Kronika II, 9:24 - BAIBLO ALOO NGMAMI KLƆUKLƆU Ɔ

²⁴ Nɔ tsuaa nɔ kɛ nike ní nɛ ɔmɛ ba haa Salomo: sika hiɔ, sika tsu níhi, tade, ta hwumi níhi, tsopa kɛ e he via, okpɔngɔ, kɛ teji okpɔngɔ. A peeɔ nɔ́ nɛ ɔ daa jeha.

Kronika II, 9:24 ပူးပေါင်းရင်းမြစ်များ

La 72:10

Matsɛmɛ nɛ je Spania, kɛ zugbahi nɛ wo bɔle mɛ ɔ a nɔ ɔ, á tsu to kɛ ba ha lɛ, nɛ Sheba, kɛ Seba matsɛmɛ ɔmɛ nɛ a ba ke lɛ ní!

Hiob 42:11

Hiob nyɛminyumuhi, e nyɛmiyihi, kɛ nihi nɛ le lɛ sa a tsuo ba slaa lɛ nɛ a kɛ lɛ ba ye ní ngɛ e we ɔ mi. A ye lɛ kɔmɔ nɛ a jɔɔ e bua ngɛ haomihi tsuo nɛ Yawɛ kɛ ba e nɔ ɔ a he. A ti nɔ tsuaa nɔ ke lɛ sika, kɛ sika tsu ga.

Kronika II, 9:9

Enɛ ɔ se ɔ, Sheba manyɛ ɔ ke Matsɛ Salomo ní nɛ ɔmɛ nɛ e hɛɛ kɛ ba a: sika tsu nɛ jiɔmi ji kilo akpe eywiɛ kɛ se, tsopa kɛ e he via babauu, kɛ tɛ nɛ he jua wa. Tsopa kɛ e he via nɛ Sheba manyɛ ɔ ba ke Salomo ɔ, a nɛ eko hyɛ nɛ kɛ lɛ sɔ.

Matsɛmɛ I, 10:25

Nɔ tsuaa nɔ kɛ nike ní nɛ ɔmɛ eko baa: sika hiɔ, sika tsu níhi, tade, ta hwumi níhi, tsopa kɛ e he via, okpɔngɔ, kɛ teji okpɔngɔ. Nɔ́ nɛ ɔ ya nɔ daa jeha.

Matsɛmɛ I, 10:10

Enɛ ɔ se ɔ, Sheba manyɛ ɔ ke Matsɛ Salomo ní nɛ ɔmɛ nɛ e hɛɛ kɛ ba a: sika tsu kilo akpe eywiɛ, tsopa kɛ e he via babauu, kɛ tɛ nɛ he jua wa. Tsopa kɛ e he via nɛ Sheba manyɛ ɔ ba ke Matsɛ Salomo ɔ, Salomo na we eko nɛ hiɛ kaa ja hyɛ.

Matsɛmɛ I, 9:14

Blɔɔ Hiram ngɔ sika tsu kilo akpe eywiɛ ngɔ mane Salomo momo.

Samuel I, 10:27

Se yaka nimli komɛ bi ke, “Kɛ nɔmlɔ nɛ ɔ maa pee kɛ he wa yi wami kɛɛ?” A gbe e he guɛ, nɛ mɛɛ a ya ki lɛ ní. Se Saul pui a nya mi.

Kronika II, 9:23

Zugba a nɔ matsɛmɛ ɔmɛ tsuo hlaa kaa a maa ba Salomo ngɔ nɛ a ba bu nile nɛ Mawu kɛ dloo lɛ ɔ tue.

Manyadali 3:15

Se Israel bi ɔmɛ fa kue ha Yawɛ, nɛ Yawɛ je kpɔlɔ ko ha mɛ. Lɛ ji Ehud, Benyamin no Gera binyumu ɔ; muɔtsɛ ji lɛ. Israel bi ɔmɛ tsɔ lɛ Moab matsɛ, Eglon ngɔ kɛ nike níhi.

Kronika II, 17:11

Filisti bi ɔmɛ a ti ni komɛ ba ke Yehoshafat ní, nɛ a kɛ sika hiɔ babauu wo tó ha lɛ. Arabia bi ɔmɛ hu ba ha lɛ agbosu akpe kpaago kɛ e nya lafa kpaago, kɛ akpakpo akpe kpaago kɛ e nya lafa kpaago.

La 68:30

Egipt, lohwe dikalɔ nɛ hii gla mi ɔ, ka e hɛ mi; je ma amɛ, na kuhi, kɛ a na bihi tsuo, ka a hɛ mi hluu kɛ yaa si mɛ tsuo a ma ba kpla si, nɛ a maa ngɔ a sika kɛ ba ha mo. Mahi nɛ ta pɛ a suɔ ɔ, gbɛɛ mɛ ngɔ fĩa.