nɔ saminya kaa bɔ nɛ nɔ hyɛɛ e bi kpakpa nɛ e suɔ lɛ nɔ.

Ezekiel 34:12

Bɔ nɛ to hyɛlɔ hlaa e tohi nɛ gbɛ fĩa, nɛ e buaa a nya ekohu ɔ, jã ma hla ye to ɔmɛ a se blɔ. Ma kpaka mɛ kɛ je he tsuaa he nɛ a gbɛ fĩa ligbi ɔ nɛ jamɛ amanehlu kɔɔhiɔ yaya ba fia mɛ ɔ.

Ezekiel 34:6

Lɔ ɔ he ɔ, ye to ɔmɛ wo lalaalo kɛ ya gu yo ɔmɛ, kɛ yokuhi nɛ ya hiɔwe tsuo a nɔ. A gbɛ mɛ fĩa je ɔ mi he tsuaa he. Nɔ ko nɔ ko be nɛ dii a se, loo e hlaa mɛ.

Mose IV, 14:33

Nyɛ bimɛ maa wo lalaalo ngɛ nga a nɔ jeha nyingmi eywiɛ, nɛ a maa na nɔ́ ngɛ hemi kɛ yemi nɛ nyɛ be ɔ he, kɛ yaa si be nɛ nyɛ nyagbe nɔ ɔ ma gbo fɔ si ngɛ nga a nɔ.

Kpojemi 12:6

Yo ɔ tu fo kɛ ho nga nɔ ya ngɛ he ko nɛ Mawu dla ngɔ to lɛ, nɛ a ya hyɛ e nɔ ligbi akpe kɛ e nya lafa enyɔ kɛ nyingmi ekpa.

Hebribi 11:38

Je ɔ sɛ́ nimli nɛ ɔmɛ! A wo lalaalo ngɛ nga kplanaa nɔ, kɛ yohi a nɔ. A hi tɛ puɔhi, kɛ muɔhi a mi.

La 107:40

Mawu hu kɛ a ganɔ ɔmɛ to ní saminya, nɛ e ha nɛ a ya wo lalaalo ngɛ nga kplanaa nɔ he nɛ blɔ ko blɔ ko be.

Hiob 12:24

E haa je ma amɛ a hɛ mi nyɛɛli jeɔ kuasia, nɛ a ya woɔ lalaalo ngɛ nga nɔ he nɛ blɔ ko blɔ ko be.

Mose V, 8:15

Lɛ ji nɔ nɛ kpaka nyɛ kɛ gu nga kplanaa gbajaa nɛ nɔ ngɛ gbeye ɔ nɔ ɔ nɛ. Lejɛ ɔ nɛ a naa sinɔhi nɛ a duɔ nya wa, kɛ nyingmogblakotohi ngɛ ɔ nɛ. Jehanɛ, ngɛ nga kplanaa a nɔ he nɛ nyu be ɔ, e je nyu kɛ je tslɛbo tɛ sa mi ha nyɛ.

Mose IV, 32:13

Lɔ ɔ he ɔ, Yawɛ mi mi fu Israel, nɛ e ha a wo lalaalo ngɛ nga a nɔ jeha nyingmi eywiɛ, kɛ ya si be mi nɛ jamɛ a yi nɔ bi ɔmɛ nɛ pee nɔ́ nɛ dɛ ngɛ Yawɛ hɛ mi ɔ tsuo pɛpɛɛpɛ gbo ta.