La 103:4 - BAIBLO ALOO NGMAMI KLƆUKLƆU Ɔ

⁴ E heɔ ye yi wami, konɛ ye hɛ mi ko kpata. E jeɔ e suɔmi ɔ kpo kɛ tsɔɔ mi, nɛ e naa mi mɔbɔ daa.

La 103:4 ပူးပေါင်းရင်းမြစ်များ

La 71:23

Ma hwɔ lele, nɛ ma la kɛ je o yi; ma je o yi, ejakaa o he ye yi wami.

La 56:13

Ejakaa o he ye yi wami kɛ je gbenɔ mi. O ha we nɛ ma tɛ nɔ nɛ ma nɔ si, bɔ nɛ pee nɛ ma nyɛɛ ngɛ o hɛ mi he nɛ o la kpɛɔ ngɛ kɛ haa hɛ kali ɔ.

La 103:12

E jeɔ wa he yayami ɔmɛ kɛ yaa tsitsaa lokoo kaa bɔ nɛ beleku kɛ bonyoku a kpɛti blɔ ɔ kɛ ɔ.

1 Petro 5:4

Nɛ ke to hyɛlɔ nɔkɔtɔma a ba a, nyɛ nine maa su hɛ mi nyami jlasi nɛ maa hi kpɛe nylamnylam daa a nɔ.

La 8:5

Nɛ́ o bɔ nɔmlɔ ɔ, nɔ́ ko bɔɔ pɛ lɛ mo, Mawu ɔ o ngɔ kɛ pe lɛ. Se o wo e hɛ mi nyami babauu.

La 5:12

Yawɛ, o gbaa nihi nɛ peeɔ nɔ́ nɛ da, nɛ o kɛ o suɔmi ɔ buu a he kaa tsɛ̃i.

Yakobo 1:12

Nɔ nɛ ke a ngɛ lɛ kae ɔ, e toɔ e tsui si, nɛ e ngmɛɛ we e hemi kɛ yemi he ɔ, á gbaa lɛ. Ejakaa ke e nyɛ gblee ka a mi ɔ, neneene wami nɛ Mawu wo si kaa a ma ha nihi nɛ suɔ lɛ ɔ, e nine maa su nɔ.

La 34:22

Yawɛ ma he e sɔmɔli a yi wami. Nihi nɛ ba saa we ngɛ e ngɔ ɔ, a ti nɔ ko nɔ ko hɛ mi be kpatae.

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.

La 21:3

O gbaa lɛ kɛ ní kpakpahi babauu; o fi lɛ jlasi nɛ a kɛ sika tsu ngmingmiingmi pee.

Mose I, 48:16

Mawu bɔfo ɔ nɛ hyɛ ye nɔ, nɛ je mi kɛ je haomihi tsuo a mi ɔ, e gbaa nyumuwi nɛ ɔmɛ! Nyumuwi nɛ ɔmɛ nɛ a wo imi, kɛ nɛnɛ Abraham, kɛ tsaatsɛ Isak wa biɛ ɔmɛ a hɛ mi nyami daa! A fɔ, nɛ a he nɛ hiɛ babauu ngɛ zugba a nɔ!”

La 65:11

O ha ní kpakpahi babauu baa ngɛ jeha a mi. He tsuaa he nɛ o be ngɛ ɔ kɛkɛ ní ba babauu.

Yesaya 38:17

Niinɛ, kpakpa nɛ o ngɛ hlae ha mi he je nɛ haomi nɛ nya wa nɛ ɔ ba ye nɔ ɔ nɛ; se o je mi kɛ je hɛ mi kpatami mi; ejakaa o kɛ ye he yayami ɔmɛ tsuo pa mi.

Yesaya 54:8

Ye mi mi fu mo wawɛɛ. Kɛkɛ nɛ i je hɛ ngɛ o he be kuku, se jehanɛ lɛɛ ma je ye suɔmi kpo kɛ tsɔɔ mo kɛ maa ya neneene.” Imi Yawɛ yi wami helɔ ɔ, nɛ i de.