La 10:7 - BAIBLO ALOO NGMAMI KLƆUKLƆU Ɔ

⁷ Munyuhi nɛ jeɔ e nya ji gbiɛmi kɛ sisimi, kɛ níhi nɛ woɔ nɔ susuma he gbeye. E he sɔɔ kɛ tuɔ yakayaka munyuhi, kɛ munyuhi nɛ kɛ nɔ woɔ haomi mi.

La 10:7 ပူးပေါင်းရင်းမြစ်များ

Hiob 15:35

Nimli nɛ ɔmɛ ji ni nɛmɛ nɛ toɔ ga yaya, nɛ a peeɔ yayami; sisimi hyi a tsui mi tɔtɔɔtɔ.

Hiob 20:12

Yayami ngɔɔ e nya. E ngɛ kaa dɔkɔdɔkɔ nɔ́ ko nɛ e ngɔ kɛ laa ngɛ e lilɛ kuɔ si. E hii he gbugbɔe, nɛ e sume kaa e ma je ngɛ e nya mi.

La 12:2

Nɔ tsuaa nɔ ngɛ e nyɛmi lakpa yee. Nɔ tsuaa nɔ kɛ munyu ngɔngɔɛ ngɛ e nyɛmi sisie.

La 140:3

A lilɛ ngɛ kaa sinɔ duɔtsɛ nɔ́. A munyu ngɛ kaa sanga duɔ.

La 140:9

Nihi nɛ bɔle mi kɛ kpe ɔ ngɛ ye he gbeye woe. Ha nɛ ga yaya nɛ a ngɛ toe ngɛ ye he ɔ nɛ kpata mɛ nitsɛmɛ a hɛ mi.

La 144:11

He mi kɛ je klaate nɛ yeɔ awi ɔ nya, mo kpɔ mi kɛ je nibwɔhi a dɛ mi, nihi nɛ a nya mi munyu ɔ, lakpa sɔuu, nɛ kita po a yeɔ lakpa kɛ kaa a.

La 144:8

a nya mi munyu ɔ, lakpa sɔuu, nɛ a yeɔ lakpa kɛ kaa kita po.

La 36:3

Munyu yaya, kɛ lakpa sɔuu lɛ jeɔ e nya mi. E li nɔ́ hu; e pa pee we kpakpa hu.

La 41:6

Nihi nɛ ba slaa mi ɔ, kɔmɔ nɛ a kɛ mi ba yeɔ ɔ, kɔmɔ ɔ ji a tsui mi. Ke a ba a, ye he sane yaya a ba hlaa, nɛ ke a kpale a se ɔ, a ya sɛɛɔ.

La 5:9

Ejakaa ye he nyɛli ɔmɛ tu we anɔkuale; yayami hyi a tsui mi tɔ. A tuɔ munyu dɔkɔdɔkɔ, se lɛ tsuo kɛ gbenɔ ba a.

La 50:19

“O he sɔɔ kɛ tuɔ munyu yaya be tsuaa be; nɛ lakpa jeɔ o nya puu.

La 52:4

Munyuhi nɛ kpataa nɔ hɛ mi sɔuu he o susuɔ; lakpatsɛ nitsɛnitsɛ ji mo.

La 55:21

E tuɔ munyu dɔkɔbii, se ta mohu he e ngɛ susue. E munyuhi a he jɔ bɔdɔɔ pe nu po, se afani klaatehi nɛ a hia kɛ je kpo mi.

La 58:3

Yiwutsotsɛmɛ peeɔ yayami a wami be tsuo; kɛ je a fɔmi be ɔ, lakpa sɔuu a yeɔ.

La 59:12

Munyuhi nɛ jeɔ a nya a, yayami sɔuu, nɛ a hlaa kaa a wo a he nɔ. Lɔ ɔ he ɔ, ba mɛ si! Akɛnɛ a gbiɛɛ nɔ, nɛ a yeɔ lakpa he je ɔ, ha nɛ a he nɔ womi ɔ nɛ pee klama nɛ du mɛ.

La 59:13

Ngɔɔ mi mi la kɛ kpata a hɛ mi; ee, mo kpata a hɛ mi pɛsɛpɛsɛ, konɛ nimli adesahi tsuo nɛ a na nɛ a le kaa Mawu ngɛ matsɛ yee ngɛ Israel, nɛ e matsɛ yemi ɔ ngɛ kɛ yaa su je mi nyagbe he tɔɔ.

La 62:4

E yi nɔ sɔuu a ngɛ soe, konɛ a gbla lɛ kɛ je e blɔ he nguaa a kɛ ba nɔ si. Munyu kpakpa jeɔ a nya, se a tsui mi hyi kɛ yayami sɔuu.

La 64:3

A duɔ a lilɛhi a nya kaa klaate; a munyu yaya amɛ ngɛ kaa kɛ̃ɛ̃ mi bihi

La 7:14

Ke yiwutsotsɛ ngɛ nɔ́ yayami susue ɔ, e hii nɔ́ ɔ plɛe ngɛ e yi mi kpamisa kaa bɔ nɛ bimwɔyo hii plɛe ngɛ yohɔyo mi mi ɔ. Nyagbe ɔ, nɔ́ nɛ jeɔ kpo ji lakpa.

La 73:8

A yeɔ nɔ he fɛu, nɛ a tuɔ nɔ he munyu yaya. A woɔ a he nɔ, nɛ a toɔ gahi nɛ a kɛ waa nihi yi mi.

Abɛ Womi 21:6

Ní nɛ o gu sisimi blɔ nɔ kɛ na a, e se kɛ we kulaa; kaa bɔ nɛ la muɔ se poɔ be kuku kɛkɛ ɔ, gbenɔ lɛ nyɛɛɔ se.

Abɛ Womi 30:8

Hyɛ nɛ ma ko ye lakpa. Ko ha nɛ ma ná ní kpɔtɔɔ, nɛ ko ha nɛ ma ye ohia hulɔ; niye ní nɛ maa su mi ɔ, lɔ ɔ pɛ o ha mi.

Yesaya 59:4

Ke a kɛ nɔ ko ya kojomi he ɔ, nyɛ yi sane ɔ ha lɛ bɔ nɛ sa. Nyɛɛ kɛ mlaa tsu we ní, nɛ nyɛ yeɔ lakpa kɛ faa nyɛ he ngɛ sane yemi he. Ga yayahi nɛ kpataa nihi a hɛ mi sɔuu nyɛ toɔ.

Yeremia 9:3

Daa nɛ ɔ, a duɔ a lilɛ nya ngɔ to kaa kɛ̃ɛ̃ nɛ a dɔ mi nɛ a ma tsɛ̃. Lakpa, kɛ sisimi sɔuu ji zugba a nɔ; anɔkuale be. Yawɛ ke, “Ye ma mi bi ɔmɛ peeɔ yayami nɔtonɔto; se imi lɛɛ a li mi kaa a Mawu.”

Yeremia 9:6

A peeɔ yi wu tso níhi nɔtonɔto; jã kɛ̃ nɛ a sisiɔ nɔ. Yawɛ ke e ma mi bi ɔmɛ kua lɛ.

Amos 8:4

Nyɛ jua yeli nɛ nyɛ kpɔɔ níhi ngɛ dɛgutsɛmɛ a dɛ, nɛ nyɛ hlaa kaa nyɛ ma kpata ohiatsɛmɛ nɛ ngɛ zugba a nɔ ɔ a hɛ mi, nyɛɛ bu tue!

Mateo 12:34

Nyɛ sinɔhi a nina! Nyɛ nimli yayamihi! Kɛ nyɛ maa pee kɛ tu munyu kpakpa kɛɛ? Ejakaa nɔ́ nɛ hyi tsui mi tɔ ɔ, lɔ ɔ nya deɔ.