La 10:17 - BAIBLO ALOO NGMAMI KLƆUKLƆU Ɔ

¹⁷ Yawɛ, hiami níhi nɛ nɔ́ nali kɛ ba fɔ o hɛ mi ɔ, o le. Moo pee a hiami ní ɔmɛ ha mɛ, konɛ a ná he wami he.

La 10:17 ပူးပေါင်းရင်းမြစ်များ

La 145:19

Nihi nɛ yee lɛ gbeye ɔ, e peeɔ a hiami ní kɛ haa mɛ. E buu a kue fami ɔmɛ hu tue, nɛ e heɔ a yi wami.

Kronika II, 34:27

nɛ o tsake o tsui, nɛ o ba o he si ngɛ ye hɛ mi. Benɛ o nu bɔ nɛ i to nɛ ma gbla Yerusalem, kɛ Yerusalem ma mi bi ɔmɛ a tue ha a, o hía o he tade ɔmɛ, nɛ o wo ya. I nu o kue fami ɔ.

La 34:15

Yawɛ hɛngmɛ ngɛ dali a he, nɛ e buɔ a kue fami tue.

1 Petro 3:12

Ejakaa Nyɔmtsɛ ɔ buu dali a he, nɛ ke a fa kue ha lɛ ɔ, e nuɔ. Se ni nɛmɛ nɛ peeɔ yayami lɛɛ Nyɔmtsɛ ɔ kɛ mɛ yi.”

Yesaya 65:24

Loko a ma tsɛ mi ɔ, i he nɔ momo; benɛ a ngɛ kue fae ha mi nɛ a gbi nya lolo ɔ, i nu momo.

La 37:4

Mo na Yawɛ he bua jɔmi, nɛ e ma ha mo níhi nɛ o tsui suɔ.

Kronika I, 29:18

Yawɛ, wa nɛmɛ Abraham, Isak, kɛ Yakob a Mawu lee, ha nɛ suɔmi nɛ o ma a ngɛ kɛ ha mo ɔ nɛ tsa nɔ; ha nɛ a bu mo tue kɛ ya neneene.

La 9:12

Mawu kaiɔ nɔ́ nali, nɛ e yeɔ a he lue. Ke nɔ́ nali fa kue ha Mawu ɔ, e nuɔ; e hɛ ji a nɔ.

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”

Yakobo 4:10

Nyɛɛ ba nyɛ he si ngɛ Nyɔmtsɛ ɔ hɛ mi, nɛ e ma wo nyɛ nɔ.

Abɛ Womi 16:1

Nɔmlɔ ma nyɛ maa to nɔ́ ko he ga ngɛ e yi mi. Se kaa nɔ́ ɔ maa hi, loo e be hie ɔ, lɔ ɔ lɛɛ e ngɛ Yawɛ dɛ mi.

La 102:17

E maa bu e nihi nɛ e kua mɛ ɔ a kue fami ɔ tue, nɛ e maa pee a hiami ní ɔmɛ ha mɛ.

Kronika II, 30:12

Yuda hu, Mawu ngɛ ní tsue ngɛ lejɛ ɔ; Mawu ha nɛ Yuda ma kpekpemi ɔ tsuo a nya sɔ. A to a yi mi kaa a maa bu Yawɛ tue; nɛ nɔ́ nɛ matsɛ ɔ, kɛ ganɔ ɔmɛ fa mɛ ke a pee ɔ, a maa pee.

Yakobo 4:6

Se mɔbɔ nɛ Mawu naa wɔ ɔ nya wa kulaa pe lɔ ɔ po. Kaa bɔ nɛ ngmami ɔ deɔ ɔ, “Nihi nɛ woɔ a he nɔ ɔ, Mawu baa mɛ si; se ni nɛmɛ nɛ baa a he si ɔ lɛɛ e dlooɔ mɛ.”

Efesobi 3:12

Akɛnɛ wa heɔ Kristo Yesu yeɔ, nɛ wa ngɔ wa hɛ ngɔ fɔ e nɔ he je ɔ, wa yi gbeye kaa wa maa ya Mawu hɛ mi.

Efesobi 2:18

Yuda bi jio, ma je li jio, Kristo nɔ lɛ wɔ tsuo wa maa gu kɛ ba Tsɛ ɔ ngɔ. Mumi Klɔuklɔu kake ɔ nɔuu lɛ maa piɛ wa he.

Romabi 8:26

Ja nɔuu, ke wa gbede ɔ, mumi ɔ piɛɔ wa he. Ejakaa ke wa ngɛ sɔlee ɔ, wa li nɔ́ tutuutu nɛ sa kaa wa deɔ. Mumi ɔ nitsɛ daa mi ha wɔ kɛ kɔmɔ yemi nɛ a be nyɛe maa kale.

Mateo 5:3

“A gbaa nihi nɛ le kaa mumi mi ohiatsɛmɛ ji mɛ, ejakaa a nɔ́ ji hiɔwe matsɛ yemi ɔ nɛ.

Abɛ Womi 15:8

Yayami peelɔ bɔ sami ɔ, Yawɛ sume kulaa; se ke nɔmlɔ kpakpa fa kue ɔ, e naa he bua jɔmi.

Abɛ Womi 10:24

Nɔ́ nɛ yayami peelɔ ngɛ gbeye yee ɔ, lɔ ɔ ji nɔ́ nɛ maa ba e nɔ. Nɔ nɛ peeɔ kpakpa lɛɛ nɔ́ nɛ e ngɛ hlae ɔ, lɔ ɔ a ma ha lɛ.

La 9:18

Ejakaa pi daa nɛ hɛ maa je dɛgutsɛmɛ a nɔ; ohiatsɛmɛ a hɛ kɛ nɔ fɔmi be yaka pee.

Kronika II, 29:36

Matsɛ Hezekia kɛ ma a tsuo na bua jɔmi, ejakaa Mawu piɛ a he kɛ tsu ní nɛ ɔmɛ tsuo ngɛ be kuku mi.