La 1:3 - BAIBLO ALOO NGMAMI KLƆUKLƆU Ɔ

³ E ngɛ kaa tso nɛ a du ngɛ pa tue, nɛ woɔ yiblii ngɛ be nɛ sa mi. E bahi gbli we gblegbleegble. E yeɔ manye ngɛ nɔ́ tsuaa nɔ́ mi.

La 1:3 ပူးပေါင်းရင်းမြစ်များ

Mose I, 39:23

Pamitsɛmɛ ɔmɛ a nɔ hyɛlɔ ɔ pa gba we e he nya hu kaa nɔ́ ko nɛ e to kɛ wo Yosef dɛ mi ɔ, lɛ nitsɛ e ma pa hyɛ nɔ. Ejakaa Yawɛ kɛ Yosef ngɛ, nɛ nɔ́ tsuaa nɔ́ nɛ e peeɔ ɔ, e yeɔ manye.

Mose I, 39:3

Benɛ Yosef nyɔmtsɛ ɔ na kaa Yawɛ gbaa Yosef, nɛ e haa e yeɔ manye ngɛ nɔ́ tsuaa nɔ́ mi ɔ,

Matsɛmɛ II, 18:7

Enɛ ɔ he je ɔ, Yawɛ hu piɛ e he, nɛ e yeɔ manye ngɛ nɔ́ tsuaa nɔ́ mi. E tsɔ́ Asiria matsɛ ɔ hɛ mi atuã, nɛ e kua lɛ sɔmɔmi.

Kronika I, 22:11

David ya nɔ, nɛ e de ke, “Lɔ ɔ he ɔ, ye bi, Yawɛ, o Mawu ɔ kɛ mo nɛ hi si. Yawɛ, o Mawu ɔ nɛ ye e si womi ɔ nɔ, konɛ o nyɛ nɛ o po we ha lɛ.

Kronika I, 22:13

Mlaa amɛ tsuo nɛ Yawɛ wo Israel ma a kɛ gu Mose nɔ ɔ, ke o ye a nɔ ɔ, e maa hi ha mo. O he nɛ wa nɛ o pee kã; koo ye nɔ́ ko nɔ́ ko gbeye!

Kronika II, 31:21

Hezekia ya nɔ saminya, ejakaa nɔ́ tsuaa nɔ́ nɛ e ngɛ pee ɔ, e peeɔ kɛ e tsui tsuo, kɛ Mawu gbeye yemi, Yawɛ we ɔ he ní tsumi jio, mlaa a nɔ yemi jio.

Kronika II, 32:23

Nihi babauu ba Yerusalem, ba sã bɔ ha Yawɛ, nɛ a ke Matsɛ Hezekia hu níhi nɛ a he jua wa. Nɛ kɛ je jamɛ a be ɔ kɛ yaa a, je ma amɛ tsuo buɔ Hezekia saminya.

Hiob 14:9

ke tso ɔ na nyu ɔ, e ma tsɛ̃ ekohu, nɛ e ma gba kɔni kaa tso nɛ a du ehe.

Hiob 22:28

Nɔ́ tsuaa nɔ́ nɛ o to o yi mi ke o maa pee ɔ, e maa ba mi ja pɛpɛɛpɛ ha mo, nɛ la ma kpɛ ngɛ o blɔ mi.

La 128:2

O ma na o nya mi ngma bɔ nɛ sa kɛ je ní nɛ o tsuɔ ɔ mi; o bua maa jɔ, nɛ e maa hi ha mo.

La 129:8

Nihi nɛ bee ɔ kó de ke, “Yawɛ nɛ gbaa nyɛ! Wa ngɛ nyɛ gbaae ngɛ Yawɛ biɛ mi!”

La 92:14

A ngɛ kaa tsohi nɛ woɔ yiblii ngɛ a bwɔmi be mi tete po, tsohi nɛ ngɛ flɔflɔɔflɔ, nɛ́ nyu tɛ a mi gblegbleegble.

La 92:15

Enɛ ɔ tsɔɔ kaa Yawɛ da. Nɔ nɛ buɔ ye he ɔ, yayami ko be e he.

Yesaya 27:11

Tso kɔni ɔmɛ gbli, nɛ a ku kɛ pueɔ si; yi ɔmɛ ya buaa nya kaa lɛ́ nɛ a ma slɛ, ejakaa ma a nui nɔ́ ko nɔ́ ko sisi. Mawu, a bɔlɔ ɔ mi mi be lɛ sãe ngɛ a he, nɛ e be mɛ mɔbɔ nae hulɔ.

Yesaya 3:10

Nihi nɛ peeɔ nɔ́ nɛ da a, a bua maa jɔ, nɛ a nɔ́ tsuaa nɔ́ maa ya nɔ saminya. A maa ye a dengme gbomi mi ngɔɔmi.

Yesaya 44:4

A ma plɔke kaa nga nɛ na nyu saminya, loo tsohi ngɛ pa tue.

Yesaya 58:11

Imi Yawɛ nitsɛ, ma tsɔɔ nyɛ blɔ daa, nɛ ma ha nyɛ maa ye ní kpakpahi nɛ nyɛ maa tɔ daa. Ma ha nyɛ ma na nɔmlɔ tso he wami saminya. Nyɛ maa pee kaa abɔɔ kɛ e mi nyu babauu, loo kaa pa ko nɛ nyu tɛ mi gblegbleegble.

Yeremia 17:8

Jamɛatsɛ ɔ ngɛ kaa tso nɛ a du ngɛ pa tue nɛ je sipoku kɛ wo nyu mi. Ke sa pu ba a, e yi gbeye, ejakaa e ba amɛ hii mumumumu flɔflɔɔflɔ kɛ mwɔɔ. Ke nyu hwɔ ba hu, e yi kɔmɔ, ejakaa e woɔ yiblii kɛ mwɔɔ.

Ezekiel 17:8

Zugba kpakpa nɛ nyu ngɛ mi bɔ nɛ sa nɔ nɛ a ma tso nɛ ɔ ngɛ, konɛ e wo yiblii, nɛ e pee wai tso kɛ e he fɛu.

Ezekiel 19:10

O nyɛ ngɛ kaa wai tso ko nɛ a hia ya ma ngɛ pa tue. E ná nyu saminya, lɔ ɔ he ɔ, e gba kɔnihi, nɛ e wo yiblii kplanyaa.

Ezekiel 31:5

E na nyu babaaba, nɛ e bɔ saminya. E ka gagaa, nɛ e nɔ kuɔ gojoo pe tso kpa amɛ tsuo. E gba kɔnihi kusuu; a ti, nɛ a ka gagaaga.

Ezekiel 47:12

Tso slɔɔtoslɔɔtohi maa bɔ ngɛ pa a nya hiɛ kɛ pa a se tsuo. Tso ba amɛ be nglae, nɛ a yiblii ɔmɛ hu be tae. Nyɔhiɔ tsuaa nyɔhiɔ ɔ, a maa wo yiblii he; ejakaa nyu nɛ a naa a, Yawɛ we ɔ mi a naa kɛ jeɔ. Tso ɔmɛ ma ha niye ní babauu, nɛ a ba amɛ ma ba pee tsopa nɛ a kɛ ma tsa ma a.”

Mose IV, 24:6

A ngɛ kaa dɔhi nɛ a gba kɛ yaa tsitsaa, aloo abɔɔhi ngɛ pa tue. A ngɛ kaa tso kɛ e he via nɛ Yawɛ du; A ngɛ kaa seda tsohi ngɛ pa tue.

Mateo 13:6

Se benɛ pu je ɔ, pu ɔ sãã mɛ, nɛ akɛnɛ a be sipoku he je ɔ, a ngla.

Mateo 21:19

E na ngmɔkɔ tso ko ngɛ blɔ ɔ he, nɛ e gba kɛ ya he; se e nɛ nɔ́ ko nɔ́ ko ngɛ tso ɔ nɔ pe ba kɛkɛ. Lɔ ɔ he ɔ, e de tso ɔ ke, “O be yiblii ko woe hu gblegbleegble!” Nɛ ngmɔkɔ tso ɔ ngla amlɔ nɔuu.

Mateo 21:34

Benɛ wai yiblii nya buami be su ɔ, zugbatsɛ nɛ ɔ tsɔ e tsɔli kɛ ya huli ɔmɛ a ngɔ kaa wai yiblii ɔ nɛ a bua nya a, a ya ngɔ lɛɛ e blɔ fa mi nɔ́ kɛ ba.

Mateo 21:41

A he nɔ ke, “E ma kpata jamɛ a nimli yayami ɔmɛ a hɛ mi butuu, nɛ e maa ngɔ wai ngmɔ ɔ ngɔ ha apaa yeli kpahi, nihi nɛ maa ngɔ wai yiblii ba ha lɛ ngɛ be nɛ sa mi.”

Yohane 15:6

Nɔ tsuaa nɔ nɛ mɛtɛ we ye he ɔ, a sakee lɛ fɔɔ he kaa tso kɔni, nɛ e gbliɔ. Jamɛ a kɔni ɔmɛ ɔ, a buaa nya kɛ woɔ la mi nɛ a sãã.

Mose V, 28:8

“Yawɛ, nyɛ Mawu ɔ maa gbaa nyɛ ní tsumi nɔ, nɛ nyɛ gba amɛ ma hyi tɔtɔɔtɔ. E maa gbaa nyɛ ngɛ zugba a nɛ e kɛ ngɛ nyɛ hae ɔ nɔ.

Yuda 1:12

Ke nimli nɛ ɔmɛ ba futu nyɛ kɛ ngɛ suɔmi niye ní yee ɔ, a woɔ ní ɔ he mu. A yeɔ ní tsuatsuaatsua nɛ a susuu we ni kpahi a he. A ngɛ kaa bɔku nɛ nyu be mi nɛ kɔɔhiɔ ngɛ lɛ fiae kɛ bee. A ngɛ kaa tsohi nɛ ní kpami be po a nɛ yiblii ngɛ a nɔ; tsohi nɛ gbo, nɛ a hia mɛ kɛ sipoku tsuo ngɔ fɔ si.

Kpojemi 22:2

kɛ ba be ngɛ gbɛjegbɛ nɛ ngɛ ma a mi ɔ kpɛti. Tso nɛ haa nɔ wami ɔ ngɛ pa a tue hiɛ kɛ hiɛ. E woɔ yiblii si nyɔngma kɛ enyɔ ngɛ jeha mi; nyɔhiɔ tsuaa nyɔhiɔ ɔ, e woɔ si kake, nɛ a kɛ e ba a tsaa nihi ngɛ je ɔ mi.