La 103:5 - BAIBLO ALOO NGMAMI KLƆUKLƆU Ɔ

⁵ E haa mi ní kpakpahi babauu, nɛ daa nɛ ɔ, i naa he wami he kaa kɔle.

La 103:5 ပူးပေါင်းရင်းမြစ်များ

Yesaya 40:31

Se ni nɛmɛ nɛ ngɔɔ a hɛ ngɔ fɔɔ Yawɛ nɔ ɔ, a naa he wami he kaa kɔle nɛ ngɛ tee; a tuɔ fo, nɛ pɔ tɔɛ mɛ, a nyɛɛɔ, nɛ a gbɔjɔɔ we.

La 107:9

Nihi nɛ kuma ye mɛ ɔ, e ha mɛ nyu nɛ a nu; ni nɛmɛ nɛ hwɔ ye mɛ ɔ, e ha mɛ ní nɛ a ye nɛ a tɔ.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

2 Korintobi 4:16

Enɛ ɔ he ɔ, wa kɔni mi jɔ̃ we gblegbleegble. E ngɛ mi kaa wa nɔmlɔ tso ɔ ngɛ puɛe bɔɔbɔɔbɔɔ mohu, se mumi mi ɔ, wa ngɛ wae daa ligbi.

La 63:5

Ma ná bua jɔmi kaa nɔ nɛ ye niye ní kpakpa, kɛkɛ ɔ, ma la kɛ bua jɔmi kɛ je o yi.

La 104:28

Ke o ha mɛ niye ní ɔ, a yeɔ; o lɛɔ mɛ nɛ a tɔɔ kɛ ní kpakpahi sɔuu.

La 23:5

O ngmɛɔ mi okplɔɔ ngɛ he nɛ ye he nyɛli tsuo maa na mi. O pɔɔ ye yi mi nu, nɛ o woɔ ye kplu ɔ nɛ e hyiɔ banebane.

La 65:4

A gbaa nɔ tsuaa nɔ nɛ mo nitsɛ o hla lɛ, nɛ o ngɔ lɛ kɛ ba o we ɔ. Wa ma na ní kpakpahi nɛ ngɛ o we klɔuklɔu ɔ a he bua jɔmi. O bu wa kue fami ɔ tue.

Hosea 2:15

Ma ngɔ wai abɔɔ ɔmɛ kɛ ha lɛ ekohu. Haomi Kɔ̃ ɔ ma plɛ pee he ko nɛ e ma ná ní kpakpahi ngɛ. E kɛ mi maa hi si saminya kaa bɔ nɛ e pee ngɛ e yihe mi, benɛ e je Egipt kɛ ba a.

Yoshua 14:11

se i ngɛ he wami saminya. Bɔ nɛ i ngɛ be nɛ Mose tsɔ mi ɔ, jã kɛ̃ i ngɛ mwɔnɛ ɔ. I ngɛ he wami kɛ mwɔɔ nɛ ma nyɛ kɛ ya ta, loo ma kɛ tsu nɔ́ tsuaa nɔ́.

Hiob 33:25

E ma tsake maa pee niheyo ekohu, nɛ e he womi maa pee tlotlootlo kaa jokuɛyo he womi.