La 103:22 - BAIBLO ALOO NGMAMI KLƆUKLƆU Ɔ

²² Nyɛ, Yawɛ nibɔ níhi ngɛ hehi nɛ e ngɛ tsɛ yee ngɛ ɔ tsuo, nyɛ je Yawɛ yi! Imi nitsɛ hu ma je Yawɛ yi!

La 103:22 ပူးပေါင်းရင်းမြစ်များ

La 145:10

Yawɛ, níhi nɛ o pee ɔ tsuo maa na mo si, nɛ o ni klɔuklɔu ɔmɛ ma je o yi!

Yesaya 49:13

Nyɛ hiɔwe níhi, nyɛ la kɛ bua jɔmi! Zugba, hwɔ lele! Nyɛ yo ɔmɛ hu nyɛ la! Yawɛ maa jɔɔ e ma a bua; nihi nɛ ngɛ nɔ́ nae ɔ, e maa na mɛ mɔbɔ.

La 150:6

Nɔ́ tsuaa nɔ́ nɛ woɔ mumi ɔ, e je Yawɛ yi! Nyɛ je Yawɛ yi.

Yesaya 44:23

Nyɛ hiɔwe tsuo, nyɛ la nɛ nyɛ nya; nyɛ zugba a sisi hehi nɛ kuɔ, nyɛ he ose! Nyɛ yo ɔmɛ, kɛ hue ɔmɛ kɛ a mi tso ɔmɛ tsuo, nyɛɛ kɛ bua jɔmi nɛ he ose. A je Yawɛ he wami kpetekpleenyɛ ɔ yi; ejakaa e he e ma Israel yi wami.

Yesaya 43:20

Nga mi lohwe nane eywiɛɛywiɛtsɛmɛ pohu maa wo ye hɛ mi nyami; nga mi gbehi, kɛ dugumahi ma je ye yi. Ejakaa ma ha pahi maa hia kɛ be ngɛ nga kplanaa a nɔ, nɛ ye ma nɛ i hla a ma na nyu maa nu.

La 146:1

Nyɛ je Yawɛ yi! Imi hu ma je Yawɛ yi!

La 104:35

Yayami peeli tsuo a hɛ mi nɛ kpata, konɛ yiwutsotsɛmɛ ko hi je ɔ mi hu. Ma je Yawɛ yi. Ee, nyɛ je Yawɛ yi.

La 104:1

Ma je Yawɛ yi! Yawɛ ye Mawu, o kle! O hɛ mi nyami, kɛ o he wami kpetekpleenyɛ ɔ ngɛ kaa bo nɛ o kɛ ha o he.

La 103:1

Ma je Yawɛ yi! Ma je e biɛ klɔuklɔu ɔ yi kɛ ye tsui tsuo.

La 145:21

Ma je Yawɛ yi, nɛ ma ha nimli adesahi tsuo ma je e yi kɛ maa ya neneene.

La 148:1

Nyɛ je Yawɛ yi! Nyɛ je Yawɛ yi kɛ je hiɔwe. Nyɛ je e yi ngɛ hiɔwe lokoo!