Kronika II, 9:20 - BAIBLO ALOO NGMAMI KLƆUKLƆU Ɔ

²⁰ Matsɛ Salomo nyu numi kpluhi tsuo ɔ, sika tsu a kɛ pee mɛ. Níhi nɛ ngɛ Lebanon hue tsu ɔ mi hu sika tsu ngmingmiingmi sɔuu lɛ a kɛ pee mɛ; sika hiɔ be mi, ejakaa a bui sika hiɔ he akɔtaa ngɛ Salomo be ɔ mi.

Kronika II, 9:20 ပူးပေါင်းရင်းမြစ်များ

Yeremia 31:5

Nyɛ maa pee wai ngmɔhi ngɛ Samaria yo ɔmɛ a nɔ ekohu; ni nɛmɛ nɛ ma du ní ɔ, mɛ lɛ a maa ye niba ní ɔ.

Yesaya 2:22

Nyɛ ko ngɔ nyɛ hɛ ngɔ fɔ nɔmlɔ adesa nɔ. Tlukaa kɛkɛ e mumi je e mi, nɛ e he be se nami hu.

Ester 1:7

A wo dã ha ni ɔmɛ ngɛ sika tsu kplu slɔɔtoslɔɔtohi a mi; nɛ matsɛ ɔ dã a hiɛ bɔ nɛ sa.

Kronika II, 9:27

Salomo yi nɔ ɔ, a pee we sika hiɔ, kɛ seda a he nɔ́ ko ngɛ Yerusalem; sika hiɔ ngɛ kaa tɛ, nɛ seda tso hu pɔ he kaa sikamore tso.

Matsɛmɛ I, 10:21

Sika tsu a kɛ pee Matsɛ Salomo nyu numi kpluhi tsuo. Níhi nɛ ngɛ Lebanon hue tsu ɔ mi hu sika tsu ngmingmiingmi sɔuu lɛ a kɛ pee mɛ; sika hiɔ be mi, ejakaa a bui sika hiɔ he akɔtaa ngɛ Salomo be ɔ mi.

Mateo 6:29

Se i ngɛ nyɛ dee ke, Matsɛ Salomo kɛ e hɛ mi nyami ɔ tsuo tete sui enɛ ɔmɛ a kpɛti kake he fɛu.

Kronika II, 9:19

A puɛ jatahi nyɔngma kɛ enyɔ kɛ ma si ngɛ kpoku ekpa amɛ a nya hiɛ kɛ hiɛ; jata kake ngɛ kpoku kake nya hiɛ, nɛ jata kake hu ngɛ kpoku kake nya hiɛ. A pee we matsɛ sɛ nɛ ɔ eko hyɛ ngɛ matsɛ yemi he kpa ko.

Kronika II, 9:21

Matsɛ Salomo ngɛ jua yemi lɛhi nɛ yaa Spania. Hiram tsɔli ji nihi nɛ tsuɔ ní ngɛ lɛ ɔmɛ a mi. Daa jeha etɛ ɔ, Salomo lɛ ɔmɛ ngɔɔ sika tsu, sika hiɔ, suɔ wu, siato, kɛ anguɛ kɛ baa we.