La 106:34 - BAIBLO ALOO NGMAMI KLƆUKLƆU Ɔ

³⁴ A kpataa we je ma amɛ a hɛ mi kaa bɔ nɛ Yawɛ fa mɛ ke a pee ɔ.

La 106:34 ပူးပေါင်းရင်းမြစ်များ

Manyadali 1:21

Se Yebus bi nɛ ngɛ Yerusalem ɔ lɛɛ Benyamin bi ɔmɛ fie we mɛ; lɔ ɔ he ɔ, a kɛ Benyamin bi ɔmɛ ngɛ lejɛ ɔ kɛ ba si mwɔnɛ ligbi nɛ ɔ.

Mose V, 7:16

Ma tsuaa ma nɛ Yawɛ, nyɛ Mawu ɔ ma je ngɔ wo nyɛ dɛ ɔ, nyɛ kpata a hɛ mi; nyɛ ko na mɛ mɔbɔ. Nyɛ ko ja a mawu ɔmɛ. Ke nyɛ pee ja a, nyɛ hɛ mi ma kpata.

Mose V, 7:2

Ke be ɔ su nɛ Yawɛ, nyɛ Mawu ɔ je mɛ ngɔ wo nyɛ dɛ, nɛ nyɛ ye a nɔ ɔ, nyɛ kpata mɛ tsuo a hɛ mi pɛsɛpɛsɛ. Nyɛɛ kɛ ma ko ma ko kó so nɛ nyɛɛ pee kake; nyɛ ko na mɛ mɔbɔ.

Samuel I, 15:3

Yaa nɛ o ya tua Amalek bi ɔmɛ, nɛ o kpata a nɔ́ tsuaa nɔ́ hɛ mi. Ko si nɔ́ ko nɔ́ ko; se mohu o gbe nyumuhi kɛ yihi, jokuɛwi kɛ bimwɔwi, nahi kɛ tohi, kɛ afukpɔngɔhi kɛ tejihi tsuo pɛpɛɛpɛ.”

Manyadali 1:19

Yawɛ piɛ Yuda he nɛ a kɛ ngɔ yoku nɔ zugba amɛ. Se ni nɛmɛ nɛ ngɛ kɔ̃ ɔ mi ɔ lɛɛ a nyɛ we nɛ a fie mɛ; ejakaa dade ta zugba lɛhi ngɛ a dɛ.

Yoshua 16:10

Efraim bi ɔmɛ fie we Kanaan bi ɔmɛ kɛ ji Gezer; lɔ ɔ he ɔ, Kanaan bi ɔmɛ ngɛ Efraim bi ɔmɛ a kpɛti kɛ ba si mwɔnɛ ɔ; se a plɛ pee Efraim bi ɔmɛ a nyɔguɛhi, nɛ a sɔmɔɔ mɛ.

Yoshua 15:63

Yuda bi ɔmɛ nyɛ we nɛ a fie Yebus bi ɔmɛ nɛ hi Yerusalem ɔ kɛ je lejɛ ɔ. Lɔ ɔ he ɔ, Yebus bi ɔmɛ kɛ Yuda bi ɔmɛ ngɛ Yerusalem kɛ mwɔɔ.

Mose IV, 33:52

nyɛɛ fie zugba a nɔ bi ɔmɛ tsuo kɛ je lejɛ ɔ. Nyɛɛ ywia a we amaga amɛ tsuo nɛ a ngɔ tɛ, loo nɔ́ ko nɛ a sile kɛ pee ɔ; a jami he ɔmɛ hu nyɛɛ gbɛ mɛ.

Manyadali 2:2

Nyɛ hu nyɛɛ kɛ zugba nɛ ɔ nɔ bi ɔmɛ nɛ ko so somi ko; se mohu nyɛɛ ku a bɔ sami la tɛ ɔmɛ.’ Se nyɛ bui mi tue. Nyɛɛ hyɛ nɔ nɛ nyɛ ya pee!