La 103:17 - BAIBLO ALOO NGMAMI KLƆUKLƆU Ɔ

¹⁷ Se Yawɛ suɔmi nɛ be nyagbe ɔ ngɛ kɛ ha nihi nɛ yeɔ lɛ gbeye. A weku kɛ nina hu Yawɛ maa pee mɛ kpakpa daa,

La 103:17 ပူးပေါင်းရင်းမြစ်များ

La 100:5

Yawɛ hi; e naa wɔ mɔbɔ daa, nɛ e we anɔkuale ɔ ngɛ kɛ yaa neneene.

La 111:3

E tsuɔ ní kɛ hɛ mi nyami kɛ agboje. E yeɔ dami sane daa.

La 118:1

Nyɛɛ na Yawɛ si; ejakaa e hi, nɛ e suɔmi ɔ ngɛ kɛ yaa neneene.

La 22:31

Bimɛ nɛ a na we nɛ a fɔ mɛ lolo po, a maa sɛɛ ha mɛ ke, “Yawɛ he e ma a yi wami.”

La 25:6

Yawɛ, kai kaa o mɔbɔ nami, kɛ o suɔmi nɛ be nyagbe ɔ ngɛ kɛ je blema lokoo.

La 90:16

Ha nɛ wɔ, o tsɔli ɔmɛ, waa na o ní tsumi ɔmɛ. Ha nɛ wa bimɛ ɔmɛ nɛ a na o he wami kpetekpleenyɛ ɔ.

Mose II, 20:6

Se nihi akpe abɔ nɛ suɔ mi, nɛ a yeɔ ye mlaa amɛ a nɔ ɔ, mɛɛ i naa mɛ mɔbɔ.

Yesaya 41:8

“Se mo, ye tsɔlɔ Israel, mo ji ma nɛ i hla, ye huɛ Abraham nina.

Yesaya 46:13

I ha ye kunimi yemi ligbi ɔ na nyɛ haa; e be tsitsaa lokoo kulaa. Ye kunimi yemi ɔ be se kpɛe. Ma he Yerusalem yi wami, nɛ ma wo Israel hɛ mi nyami.”

Yesaya 51:6

Nyɛ wo nyɛ yi nɔ nɛ nyɛɛ hyɛ hiɔwe, nɛ nyɛɛ kpale hyɛ zugba mi. Hiɔwe maa laa kaa la su ku nɛ se po; zugba ma puplee kaa tako piɛ, nɛ nimli nɛ ngɛ nɔ ɔ ma gbo kaa anunuhi. Se nyɛɛ lɛɛ ma he nyɛ yi wami daa; ma ye kunimi ha nyɛ kɛ maa ya neneene.

Yeremia 31:3

i je ye he kpo ngɔ tsɔɔ mɛ ngɛ tsitsaa lokoo. Israel ma, kɛ je blema lɛ i je suɔmi nɛ nya wa kpo kɛ tsɔɔ nyɛ. Nɛ kɛ ba si piɔ hu jamɛ a suɔmi ɔ ngɛ; e se pui.

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Mika 6:5

Ye ma, nyɛ kai nɔ́ nɛ Moab matsɛ, Balak to nɛ e maa pee nyɛ, kɛ heto nɛ Beor binyumu Balaam ha lɛ. Nyɛ kai níhi nɛ ba ngɛ blɔ nɔ kɛ je nyɛ si tomi he ɔ ngɛ Shitim kɛ ya Gilgal ɔ. Nyɛ kai ní nɛ ɔmɛ, konɛ nyɛɛ na bɔ nɛ i pee kɛ he nyɛ yi wami.” Yawɛ lɛ de.

Romabi 1:17

Ejakaa sane kpakpa a lɛ tsɔɔ kaa kɛ je sisije kɛ yaa si nyagbe ɔ, hemi kɛ yemi nɔ Mawu daa nɛ e kɛ buu nimli adesahi nihi nɛ da. Kaa bɔ nɛ ngmami ɔ deɔ ɔ, “Nɔ nɛ a gu hemi kɛ yemi nɔ bu lɛ nɔ nɛ da a yi ma na wami.”

Romabi 15:8

Ejakaa i ngɛ nyɛ dee ke Kristo ba sɔmɔ Yuda bi ɔmɛ nɛ e kɛ tsɔɔ mɛ kaa Mawu yeɔ anɔkuale, nɛ e kɛ ma si nɛ Mawu wo a nɛmɛ ɔmɛ ɔ nɔ mi.

Mose V, 10:15

Se akɛnɛ suɔmi nɛ Yawɛ ngɛ kɛ ha nyɛ nɛmɛ ɔmɛ nya wa wawɛɛ he je ɔ, e hla nyɛ nɛ ji a nina a mohu ngɛ je ma kpa amɛ a mi; nɛ kɛ ba si mwɔnɛ ɔ hu, nyɛ ji e ma nɛ e hla.

2 Timoteo 1:9

Mawu he wa yi wami, nɛ e tsɛ wɔ, konɛ wa ba pee e nihi. Pi nɔ́ kpakpa ko nɛ wa pee he je, se mohu lɛ nitsɛ e yi mi tomi nya nɛ e dloo wɔ. Wa ná kikɛmɛ a dloomi nɛ ɔ kɛ gu Kristo Yesu nɔ blema lokoo loko a bɔ je ɔ.

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.