La 10:14 - BAIBLO ALOO NGMAMI KLƆUKLƆU Ɔ

¹⁴ Se moo lɛɛ o ngɛ nɔ́ tsuaa nɔ́ hyɛe. Niinɛ, o ngɛ haomi ɔ, kɛ aywilɛho ɔ hyɛe, nɛ o maa pee he nɔ́ ko kɛ̃. Nɔ nɛ e fi lɛ ɔ, o nɔ lɛ e ngɔɔ e hɛ kɛ fɔɔ. Mo ji awusahi a he piɛlɔ.

La 10:14 ပူးပေါင်းရင်းမြစ်များ

Mose I, 21:17

Mawu nu nɛ jokuɛ nyumuyo ɔ ngɛ ya foe, nɛ Mawu bɔfo ɔ kɛ Hagar tu munyu kɛ je hiɔwe, nɛ e de ke, “Hagar, mɛni sane? Koo ye gbeye. Mawu nu nɛ jokuɛyo ɔ ngɛ ya foe ngɛ he nɛ e hwɔɔ si ngɛ ɔ.

Mose I, 31:12

E ya nɔ nɛ e de ke, ‘Hyɛ, to akpakpo ɔmɛ tsuo nɛ ngɛ yi ɔmɛ kuɔe ɔ, ekomɛ a he ngmaangmaa, ekomɛ a he ngɛ huatahuata, nɛ ekomɛ a he tsɔɔtsɔɔ mi. I ha nɛ nɔ́ nɛ ɔ ba mi ja, ejakaa i na níhi tsuo nɛ Laban ngɛ mo pee ɔ.

Samuel II, 16:12

Eko ɔ, Yawɛ maa hyɛ ye nɔ́ nami ɔ, nɛ e kɛ kpakpa maa to ahlua nɛ a ngɛ mi bɔe mwɔnɛ ɔ nane mi ha mi.”

Matsɛmɛ II, 9:26

‘Niinɛ, hiɛ benɛ i na Nabot kɛ e binyumu ɔmɛ a muɔ ɔ nɛ pueɔ si ɔ, i wo si kaa ja i gbla o tue ngɛ zugba nɛ ɔ nɔuu nɔ. Imi Yawɛ lɛ i de!’ Lɔ ɔ he ɔ, ngɔɔ Yoram gbogboe ɔ nɛ o ya sake ngɔ fɔ jamɛ a zugba a nɔ kaa bɔ nɛ Yawɛ de to ɔ!”

Kronika II, 24:22

Matsɛ Yoash hɛ je si himi kpakpa nɛ Zakaria tsɛ Yehoyada kɛ lɛ hi ɔ nɔ, nɛ e gbe e binyumu Zakaria. Benɛ Zakaria miɔ nɛ e ma gbo ɔ, e de ke “Yawɛ nɛ hyɛ nɔ́ nɛ nyɛ ngɛ pee ɔ nɛ e gbla nyɛ tue!”

Kronika II, 6:23

Yawɛ lee, moo bu tue ngɛ hiɔwe, nɛ o kojo o tsɔli ɔmɛ. Nɔ nɛ ye fɔ ɔ, gbla e tue bɔ nɛ sa lɛ; se nɔ nɛ pee we yayami ko ɔ lɛɛ o wo lɛ nguɔ.

La 146:9

Yawɛ baa nibwɔhi a yi; e yeɔ yalɔyihi, kɛ awusahi a sane kɛ haa mɛ; se yiwutsotsɛmɛ lɛɛ e haa a yi mi tomi peeɔ yaka.

La 22:11

Koo je ye he; ejakaa i miɔ nɛ ma sɛ haomi mi, nɛ nɔ ko be nɛ maa je ngmlaa ha mi.

La 31:8

O ngɔɛ mi kɛ wui he nyɛli a dɛ mi; o ha mi he jɔmi, nɛ i yaa he tsuaa he nɛ i suɔ.

La 35:22

Yawɛ, tse o ngɛ hyɛe? Ko ma o nya! Nyɔmtsɛ, koo je ye he!

La 55:22

Ngɔɔ o haomi ɔmɛ kɛ ha Yawɛ, nɛ e maa bu o he. Nɔ nɛ peeɔ nɔ́ nɛ da a, Mawu be blɔ ngmɛe kɔkɔɔkɔ nɛ he nyɛlɔ nɛ ye e nɔ kunimi.

La 68:5

Awusahi a tsɛ, kɛ yalɔyihi a he bulɔ ɔ, lɛ ji Mawu nɛ ngɛ e he klɔuklɔu ɔ nɛ.

La 68:6

Nihi nɛ nɔ ko be mɛ ɔ, Mawu haa mɛ we nɛ a hii mi. E jeɔ pamitsɛmɛ kɛ jeɔ tsu mi, nɛ e haa a bɔɔ. Se atuã tsɔli lɛɛ e haa a hii zugba gbogboe nɛ bɛ ní nɔ.

Mose II, 2:25

Kɛkɛ nɛ Mawu mi mi sã lɛ ngɛ Israel bi ɔmɛ a si himi ɔ he; ejakaa e na kaa be su nɛ sa kaa e pee he nɔ́ ko.

Mose II, 22:22

Nyɛ ko wa yalɔyo, aloo awusa yi mi.

Mose II, 22:26

Ke nɔ ko ngɔ e bo kɛ ba to mo awaba a, kpale ya ha lɛ loko pu nɛ nɔ si,

Abɛ Womi 15:25

Yawɛ kuɔɔ he woli a wehi, se e haa yalɔyo e buna maa si kpɛii.

Abɛ Womi 15:3

Yawɛ hɛngmɛ ngɛ he tsuaa he; e naa kpakpa peeli, kɛ yayami peeli tsuo.

Yesaya 10:3

Ke Mawu bɔni nyɛ tue gblami ɔ, kɛ nyɛ maa pee kɛɛ? Ke e ngɔ haomi kɛ je ma se kɛ ba na nyɛ ɔ, kɛ nyɛ maa pee kɛɛ? Mɛnɔ ngɔ nyɛ ma sa fo kɛ ya ya hla yemi kɛ buami? Jije nyɛ maa ngɔ nyɛ juetli kɛ to?

Yeremia 16:17

Nɔ́ tsuaa nɔ́ nɛ a ngɛ pee ɔ, i ngɛ hyɛe. Nɔ́ ko nɔ́ ko be nɛ a ngɛ pee nɛ i nɛ; a ní yayami ɔmɛ fɔɔ si ngɛ ye hɛ mi.

Yeremia 23:24

Anɛ nɔ ko ma nyɛ maa laa e he ngɛ he ko nɛ i be lɛ nae lo? Anɛ nyɛ li kaa i ngɛ he tsuaa he lo? I ngɛ hiɔwe kɛ zugba tsuo.

Yeremia 49:11

Nyɛ si nyɛ awusa amɛ ha mi nɛ ma hyɛ a nɔ. Nyɛ yalɔyi ɔmɛ hu, nyɛ ha nɛ a ngɔ a hɛ ngɔ fɔ ye nɔ.

Yeremia 51:56

A ba kpata Babilon hɛ mi; a nuu Babilon ta buli ɔmɛ, nɛ a ku a kɛ̃ɛ̃ ɔmɛ. Mawu nɛ woɔ yayami he hiɔ ji mi, ma gbla Babilon tue bɔ nɛ sa lɛ.

Kɔmɔ Yemi 3:59

Yawɛ, moo ye ye sane ɔ ha mi; yayami tsuo nɛ a pee mi ɔ, o le.

Kɔmɔ Yemi 3:60

O le bɔ nɛ ye he nyɛli ɔmɛ sume ye sane ha. O le bɔ nɛ a so ye yi nɔ.

Hosea 14:3

Asiria be nyɛe ma he wa yi wami. Wa be wa he ngɔe kɛ fɔ ta okpɔngɔhi a nɔ. Wa be wa amaga amɛ dee hu ke mɛ ji wa Mawu. Yawɛ, mo nɛ o naa awusahi mɔbɔ.”

Hosea 14:4

Yawɛ ke, “Ma ha ye ma a maa kpale kɛ ba ye ngɔ kɛ a tsui tsuo, ejakaa ye mi mi nɛ fu mɛ ɔ se po!

Yoel 3:4

“Tiro, Sidon, kɛ Filistia zugba a tsuo, mɛni nyɛ ngɛ hlae kaa nyɛ maa pee mi nɛ ɔ? Nyɛ ngɛ hlae nɛ nyɛɛ ye nyɛ he lue lo? Ke ja ji sane ɔ, lɛɛ ma ha nyɛ nitsɛmɛ nyɛ yayami ɔ ma kpa bu nyɛ nɔ esɔ.

Habakuk 1:13

Se kɛ pee kɛɛ nɛ o ngɛ yiwutsotsɛmɛ nɛ ɔmɛ hyɛe nɛ o de we nɔ́ ko ɔ? Mo nɛ o hɛngmɛ ngɛ klɔuklɔu, nɛ o hyɛ we nɔ yayami, loo nɔ́ nɛ dɛ ɔ, mɛni he je nɛ o ngɛ hyɛe nɛ nimli yayamihi ngɛ dali a hɛ mi kpatae, nɛ o de we nɔ́ ko ɔ?

Mose V, 10:18

E hyɛɛ kaa a ye awusahi, kɛ yalɔyihi a sane pɛpɛɛpɛ ha mɛ. E suɔ nihi nɛ ba to wɔ nibwɔ ɔ, nɛ e haa mɛ a niye ní, kɛ a heha ní.

2 Timoteo 1:12

nɛ lɔ ɔ he nɛ i ngɛ nɔ́ nae nɛ ɔ nɛ; se kɛ̃ ɔ, ye nine mi wui nyu; ejakaa nɔ nɛ i he ye ɔ, i le lɛ. I heɔ yeɔ kaa sane kpakpa a fiɛmi ɔ nɛ e tu ngɔ wo ye dɛ mi ɔ, e maa bu he kɛ yaa su nyagbe ligbi ɔ.

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.

1 Petro 4:19

Lɔ ɔ he ɔ, ni nɛmɛ nɛ naa amanehlu, akɛnɛ lɔ ɔ ji nɔ́ nɛ Mawu to ha mɛ ɔ, a ya nɔ nɛ a pee kpakpa, nɛ a ngɔ a hɛ ngɔ fɔ a bɔlɔ ɔ nɔ kulaa. Lɛɛ ke e wo si ɔ, e yeɔ nɔ.

1 Petro 5:7

Nyɛɛ ngɔ nyɛ haomi ɔmɛ tsuo ngɔ fɔ e nɔ; ejakaa lɛ nɛ e hyɛɛ nyɛ nɔ.

Manyadali 1:7

Adonibezek de ke, “I po matsɛmɛ nyingmi kpaago a nine gɔlekuhi, kɛ a nane gɔlekuhi nɛ i ha a kukuɔ ní ngɛ ye okplɔɔ sisi hyɛ; nɔ́ nɛ i pee be ko ɔ, lɔ ɔ he hiɔ pɛ Mawu wo mi nɛ ɔ nɛ.” A ngɔ lɛ kɛ ho Yerusalem ya, nɛ e ya gbo ngɛ lejɛ ɔ.