La 103:19 - BAIBLO ALOO NGMAMI KLƆUKLƆU Ɔ

¹⁹ Yawɛ ngɔ e matsɛ sɛ ɔ kɛ ma si ngɛ hiɔwe, nɛ e ngɛ tsɛ yee ngɛ je ɔ tsuo nɔ.

La 103:19 ပူးပေါင်းရင်းမြစ်များ

La 47:2

Yawɛ, nɔ nɛ ngɛ hiɔwe lokoo ɔ he ngɛ gbeye. Matsɛ kpetekpleenyɛ nɛ yeɔ je ɔ tsuo nɔ ji lɛ.

La 9:7

Se Yawɛ lɛɛ e ngɛ daa; e hii si ngɛ e kojomi sɛ ɔ nɔ.

1 Petro 3:22

Yesu Kristo ho hiɔwe ya; e ya hii si ngɛ Mawu hiɔ nɔ, nɛ e ngɛ bɔfohi, kɛ mumi mi níhi tsuo nɛ ngɛ he wami a nɔ yee.

La 11:4

Yawɛ ngɛ e we klɔuklɔu ɔ; e matsɛ sɛ ɔ, hiɔwe lɛ e ngɛ. E hɛngmɛ ngɛ nimli adesahi hyɛe ngɛ he tsuaa he; e le níhi nɛ a ngɛ pee.

Hebribi 8:1

Nɔ́ nɛ wa ngɛ dee ɔ we oti ɔ tsɔɔ kaa wa ngɛ nɔ ko nɛ ji osɔfo nɔkɔtɔma pe kulaa nɛ hii si ngɛ Mawu matsɛ sɛ ɔ hiɔ nɔ ngɛ hiɔwe.

La 115:3

Wa Mawu ɔ, hiɔwe e ngɛ; nɔ́ tsuaa nɔ́ nɛ e suɔ ɔ, lɔ ɔ e peeɔ.

Daniel 4:25

A maa fie mo kɛ je nimlihi a kpɛti, nɛ o kɛ pu mi lohwehi ma ya hi si. O ma kpe nga kaa na, nɛ bɔ́ maa nɛɛ mo jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.

Yesaya 66:1

Bɔ nɛ Yawɛ ngɛ dee ji nɛ ɔ nɛ: “Hiɔwe ji ye matsɛ sɛ, nɛ zugba ji nɔ́ nɛ i kɛ ye nane maa nɔ. Mɛni tsu nyɛ maa ma ha mi mɔ, nɛ jije ye he jɔɔmi he ngɛ?

La 2:4

Nɔ nɛ hii si ngɛ hiɔwe lokoo ɔ ngɛ mɛ muɔe. Ee, Yawɛ ngɛ a he fɛu yee.

Daniel 4:17

Mawu bɔfo ɔmɛ nɛ a nɔ tsɔ, nɛ a hɛngmɛhi ngɛ si poe ɔ, bɔ nɛ a de ji nɛ ɔ nɛ. Lɔ ɔ he ɔ, nihi tsuo pɛpɛɛpɛ nɛ a na nɛ a le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ, nɔmlɔ ngua jio, nɔmlɔ wayo jio.’

Kronika I, 29:11

O kle, o ngɛ he wami, kɛ hɛ mi nyami; o yeɔ kunimi, nɛ o yeɔ matsɛ. Nɔ́ tsuaa nɔ́ nɛ ngɛ hiɔwe kɛ zugba a, o nɔ́. Matsɛ ji mo, nɛ o yeɔ nɔ́ tsuaa nɔ́ nɔ.

Kronika I, 29:12

Ní nami, kɛ hɛ mi nyami tsuo jee o dɛ mi. O kɛ o he wami yeɔ nɔ́ tsuaa nɔ́ nɔ; mo lɛ o haa nɔ biɛ, kɛ he wami.

Daniel 7:14

A ngɔ he wami, hɛ mi nyami, kɛ matsɛ yemi ngɔ wo e dɛ, konɛ je ma amɛ, kɛ nihi nɛ tuɔ gbi slɔɔtoslɔɔto ɔmɛ nɛ a sɔmɔ lɛ. E he wami ɔ maa hi si kɛ maa ya neneene, nɛ e matsɛ yemi ɔ se be poe gblegbleegble.