La 1:6 - BAIBLO ALOO NGMAMI KLƆUKLƆU Ɔ

⁶ Ejakaa Yawɛ buu dali a he, se yayami peeli lɛɛ a hɛ mi ma kpata.

La 1:6 ပူးပေါင်းရင်းမြစ်များ

Hiob 23:10

Se Mawu le blɔ nɛ i nyɛɛɔ nɔ ɔ; ke e ka mi ɔ, e maa na kaa ye he tsɔ kaa sika tsu.

La 112:10

Ke yiwutsotsɛ na kikɛ nɛ ɔ, e dɔɔ lɛ; e kpeɔ e lungu nya, nɛ e jeɔ lejɛ ɔ dii. Yiwutsotsɛ yi mi tomi peeɔ yaka.

La 142:3

Benɛ ye nine mi miɔ nɛ e wo nyu ɔ, moo lɛɛ o le ye hiami ɔ mo. Ye he nyɛli ɔmɛ tsɔ mi klama ngɛ ye blɔ ɔ mi.

La 142:4

Ke i hyɛ ye hiɔ nɔ ɔ, nɔ ko nɔ ko be nɛ maa je ngmlaa ha mi; wesa he ko kulaa be ha mi, nɔ ko nɔ ko bui ye he akɔtaa.

La 146:9

Yawɛ baa nibwɔhi a yi; e yeɔ yalɔyihi, kɛ awusahi a sane kɛ haa mɛ; se yiwutsotsɛmɛ lɛɛ e haa a yi mi tomi peeɔ yaka.

La 9:6

Wa he nyɛli ɔmɛ a hɛ mi kpata; a ma amɛ hu a hɛ mi kpata, nɛ nɔ́ ko be nɛ a kɛ ma kai mɛ hu.

Abɛ Womi 14:12

Blɔ nɛ nɔmlɔ susuɔ kaa e da a, nyagbe ɔ, e kɛ nɔ yaa gbenɔ mi.

Abɛ Womi 15:9

Yayami peelɔ je mi bami sɛ Yawɛ hɛ mi kulaa; se nɔ nɛ peeɔ nɔ nɛ da a, Yawɛ suɔ lɛ.

Nahum 1:7

Yawɛ mi mi hi; e ngɛ kaa mɔ nɛ he wa ha nihi nɛ ngɛ haomi mi; nɛ nihi nɛ ba saa we ngɛ e ngɔ ɔ, e baa a yi.

Mateo 7:13

“Nyɛɛ sɛ agbo tokofii ɔ mi, ejakaa agbo nɛ kɛ nɔ yaa hɛ mi kpatami mi ɔ mi bli. Blɔ nɛ yaa lejɛ ɔ hu ngɛ gbajaa, nɛ nihi babauu nyɛɛɔ nɔ kɛ sɛɛ mi.

Yohane 10:14

Imi ji to hyɛlɔ kpakpa a nɛ. Tsɛ ɔ le mi, nɛ imi hu i le lɛ; nɛ jã nɔuu i le ye to ɔmɛ, nɛ ye to ɔmɛ hu le mi. Nɛ i suɔ hu kaa ma gbo ngɛ a he.

Yohane 10:27

Ye to ɔmɛ buɔ mi tue; i le mɛ, nɛ a nyɛɛɔ ye se.

2 Timoteo 2:19

Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, “Nyɔmtsɛ ɔ le lɛ nitsɛ e nihi.” Ekpa hu deɔ ke, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.”

2 Petro 2:12

Se kikɛmɛ a nimli nɛ ɔmɛ ngɛ kaa pu mi lohwehi; a be juɛmi. A bɔ mɛ nɛ a nuu mɛ nɛ a gbe kɛkɛ; nɔ́ ko nɛ a nui sisi ɔ, a tuɔ he munyu yaya. A ma kpata a hɛ mi kaa pu mi lohwehi,

Samuel I, 2:9

“E baa ni nɛmɛ nɛ yeɔ lɛ anɔkuale ɔ a yi. Se yayami peeli lɛɛ a hɛ mi kpataa ngɛ diblii mi; tsa pi adesa nitsɛ he wami nya nɛ e yeɔ manye.