La 107:2 - BAIBLO ALOO NGMAMI KLƆUKLƆU Ɔ

² Nyɛ nihi tsuo nɛ Yawɛ he nyɛ yi wami, nɛ e kpɔ nyɛ kɛ je nyɛ he nyɛli a dɛ mi ɔ, nyɛɛ hi enɛ ɔ dee kpamisa, nɛ nyɛ kɛ je e yi.

La 107:2 ပူးပေါင်းရင်းမြစ်များ

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

La 106:10

E kpɔ mɛ ngɛ nihi nɛ nyɛɛ mɛ ɔ a dɛ mi; e je mɛ kɛ je a he nyɛli ɔmɛ a dɛ mi.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

La 31:5

Yawɛ, Mawu anɔkualetsɛ; i ngɔ ye he kɛ ha mo. Mo lɛ o ma he ye yi wami.

Luka 1:68

“Nyɛ ha wa je Nyɔmtsɛ, Israel Mawu ɔ yi. Ejakaa e ba piɛ e ma a he, nɛ e ha nɛ a ye a he.

Yesaya 44:22

I je o tɔmi ɔmɛ kɛ je o he kɛ ho kaa bɔku. O yayami ɔmɛ laa kaa mɔtu afua. Kpale kɛ ba ye ngɔ, imi lɛ i he o yi wami ɔ nɛ.”

Yesaya 35:9

Jata ko be lejɛ ɔ hie, lohwe awi yelɔ ko hu be jamɛ a blɔ ɔ nɔ nyɛɛe. Nihi nɛ Yawɛ he a yi wami ɔ, mɛ a maa nyɛɛ jamɛ a blɔ ɔ nɔ.

Yesaya 43:1

Se jehanɛ lɛɛ Israel, Yawɛ nɛ bɔ mo ɔ ngɛ mo dee ke, “Koo ye gbeye. Imi nitsɛ ma he o yi wami. O biɛ i ngɔ kɛ tsɛ mo ɔ nɛ; ye nɔ́ ji mo.

Yeremia 15:21

Ma je mo kɛ je yiwutsotsɛmɛ, kɛ nimli yayamihi a dɛ mi. Imi, Yawɛ lɛ i de.”

Yesaya 62:12

A ma tsɛ nyɛ ke, “Ma klɔuklɔu”, “Ma nɛ Yawɛ kpɔ mɛ.” A ma tsɛ Yerusalem ke, “Ma nɛ a ya hla nɛ a na”, “Ma nɛ Mawu kua we lɛ.”

Mose V, 7:8

Suɔmi mohu Yawɛ suɔ nyɛ; nɛ kita nɛ e ka nyɛ nɛmɛ ɔmɛ ɔ, e suɔ kaa e maa ye nɔ. Enɛ ɔ he je nɛ Yawɛ kɛ kɔni si wami je nyɛ, nɛ e kpɔ̃ nyɛ kɛ je nyɔguɛ yemi mi kɛ je Egipt matsɛ ɔ dɛ mi ɔ nɛ.

Yeremia 31:11

I he Israel yi wami, nɛ i kpɔ mɛ kɛ je je ma ko nɛ he wa pe mɛ ɔ dɛ mi.

Mose V, 15:15

Kai kaa nyɛ hu nyɛ ya ye nyɔguɛ hyɛ ngɛ Egipt zugba a nɔ, nɛ Yawɛ, nyɛ Mawu ɔ ha nyɛ ye nyɛ he; lɔ ɔ he nɛ i ngɛ nyɛ mlaa nɛ ɔ woe mwɔnɛ ɔ nɛ.

Mose II, 15:16

Gbeye kɛ fɔ̃ nu mɛ; Yawɛ, o he wami ɔ ha a nya jɔ kɛ ya si be nɛ mo Yawɛ, o ma a nɛ mo nitsɛ o he ɔ ba be kɛ ho.

Luka 24:21

Jinɛ wɔɔ lɛɛ wa hyɛ blɔ kaa lɛ nɛ e ma ba kpɔ Israel! Se enɛ ɔ tsuo se ɔ, mwɔnɛ ɔ ji ligbi etɛne nɛ ní nɛ ɔmɛ ba mi.

Yesaya 63:4

I pee ye yi mi momo kaa ma gbla he nyɛli ɔmɛ a tue; lɔ ɔ he ɔ, ma he ye ma a yi wami; ejakaa be ɔ su jehanɛ.

La 130:8

Lɛ nɔuu lɛ e ma kpɔ Israel kɛ je a he yayamihi tsuo a mi.

Mika 4:10

Nyɛ Yerusalem ma mi bi, nyɛɛ kɛ nyɛ he nɛ wuwlua si, nɛ nyɛ kɛmɛ kaa yo nɛ ngɛ kɔe. Ejakaa jehanɛ lɛɛ nyɛ maa je ma a mi kɛ ya hi nga nɔ. A maa ngɔ nyɛ kɛ ya Babilon tɔɔ. Se Yawɛ ma kpɔ nyɛ kɛ je nyɛ he nyɛli ɔmɛ a dɛ mi ngɛ lejɛ ɔ.