La 100:4 - BAIBLO ALOO NGMAMI KLƆUKLƆU Ɔ

⁴ Nyɛɛ ngɔ sina ba ha lɛ ngɛ e we ɔ; nyɛ je e yi ngɛ e kue ɔmɛ a mi. Nyɛɛ na lɛ si, nɛ nyɛ je e yi.

La 100:4 ပူးပေါင်းရင်းမြစ်များ

Hebribi 13:15

Lɔ ɔ he ɔ, e hia kaa wa je Mawu yi daa. Wɔ nihi nɛ wa heɔ Mawu yeɔ ɔ, nɔ́ nɛ waa kɛ wa nya jaje ɔ kɛ jeɔ e Bi ɔ yi ɔ ji bɔ nɛ wa ngɛ sãe ha Mawu kɛ gu Yesu Kristo nɔ ɔ nɛ.

Kronika I, 29:13

Lɔ ɔ he ɔ, wa Mawu, wa ngɛ mo si nae, nɛ wa ngɛ o biɛ nɛ hɛ mi ngɛ nyami ɔ yi jee.

La 66:13

Ma ngɔ sami bɔ kɛ ba o we ɔ, ma ye ye siwo ɔmɛ a nɔ ha mo.

Yesaya 35:10

A maa kpale kɛ ba Yerusalem; a ma la nɛ a ma hwɔ lele. A be kɔmɔ kɛ aywilɛho yee gblegbleegble hu. A bua maa jɔ kɛ maa ya neneene.

La 96:2

Nyɛ la ha Yawɛ; nyɛ je e yi! Nyɛɛ fiɛ sane kpakpa a daa ligbi ke Yawɛ he wa yi wami.

Kronika I, 29:20

Jehanɛ, David de ma kpekpemi ɔ ke, “Nyɛ je Yawɛ, nyɛ Mawu ɔ yi!” Kɛkɛ nɛ ma kpekpemi ɔ tsuo je Yawɛ a nɛmɛ a Mawu ɔ yi. A kpla si nɛ a ja Yawɛ, nɛ a wo matsɛ ɔ hu hɛ mi nyami.

La 65:1

Mawu, e sa kaa a je o yi ngɛ Zion, nɛ sihi nɛ a wo mo ɔ, a ye nɔ.

La 95:2

Nyɛ ha nɛ waa ba e hɛ mi kɛ sina, nɛ wa he ose, nɛ wa la yi jemi lahi.

La 96:8

Nyɛ je Yawɛ biɛ klɔuklɔu ɔ yi; nyɛɛ ngɔ nike ní kɛ ba e we ɔ.

La 99:3

Nihi tsuo ma je e biɛ kpetekpleenyɛ ɔ yi; a ma je e biɛ nɛ he ngɛ gbeye ɔ yi. E ngɛ klɔuklɔu!

La 122:2

Yerusalem, jehanɛ lɛɛ wa ba sɛ o we agbo ɔmɛ a mi!

La 122:4

Lejɛ ɔ nɛ Yawɛ wɛtso ɔmɛ yaa ya naa Yawɛ si kaa bɔ nɛ a fa Israel ma a ke a pee ɔ.