Kronika II, 9:8 - BAIBLO ALOO NGMAMI KLƆUKLƆU Ɔ

⁸ Yawɛ, o Mawu ɔ nɛ na o he bua jɔmi nɛ e ngɔ mo ngɔ hi e sɛ ɔ nɔ, konɛ o ye matsɛ ngɛ e biɛ mi ɔ, a je e yi. Akɛnɛ o Mawu ɔ suɔ Israel, nɛ e suɔ kaa ma a nɛ hi si kɛ ya neneene he je ɔ, e wo mo tsɛ ngɛ a nɔ, konɛ o kojo, nɛ o ye dami sane.”

Kronika II, 9:8 ပူးပေါင်းရင်းမြစ်များ

Samuel II, 23:3

Israel Mawu ɔ tu munyu, Tɛ sa a nɛ heɔ Israel yi wami ɔ de mi ke, “Nɔ nɛ kɛ dami sane yemi yeɔ nihi a nɔ, nɛ e kɛ Mawu gbeye yemi yeɔ ma nɔ ɔ,

Samuel II, 8:15

David ye Israel ma a tsuo nɔ matsɛ; e ye dami sane kɛ ha nɔ tsuaa nɔ.

Matsɛmɛ I, 10:9

Yawɛ, o Mawu ɔ nɛ ná o he bua jɔmi, nɛ e wo mo Israel nɔ matsɛ ɔ, a je e yi. Akɛnɛ suɔmi nɛ Yawɛ suɔ Israel ɔ ngɛ kɛ yaa neneene he je ɔ, e wo mo tsɛ, konɛ o kojo, nɛ o ye dami sane.”

Matsɛmɛ I, 3:28

Benɛ Israel ma a tsuo nu bɔ nɛ Matsɛ Salomo buá sane ɔ he ha a, a bu lɛ wawɛɛ nitsɛ; ejakaa a yɔse kaa Mawu ha lɛ nile nɛ e kɛ kojo ngɛ dami sane yemi nya.

Kronika I, 17:22

O ngɔ o ma, Israel ngɔ pee mo nitsɛ o ma kɛ yaa neneene. Nɛ mo, Yawɛ o ba pee a Mawu.

Kronika I, 28:5

E ha mi bimɛ babauu, nɛ e hla Salomo kɛ je ye binyumu ɔmɛ tsuo a kpɛti ke e ba hi matsɛ sɛ ɔ nɔ nɛ e ye Yawɛ nitsɛ ma, Israel ɔ nɔ.

Kronika I, 29:10

Kɛkɛ nɛ Matsɛ David je Yawɛ yi ngɛ ma kpekpemi ɔ hɛ mi, nɛ e de ke, “Yawɛ, wa nɛ̃ Yakob Mawu, a je o yi kɛ ya neneene!

Kronika I, 29:20

Jehanɛ, David de ma kpekpemi ɔ ke, “Nyɛ je Yawɛ, nyɛ Mawu ɔ yi!” Kɛkɛ nɛ ma kpekpemi ɔ tsuo je Yawɛ a nɛmɛ a Mawu ɔ yi. A kpla si nɛ a ja Yawɛ, nɛ a wo matsɛ ɔ hu hɛ mi nyami.

Kronika I, 29:23

Lɔ ɔ he ɔ, Salomo ba hi matsɛ sɛ ɔ nɛ Yawɛ nitsɛ to sisi ɔ nɔ ngɛ e tsɛ David nane mi. E matsɛ yemi ɔ ya nɔ wawɛɛ nitsɛ, nɛ Israel ma a tsuo buɔ lɛ tue.

Kronika II, 13:8

Jehanɛ lɛɛ, he wami ɔ nɛ Yawɛ ngɔ ha David nina kaa mɛ lɛ a yeɔ matsɛ ɔ, nyɛ ngɛ hlae nɛ nyɛɛ te si kɛ si jamɛ a he wami ɔ. Nyɛ he hiɛ babauu, nɛ sika tsu na bihi, nɛ ji mawuhi nɛ Yeroboam pee kɛ ha nyɛ ɔ hu ngɛ nyɛ dɛ.

Kronika II, 2:10

Ma mane o ní tsuli ɔmɛ ngma nɛ jiɔmi ji tɔn akpe enyɔ, akoko nɛ jiɔmi ji tɔn akpe enyɔ, wai lita akpe lafa eywiɛ, kɛ oliv nu hu lita akpe lafa eywiɛ.”

Kronika II, 2:11

Matsɛ Hiram ngma womi kɛ mane Salomo ke, “Akɛnɛ Yawɛ suɔ e ma a he je ɔ, e wo mo matsɛ ngɛ a nɔ.

Kronika II, 9:7

O tsɔli ɔmɛ a he ngɛ ní pɛ. O tsɔli ɔmɛ nɛ sɔmɔɔ mo daa, nɛ a nuɔ o nile munyu ɔmɛ ɔ, a he ngɛ ní pɛ!

Kronika II, 9:9

Enɛ ɔ se ɔ, Sheba manyɛ ɔ ke Matsɛ Salomo ní nɛ ɔmɛ nɛ e hɛɛ kɛ ba a: sika tsu nɛ jiɔmi ji kilo akpe eywiɛ kɛ se, tsopa kɛ e he via babauu, kɛ tɛ nɛ he jua wa. Tsopa kɛ e he via nɛ Sheba manyɛ ɔ ba ke Salomo ɔ, a nɛ eko hyɛ nɛ kɛ lɛ sɔ.

La 18:19

E ngɔ mi kɛ ba he nɛ he jɔmi ngɛ. E he ye yi wami, ejakaa e suɔ mi.

La 22:8

A deɔ ke, “Tse e ke e ngɔ e hɛ kɛ fɔ Yawɛ nɔ? Yawɛ nɛ he e yi wami koo? Ke Yawɛ suɔ lɛ ɔ, mɛni he je e ba píɛ we e he?”

La 72:2

É ngɔ dami sane yemi kɛ hyɛ o ma a nɔ; nɛ é ye nɔ́ nali a sane ha mɛ!

La 99:4

Matsɛ kpetekpleenyɛ, mo nɛ o suɔ nɔ́ nɛ da! O to anɔkuale, kɛ dami sane yemi si ngɛ Israel.

Abɛ Womi 21:3

Pee nɔ́ nɛ sa, kɛ nɔ́ nɛ da; lɔ ɔ saa Yawɛ hɛ mi pe nɔ nɛ a maa sã bɔ ha lɛ.

Abɛ Womi 29:4

Matsɛ nɛ yeɔ dami sane ɔ, e ma a yaa nɔ saminya; se nɔ nɛ heɔ nike ní pani nya ngɛ e ma mi bi a dɛ ɔ, e ywiaa ma a.

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

Yesaya 62:4

A be mo tsɛe hu ke, “Nɔ nɛ a kua lɛ,” nɛ a be o zugba hu tsɛe ke, “Yo nɛ a fie lɛ kɛ je gba we.” Se a ma tsɛ mo ke, “Mawu ná e he bua jɔmi,” nɛ o zugba a, a ma tsɛ lɛ “Ayɛflo,” ejakaa Yawɛ bua jɔ o he, nɛ e maa ngɔ o zugba a kɛ pee kaa e we ayɛflo.

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

Mose V, 7:8

Suɔmi mohu Yawɛ suɔ nyɛ; nɛ kita nɛ e ka nyɛ nɛmɛ ɔmɛ ɔ, e suɔ kaa e maa ye nɔ. Enɛ ɔ he je nɛ Yawɛ kɛ kɔni si wami je nyɛ, nɛ e kpɔ̃ nyɛ kɛ je nyɔguɛ yemi mi kɛ je Egipt matsɛ ɔ dɛ mi ɔ nɛ.