Kronika II, 9:2 - BAIBLO ALOO NGMAMI KLƆUKLƆU Ɔ

² Salomo ha lɛ munyu ɔmɛ tsuo a heto; ekoeko be nɛ wa tsɔ ha lɛ nɛ e nyɛ we nɛ e ha heto.

Kronika II, 9:2 ပူးပေါင်းရင်းမြစ်များ

Matsɛmɛ I, 3:12

nɔ́ nɛ o bi ɔ, ma pee ha mo. Ma ha mo nile, kɛ nɔ́ sisi numi babauu bɔ nɛ nɔ ko hí si hyɛ nɛ e kɛ mo sɔ, nɛ o se hu nɔ ko nɔ ko ba be nae nɛ e kɛ mo maa sɔ.

Matsɛmɛ I, 4:29

Mawu ha Salomo nile, nɔ́ sisi numi, kɛ juɛmi nɛ nya wa babauu nitsɛ bɔ nɛ a be nyɛe maa kale.

Kronika II, 9:1

Sheba manyɛ ɔ ba nu Salomo he sane, nɛ e hia blɔ kɛ ba Yerusalem, konɛ e ba ka lɛ kɛ sane bimihi nɛ a he wa. Benɛ e ma a, nihi babauu nitsɛ nyɛɛ e se kɛ ba. E kɛ afukpɔngɔhi nɛ a wo a se mi ní babauu hu ba. Ní nɛ ɔmɛ ji tsopa kɛ e he via, sika tsu, kɛ tɛ nɛ he jua wa. Benɛ manyɛ ɔ kɛ Salomo ba bua a, e bi Salomo munyuhi tsuo nɛ ngɛ e yi mi.

Kronika II, 9:3

Sheba manyɛ ɔ nu Salomo nile munyu ɔmɛ, nɛ e na matsɛ we ɔ nɛ e po ɔ.

Abɛ Womi 13:20

Nɔ nɛ kɛ ní leli nyɛɛɔ ɔ, e leɔ ní. Se nɔ nɛ kɛ kuasiahi bɔɔ ɔ, haomi lɛ baa e nɔ.

Abɛ Womi 18:4

Nile ma nyɛ je nɔmlɔ nya mi munyu mi; e mi kuɔ kaa wo, nɛ e he tsɔ kaa pa nɛ hia kɛ bee.

Marko 4:11

E de mɛ ke, “Nyɛɛ lɛɛ a ha nyɛ he blɔ kaa nyɛɛ le laami sanehi nɛ ngɛ Mawu matsɛ yemi ɔ mi; se ni kpa amɛ lɛɛ abɛ gbi mi a deɔ mɛ sane ɔmɛ ngɛ,

Marko 4:34

Abɛhi a mi pɛ e kɛ mɛ tuɔ munyu ngɛ, se ke e piɛ e kɛ e kaseli ɔmɛ pɛ ɔ, e tsɔɔ mɛ abɛ ɔmɛ tsuo a sisi.

Yohane 15:15

Jehanɛ i tsɛ we nyɛ tsɔli hu, ejakaa tsɔlɔ li nɔ́ nɛ e nyɔmtsɛ tsuɔ. I tsɛɔ nyɛ ye huɛmɛ mohu, ejakaa níhi tsuo nɛ i nu kɛ je Tsaatsɛ nya a, i de nyɛ.

Kolosebi 2:3

Nile, kɛ juɛmi nɛ mi kuɔ ɔ, Kristo mi a naa ngɛ.

Hebribi 4:12

Ejakaa Mawu munyu hɛ ngɛ, e ngɛ he wami, nɛ e nya ba pe klaate nya enyɔtsɛ. E gbuu kɛ sɛɛ nɔ mi kɛ ya siɔ e gbaa klaa, kɛ mumi ɔ mi, kɛ jehanɛ hu kpɔji nya amɛ, kɛ wu mi zɔ ɔmɛ a mi. Mawu munyu ɔ jeɔ adesa tsui mi níhi, kɛ e yi mi tomi kpo.

Yakobo 1:5

Se ke nyɛ ti nɔ ko ngɛ nile hlae ɔ, e kpa Mawu pɛɛ, nɛ e ma ha lɛ; ejakaa Mawu haa nɔ nɔ́ faa nɛ mi mi gbigblimi be mi.