La 102:2 - BAIBLO ALOO NGMAMI KLƆUKLƆU Ɔ

² Ke i ngɛ haomi mi ɔ, koo je ye he. Ke i tsɛ mo ɔ, he nɔ esɔ, nɛ o pee ye hiami ní ɔmɛ ha mi.

La 102:2 ပူးပေါင်းရင်းမြစ်များ

La 69:17

Koo ngɔ o hɛ mi kɛ laa imi, o tsɔlɔ ɔ; ejakaa i ngɛ haomi mi; pee esɔ nɛ o ba je mi.

Yesaya 8:17

Yawɛ ngɔ e hɛ mi ngɔ laa e ma a, se imi lɛɛ i heɔ yeɔ, nɛ i ngɔ ye hɛ ngɔ fɔ e nɔ.

La 27:9

koo laa mi.” Koo ngɔ abofu kɛ fie imi, o tsɔlɔ ɔ. Mawu, mo ji ye yi wami helɔ; mo lɛ o piɛɔ ye he. Koo je ye he; ko kua mi.

La 104:29

Ke o kua mɛ ɔ, a haoɔ. Ke o ngɔ a mumi ɔ, a gboɔ nɛ a kpaleɔ kɛ yaa zu mi he nɛ a je ɔ.

La 70:1

Mawu, mo he ye yi wami koo! Yawɛ, ba piɛ ye he esɔ!

1 Korintobi 10:13

Kahi nɛ baa nyɛ nɔ ɔ, ekoeko be nɛ bɛ adesa nɔ hyɛ. Se Mawu yeɔ e siwo nɔ, nɛ e be hae nɛ a ka nyɛ pe bɔ nɛ nyɛ ma nyɛ. Ke ka ba nyɛ nɔ ɔ, Mawu ma ha nyɛ he wami nɛ nyɛ kɛ da nya, konɛ nyɛɛ je mi.

La 143:7

Yawɛ, he mi nɔ esɔ koo! Ye hɛ kɛ nɔ fɔmi tsuo miɔ nɛ e ta. Koo ngɔ o he kɛ laa mi; ke pi ja a, i kɛ gbogboe ɔmɛ ngɛ gbeje maa sɔ.

La 71:2

Akɛnɛ dalɔ ji mo he je ɔ, je mi kɛ je haomi mi; kpɔ mi kɛ je he nyɛli a dɛ mi. I kpa mo pɛɛ, bu mi tue, nɛ o he ye yi wami.

Yesaya 43:2

Ke o haomi ɔmɛ pee kaa pa nɛ o ngɛ poe po, ma piɛ o he; o haomi ɔmɛ be nyɛe maa ye o nɔ. Ke o nyɛɛ la mi po, la a be mo sãe. Haomihi tsuo nɛ maa ba o nɔ ɔ, o maa ye a nɔ.

La 40:13

Yawɛ, mo he ye yi wami koo! Yawɛ, ba piɛ ye he esɔ!

La 31:2

Moo bu mi tue koo! Mo he ye yi wami esɔ! Moo pee ye tɛ sa, nɛ o bu ye he! Moo pee ye mɔ, nɛ o he ye yi wami!

La 22:19

Yawɛ, koo je ye he! Ba esɔ nɛ o ba piɛ ye he, ejakaa mo lɛ o haa mi he wami.

La 13:1

Yawɛ, kɛ yaa si mɛni be nɛ o hɛ maa je ye nɔ? Kɛ yaa neneene lo? Mɛni be o maa laa mi kɛ yaa si?

Hiob 34:29

Ke Mawu pee dii ɔ, mɛnɔ maa pa e nya mi? Ke e ngɔ e hɛ mi kɛ laa a, mɛnɔ maa na lɛ; ma ko loo, aloo nɔmlɔ adesa ko?

Hiob 7:21

Mɛni he je o kɛ ye he yayami ɔmɛ pɛ mi ɔ? Mɛni he je o je we ye he yayami ɔmɛ kɛ ji o hɛ mi kɛ mwɔɔ ɔ? Jehanɛ lɛɛ tabo zu mi lɛ ma hwɔ; ke o ngɛ mi hlae ɔ, o be mi nae hu.

Yesaya 65:24

Loko a ma tsɛ mi ɔ, i he nɔ momo; benɛ a ngɛ kue fae ha mi nɛ a gbi nya lolo ɔ, i nu momo.

Mose II, 2:23

Jeha komɛ a se ɔ, Egipt matsɛ ɔ ba gbo. Se Israel bi ɔmɛ lɛɛ kɛmɛmi kɛkɛ a ngɛ kɛmɛe ngɛ a nyɔguɛ yemi ɔ mi. A fa kue ha Mawu, nɛ Mawu hu nu a gbi.

Mose II, 2:24

Benɛ Mawu nu a kɛmɛmi ɔ, e kai somi nɛ e kɛ a nɛmɛ Abraham, Isak, kɛ Yakob so ɔ.

La 17:1

Yawɛ, moo piɛ ye he koo! Hyɛ kaa i yeɔ anɔkuale, nɛ i sisi we nɔ. Lɔ ɔ he ɔ, i kpa mo pɛɛ nɛ o bu kue nɛ i ngɛ fae kɛ hɛdɔ nɛ ɔ tue.