La 104:34 - BAIBLO ALOO NGMAMI KLƆUKLƆU Ɔ

³⁴ Susumi kpakpa nɛ i ngɛ ngɛ e he ɔ, i na nɛ lɛ tsuo sa e hɛ mi, ejakaa lɛ ji nɔ nɛ haa mi bua jɔmi.

La 104:34 ပူးပေါင်းရင်းမြစ်များ

Filipibi 4:4

Kaa nihi nɛ ngɛ Nyɔmtsɛ ɔ mi ɔ, nyɛ bua nɛ jɔ daa! I ngɛ dee ekohu ke, nyɛ bua nɛ jɔ!

La 1:2

se mohu e bua jɔɔ Yawɛ mlaa a he, nɛ e susuɔ he nyɔ kɛ pia.

Luka 1:47

Ye bua jɔ, kaa Mawu ji ye yi wami helɔ,

La 9:2

Mawu Ope, o he ɔ, ma la kɛ bua jɔmi; ma la kɛ je o yi.

La 119:111

O mlaa amɛ ji ye weto ní kɛ yaa neneene. O mlaa amɛ haa ye tsui nɔɔ ye mi fuaa.

La 77:12

Ma susu níhi tsuo nɛ o pee ɔ a he; nyakpɛ níhi nɛ o pee blema a, ma kai.

La 32:11

Nyɛ dali, nɔ́ nɛ Yawɛ pee ha nyɛ ɔ he je ɔ, nyɛ nya nɛ nyɛ bua nɛ jɔ nyɛ he. Nyɛ nihi nɛ nyɛ buɔ lɛ tue, nyɛ hwɔ lele.

La 119:167

I yeɔ o mlaa amɛ a nɔ pɛpɛɛpɛ; i suɔ o mlaa amɛ kɛ ye tsui tsuo.

Abɛ Womi 24:14

jã kɛ̃ ji bɔ nɛ nile ngɛ kɛ ha o susuma. Ke o ná nile ɔ, e he maa ba se nami, nɛ hwɔɔ se ɔ, o hɛ nɔ kami be yaka pee.

Mose I, 24:63

Ligbi ko gbɔkuɛ nya si ɔ, e je kpo kɛ ho nga a nɔ ya konɛ e ya pue e yi mi bɔɔ, nɛ e na kaa afukpɔngɔ komɛ ma.

La 35:9

Kɛkɛ ɔ, Yawɛ he ɔ, ma na bua jɔmi. Ye bua maa jɔ, ejakaa e he ye yi wami.

La 105:3

Nyɛ ha nɛ wa bua nɛ jɔ wa he kaa Yawɛ níhi ji wɔ; nɔ tsuaa nɔ nɛ jaa lɛ ɔ, e nya!

Kpojemi 10:10

Kɛkɛ nɛ i sɔle womi kpo wayoo ɔ ngɛ bɔfo ɔ dɛ nɛ i ye. E ngɔ dɔkɔdɔkɔ kaa hwo ngɛ ye nya mi; se benɛ i mi ɔ, e doo ngɛ ye mi mi.