Kronika II, 9:9 - BAIBLO ALOO NGMAMI KLƆUKLƆU Ɔ

⁹ Enɛ ɔ se ɔ, Sheba manyɛ ɔ ke Matsɛ Salomo ní nɛ ɔmɛ nɛ e hɛɛ kɛ ba a: sika tsu nɛ jiɔmi ji kilo akpe eywiɛ kɛ se, tsopa kɛ e he via babauu, kɛ tɛ nɛ he jua wa. Tsopa kɛ e he via nɛ Sheba manyɛ ɔ ba ke Salomo ɔ, a nɛ eko hyɛ nɛ kɛ lɛ sɔ.

Kronika II, 9:9 ပူးပေါင်းရင်းမြစ်များ

La 72:15

Matsɛ ɔ yi nɛ na wami! Á ngɔ Arabia sika tsu kɛ ba ha lɛ! A kpa Mawu pɛɛ kɛ ha lɛ be tsuaa be, nɛ a bi gbaami ha lɛ daa ligbi!

La 72:10

Matsɛmɛ nɛ je Spania, kɛ zugbahi nɛ wo bɔle mɛ ɔ a nɔ ɔ, á tsu to kɛ ba ha lɛ, nɛ Sheba, kɛ Seba matsɛmɛ ɔmɛ nɛ a ba ke lɛ ní!

Kronika II, 9:24

Nɔ tsuaa nɔ kɛ nike ní nɛ ɔmɛ ba haa Salomo: sika hiɔ, sika tsu níhi, tade, ta hwumi níhi, tsopa kɛ e he via, okpɔngɔ, kɛ teji okpɔngɔ. A peeɔ nɔ́ nɛ ɔ daa jeha.

Kronika II, 9:1

Sheba manyɛ ɔ ba nu Salomo he sane, nɛ e hia blɔ kɛ ba Yerusalem, konɛ e ba ka lɛ kɛ sane bimihi nɛ a he wa. Benɛ e ma a, nihi babauu nitsɛ nyɛɛ e se kɛ ba. E kɛ afukpɔngɔhi nɛ a wo a se mi ní babauu hu ba. Ní nɛ ɔmɛ ji tsopa kɛ e he via, sika tsu, kɛ tɛ nɛ he jua wa. Benɛ manyɛ ɔ kɛ Salomo ba bua a, e bi Salomo munyuhi tsuo nɛ ngɛ e yi mi.

Matsɛmɛ I, 10:10

Enɛ ɔ se ɔ, Sheba manyɛ ɔ ke Matsɛ Salomo ní nɛ ɔmɛ nɛ e hɛɛ kɛ ba a: sika tsu kilo akpe eywiɛ, tsopa kɛ e he via babauu, kɛ tɛ nɛ he jua wa. Tsopa kɛ e he via nɛ Sheba manyɛ ɔ ba ke Matsɛ Salomo ɔ, Salomo na we eko nɛ hiɛ kaa ja hyɛ.

Matsɛmɛ I, 9:14

Blɔɔ Hiram ngɔ sika tsu kilo akpe eywiɛ ngɔ mane Salomo momo.

Mose I, 43:11

A tsɛ Yakob de mɛ ke, “Ke ja ji sane ɔ, lɛɛ nyɛɛ ngɔ zugba nɛ ɔ nɔ ní kpakpa amɛ ekomɛ kɛ wo nyɛ kotoku ɔmɛ a mi, nɛ nyɛ kɛ ya ke ganɔ ɔ. Nyɛɛ ngɔ tsopa nu bɔɔ, bila, hwo bɔɔ, kɛ tsopahi kɛ a he via bɔɔ, gigɛ bɔɔ, kɛ ngmɛ́ bɔɔ.

Mose II, 30:34

Yawɛ de Mose ke, “Moo ngmɛ tsopa kɛ e he via nɛ ɔmɛ nɛ a jiimi nɛ pee fiee: stakte, onitsa, galbanum, kɛ mimɛ ngmingmiingmi.

Kronika II, 9:8

Yawɛ, o Mawu ɔ nɛ na o he bua jɔmi nɛ e ngɔ mo ngɔ hi e sɛ ɔ nɔ, konɛ o ye matsɛ ngɛ e biɛ mi ɔ, a je e yi. Akɛnɛ o Mawu ɔ suɔ Israel, nɛ e suɔ kaa ma a nɛ hi si kɛ ya neneene he je ɔ, e wo mo tsɛ ngɛ a nɔ, konɛ o kojo, nɛ o ye dami sane.”

Kronika II, 9:10

Hiram tsɔli ɔmɛ, kɛ Salomo tsɔli ɔmɛ nɛ ngɔ sika tsu kɛ je Ofir kɛ ba a, ngɔ tsohi, kɛ tɛhi nɛ a he jua wa hu kɛ ba.