La 101:5 - BAIBLO ALOO NGMAMI KLƆUKLƆU Ɔ

⁵ Nɔ nɛ gbeɔ e nyɛmi he guɛ ngɛ laami mi ɔ, ma kpata e hɛ mi. Nɔ nɛ ngɛ gegeege, nɛ e woɔ e he nɔ ɔ, i kɛ lɛ be bɔe.

La 101:5 ပူးပေါင်းရင်းမြစ်များ

La 18:27

Nihi nɛ baa a he si ɔ, o heɔ a yi wami. Se ni nɛmɛ nɛ woɔ a he nɔ lɛɛ o baa mɛ si.

La 15:3

nɛ e yi nɔ he sieku. Nɔ nɛ tu we nɔ he munyu, nɛ e pee we e nyɛmi yayami.

Abɛ Womi 30:13

Ni komɛ woɔ a he nɔ, nɛ a susuɔ kaa a hi tsɔ.

La 50:20

O yeɔ o nyɛmimɛ a he sieku, nɛ o nyɛbi po o puɛɔ e biɛ.

Tito 2:3

Yi nikɔtɔma amɛ hu o kɛ mɛ nɛ tu munyu jã nɔuu, konɛ a ba a je mi saminya kaa nihi nɛ yeɔ Mawu gbeye. A ko pee a he sieku yeli, nɛ a ko ngɔ dã numi ngɔ pee a ní tsumi. Mohu ɔ, a tsɔɔ nɔ́ kpakpa,

1 Korintobi 5:11

Nɔ́ nɛ i ngɛ tsɔɔe mohu ji, ke nɔ ko tsɛɔ e he Kristo se nyɛɛlɔ, nɛ e fiɛɔ nyumu kɛ yo yakayaka fiɛmi, loo e hɛ tsuɔ, loo e jaa wɔ, loo e jɛɔ nɔ, loo e tɔɔ dã, loo e juɔ ɔ, nyɛɛ kɛ lɛ ko bɔ. Nyɛɛ kɛ lɛ ko ye ní tete po.

Luka 18:14

I ngɛ nyɛ dee ke, nyumu nɛ ɔ kpale e se kɛ ho we mi ya kaa nɔ nɛ pee nɔ́ nɛ sa Mawu hɛ mi pe Farisi no ɔ. Ejakaa nɔ tsuaa nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a ma wo e nɔ.”

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Abɛ Womi 20:19

Nɔmlɔ nɛ e lilɛ hwɔ we si, nɛ e hii nihi a he munyu tue kɛ hii nyɛɛe ɔ, jeɔ laami sanehi kpo. Nɔ nɛ tuɔ munyu puu kikɛ nɛ ɔ, o kɛ lɛ ko bɔ.

Ezekiel 22:9

Ni komɛ yeɔ lakpa ngɛ ma a mi, bɔ nɛ pee nɛ a kpata a nyɛmimɛ a hɛ mi. Ni komɛ ya yeɔ niye ní bɔhi nɛ a sã ngɛ jami hehi; nɛ ni komɛ hu dii he lo akɔnɔ se wawɛɛ.

Yesaya 2:11

Be ma nɛ nɔmlɔ adesa he tsɔɔmi, kɛ e he nɔ womi tsuo a se maa po. Kɛkɛ ɔ, a ma wo Yawɛ pɛ nɔ gojoo.

Abɛ Womi 25:23

Kɔɔhiɔ nɛ jeɔ omleyi ɔ, hiɔmi e kɛ baa kaa bɔ nɛ sieku yemi kɛ hɛ mi tumi baa a.

Abɛ Womi 10:18

Nɔ tsuaa nɔ nɛ nyɛɛ nɔ ngɛ laami mi ɔ, lakpatsɛ ji lɛ. Nɔ nɛ tuɔ nihi a he munyu kɛ puɛɔ mɛ ɔ, kuasia ji lɛ.

La 138:6

Yawɛ ngɛ hiɔwe lokoo mohu, se nɔ nɛ baa e he si ɔ, e hɛ hii e nɔ; nɔ nɛ woɔ e he nɔ ɔ lɛɛ e he sane ko pi Yawɛ sane.

Samuel I, 2:3

Nyɛ kpa fiami munyu puu tumi; he nɔ womi munyu nɛ ko je nyɛ nya mi. Yawɛ ji Mawu nɛ le níhi tsuo, nɛ e kojoɔ nɔ́ tsuaa nɔ́ nɛ nimli peeɔ.

Mose III, 19:16

Koo pee o he sieku yelɔ kɛ hi yae kɛ hi bae ngɛ o ma mi bi ɔmɛ a kpɛti. Koo ye lakpa odase kɛ si o nyɛmi, nɛ́ a pue e muɔ si yaka gu. Imi ji Yawɛ.

Mose II, 23:1

“Nɔ́ nɛ o nɛ, loo o nui ɔ, ko de. Koo piɛ dikalɔ he kɛ ye lakpa odase.

Mose II, 20:16

“Koo ye lakpa odase kɛ si o nyɛmi.

1 Timoteo 3:11

Sɔmɔli yi ɔmɛ hu ja nɔuu a pee nihi nɛ tsuɔ ní kɛ hɛdɔ, nɛ a ko ye sieku. A pee nihi nɛ a hɛ ka si, nɛ a yeɔ anɔkuale ngɛ nɔ́ tsuaa nɔ́ mi.

Abɛ Womi 21:4

He nɔ womi, kɛ he womi nɛ yiwutsotsɛmɛ nyaa he ɔ, yayami ji lɔ ɔmɛ.