La 105:3 - BAIBLO ALOO NGMAMI KLƆUKLƆU Ɔ

³ Nyɛ ha nɛ wa bua nɛ jɔ wa he kaa Yawɛ níhi ji wɔ; nɔ tsuaa nɔ nɛ jaa lɛ ɔ, e nya!

La 105:3 ပူးပေါင်းရင်းမြစ်များ

Kɔmɔ Yemi 3:25

Yawɛ mi mi hi ha nihi tsuo nɛ ngɔɔ a hɛ kɛ fɔɔ e nɔ ɔ, nɔ tsuaa nɔ nɛ hlaa Yawɛ se blɔ ɔ; e peeɔ lɛ kpakpa.

Galatabi 6:14

Se imi lɛɛ i be fĩae ngɔ fɔ nɔ́ kpa ko nɔ́ kpa ko nɔ kaa ja wa Nyɔmtsɛ Yesu Kristo sɛumi tso ɔ pɛ. Gbenɔ nɛ Kristo gbo ngɛ sɛumi tso ɔ nɔ ɔ ngɛ kaa nɔ́ nɛ pe a sɛu je ɔ kɛ ha mi, nɛ a sɛu imi hu kɛ ha je ɔ.

1 Korintobi 1:29

E pee enɛ ɔ, konɛ nɔ ko nɔ ko kó fĩa ngɛ e hɛ mi.

Abɛ Womi 8:17

Nihi nɛ suɔ mi ɔ, imi hu i suɔ mɛ; nɔ tsuaa nɔ nɛ hlaa ye se blɔ ɔ, e maa na mi.

1 Korintobi 1:31

Lɔ ɔ he ɔ, kaa bɔ nɛ ngmami ɔ deɔ ɔ, “Nɔ nɛ suɔ kaa e maa fĩa a, e fĩa ngɔ fɔ nɔ́ nɛ Nyɔmtsɛ ɔ pee ɔ nɔ.”

Yesaya 45:25

Imi Yawɛ nitsɛ ma ha Israel nina tsuo maa ye kunimi, nɛ a maa fĩa kɛ fɔ ye nɔ.

La 34:2

Ma fĩa kɛ fɔ Yawɛ nɔ; nɔ́ nali maa nu he, nɛ a ma nya.

Yesaya 45:19

I tu we munyu ngɛ laami mi; ye yi mi tomi fɔɔ si paa. I de we Israel ma a ke a ya hla mi ngɛ nga pã. Imi ji Yawɛ, anɔkuale pɛ i tuɔ; nɔ́ nɛ da a, lɔ ɔ pɛ i deɔ.”

La 9:10

Yawɛ, nihi nɛ le mo ɔ, a ngɔɔ a hɛ kɛ fɔɔ o nɔ. Ejakaa ni nɛmɛ nɛ hla o se blɔ ɔ, mo Yawɛ, o kua we mɛ.

La 104:34

Susumi kpakpa nɛ i ngɛ ngɛ e he ɔ, i na nɛ lɛ tsuo sa e hɛ mi, ejakaa lɛ ji nɔ nɛ haa mi bua jɔmi.