La 107:3 - BAIBLO ALOO NGMAMI KLƆUKLƆU Ɔ

³ E ngɔ nyɛ kɛ je ma se kɛ ba kɛ je beleku je, kɛ bonyoku je, kɛ je omleyi je, kɛ leneyi je.

La 107:3 ပူးပေါင်းရင်းမြစ်များ

La 106:47

Yawɛ wa Mawu! Mo kpɔ wɔ kɛ je je ma amɛ a dɛ mi, nɛ o kpale wɔ kɛ ba ekohu, konɛ waa na mo si, nɛ wa je o biɛ klɔuklɔu ɔ yi.

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.

Yeremia 29:14

nyɛ maa na mi, nɛ ma ngɔ nyɛ kɛ ba nyɛ zugba a nɔ ekohu. Je mahi, kɛ hehi tsuo nɛ i fie nyɛ kɛ ho ɔ, ma bua nyɛ nya kɛ je lejɛ ɔmɛ, nɛ ma kpale nyɛ kɛ ba hiɛmɛ nɛ ɔ nɛ i ha nɛ a nuu nyɛ kɛ je ɔ ekohu. Imi, Yawɛ lɛ i de.’

Ezekiel 39:27

Bɔ nɛ pee nɛ je ma amɛ tsuo nɛ a le kaa i ngɛ klɔuklɔu ɔ, ma kpale ye ma a kɛ je a he nyɛli a zugba amɛ tsuo a nɔ kɛ ba.

Ezekiel 36:24

Ma je nyɛ kɛ je je ma amɛ a kpɛti. Ma bua nyɛ nya kɛ je he tsuaa he kɛ ba nyɛ nitsɛmɛ nyɛ zugba a nɔ ekohu.

Yeremia 31:10

Yawɛ ke, “Nyɛ je mahi, nyɛɛ bu mi tue nɛ nyɛɛ fiɛ ye munyu ɔmɛ ngɛ wo kpɔ ɔmɛ a nɔ tsitsaa lokoo ke, ‘Nɔ nɛ gbɛ Israel ma a ngɔ fĩa a, lɛ nɔuu e ma bua a nya ekohu, nɛ e maa hyɛ a nɔ kaa bɔ nɛ to hyɛlɔ hyɛɛ e tohi ɔ.’

Yeremia 31:8

Ma ya ngɔ mɛ kɛ je omleyi je zugba a nɔ, ma ya bua a nya kɛ je zugba a nyagbe he tɔɔ. Hɛ yuyuili, akpaketsɛmɛ, yihɔyihi, kɛ ni nɛmɛ nɛ miɔ nɛ a ma fɔ po maa piɛ a he kɛ ba. Nihi babauu nitsɛ maa kpale kɛ ba hiɛ ɔ ekohu.

Mose V, 30:3

lɛɛ Yawɛ, nyɛ Mawu ɔ maa na nyɛ mɔbɔ. E maa kpale nyɛ kɛ je ma je li ɔmɛ a zugba a nɔ, he nɛ e gbɛ nyɛ ngɔ fĩa a; nɛ e ma ha nyɛ ma na ní kpɔtɔɔ ekohu.

Ezekiel 20:34

Ma je nyɛ kɛ je je ma amɛ a kpɛti. Ma bua nyɛ nya kɛ je hehi tsuo nɛ a gbɛ nyɛ ngɔ fĩa a. Ye he wami kpetekpleenyɛ ɔ, kɛ abofu nguaa ma ngɔ kɛ tsu nɔ́ nɛ ɔ.

Yesaya 56:8

Nyɔmtsɛ Yawɛ nɛ ngɛ e ma Israel nya buae kɛ je ma se kɛ ma we ɔ, bɔ nɛ e ngɛ dee ji, “Ma bua ni kpahi a nya kɛ piɛ nihi nɛ a bua a nya momo ɔ a he.”

Yesaya 49:12

Ee, ye ma a maa je tsitsaa kɛ maa ba, a maa je omleyi je kɛ bonyoku je, nɛ a maa je Aswan tɔɔ ngɛ leneyi je kɛ maa ba.”

Yesaya 54:7

“Be kpiti ko kɛkɛ nɛ i je o he, se ye mi mi ngɛ mi sããe wawɛɛ ngɛ o he; lɔ ɔ he ɔ, ma ngɔ mo kɛ ba ye ngɔ ekohu.