La 104:5 - BAIBLO ALOO NGMAMI KLƆUKLƆU Ɔ

⁵ O ngɔ je ɔ ngɔ ma e sisi tomi ɔ nɔ kpɛii, nɛ a be jee ngɛ lejɛ ɔ gblegbleegble.

La 104:5 ပူးပေါင်းရင်းမြစ်များ

Hiob 26:7

Mawu gbla omleyi je hiɔwe ɔ mi, nɛ e ngɔ je ɔ ngɔ kpla si nɛ nɔ́ ko hɛɛ we lɛ.

La 24:2

Lɛ nɛ bɔ je ɔ kɛ fɔ wo ɔ nɔ; lɛ nɛ to je ɔ sisi ngɛ pahi a nɔ.

La 33:9

Ejakaa munyu kɛkɛ lɛ e tu nɛ e kɛ bɔ je ɔ. Fami kɛkɛ lɛ e fa nɛ níhi tsuo ba.

La 96:10

Nyɛ de je ma amɛ tsuo ke, “Yawɛ ngɛ matsɛ yee! A ngɔ je ɔ ngɔ ma si ngɛ e hi he, nɛ nɔ ko be nyɛe ma mimiɛ lɛ. E maa kojo je ma amɛ ngɛ dami nya.”

Kpojemi 20:11

Enɛ ɔ se ɔ, i na Mawu nɛ hii si ngɛ matsɛ sɛ hiɔ kpetekpleenyɛ ko nɔ. Tlukaa a, hiɔwe kɛ zugba laa, nɛ a nɛ mɛ hu.

2 Petro 3:10

Se Nyɔmtsɛ ɔ ligbi ɔ maa ba kaa bɔ nɛ julɔ baa a. Jamɛ a ligbi ɔ, hiɔwe maa be kɛ ho kɛ kemi nɛ nya wa. Níhi nɛ ngɛ hiɔwe ɔ tsuo maa sã, nɛ a hɛ mi ma kpata, nɛ je ɔ, kɛ e mi nɔ́ tsuaa nɔ́ maa laa.

La 136:6

Lɛ nɛ e ngɔ zugba a kɛ ha nyu ɔ hɛ mi; ejakaa e suɔmi ɔ ngɛ kɛ yaa neneene!

La 93:1

Yawɛ ngɛ matsɛ yee. E mia kɛ agboje, kɛ he wami. Ee, e ngɔ je ɔ ngɔ ma si kpɛii, nɛ a be nyɛe ma je kɛ je e blɔ he.

Kpojemi 6:14

Hiɔwe hɛ lɛ kɛ ho kaa womi kpo nɛ a hluɛ̃, nɛ yohi, kɛ zugba kpɔhi nɛ wo bɔle mɛ kɛ kpe tsuo hia kɛ je a blɔ hehi.

Fiɛlɔ 1:4

Yi nɔhi baa, nɛ a beɔ kɛ yaa. Se je ɔ lɛɛ, bɔ nɛ e ngɛ ɔ, jã kɛ̃ e ngɛ; jã kɛ̃ lɛ e maa hi kɛ maa ya neneene.

Samuel I, 2:8

E woɔ ohiatsɛmɛ a nɔ kɛ jeɔ tabo zu mi, nɛ e jeɔ ni nɛmɛ nɛ e fi mɛ kɛ jeɔ a haomihi a mi. E haa a kɛ ganɔhi hii si, nɛ e kɛ mɛ toɔ hɛ mi nyami blɔ hehi. Yawɛ níhi ji je ɔ titima amɛ; a nɔ nɛ e fia je ɔ kɛ fɔ.

La 119:90

O we anɔkuale yemi maa gblee yi nɔhi tsuo a mi. Mo lɛ o ngɔ zugba a kɛ ma si nɛ e maa si kpɛii nɛ ɔ nɛ.

Abɛ Womi 8:29

Benɛ e fa wo ɔ ke wo nyu ɔ ko be e huzu ɔ he ɔ, i ngɛ lejɛ ɔ. Benɛ e to je ɔ sisi ɔ, jamɛ a be ɔ, i ngɛ lejɛ ɔ.